Connect with us

تازه خبرونه

د امریکايي ځواکونو د قومندې ګډ مرکز د ایران له نیابتي ډلو اندېښمن شوی

خپور شوی

د

(Last Updated On: سلواغه ۱۳, ۱۳۹۸)

د امریکايي ځواکونو د قومندې ګډ مرکز قومندان څرګنده کړې، چې ایران به په افغانستان کې د خپلو نیابتي ډلو پر مرسته امریکايي او ائتلافي ځواکونو ته زیان ورسوي.

 د امریکايي ځواکونو د قومندې ګډ مرکز قومندان جنرال کنت فرنک مکینزی تېره ورځ کابل ته په یو نا اعلان شوي سفر کې له افغان ولسمشر اشرف غني سره ولیدل.

نوموړي هغو خبریالانو ته، چې له ده سره په دې سفر کې ملګري وه ویلي: په افغانستان کې د ایران له اندېښنو ډکې شراچوونکې کړنې ویني.

جنرال مکینزي په ډاګه کړې؛ ایران تل تر یوه بریده په افغان مسایلو کې منفي رول درلود؛ خو هغوی ښايي داسې یو فرصت لټوي، چې د خپلو نیابتي ډلو په لاس میشتو ائتلافي ځواکونو ته زیان ورسوي، ځکه مونږ دغې موضوع ته ډېر اندېښمن یو.

جنرال مکینزي وايي؛ داسې شواهد شته، چې ښیي په افغانستان کې د ایران ډېریدونکې هڅې د ائتلافي او امریکايي ځواکونو لپاره خطرونه رامنځته کوي.

د حزب اسلامي افغانستان مشر ګلبدین حکمتیار ویلي، چې امریکا په لوی لاس افغانستان د ایران لمنې ته وروغورځاوه.

ملي وحدت حکومت ويلي؛ ایران ژمنه کړې، چې له امریکا سره د لانجو لمن به افغانستان ته نه غزوي.

د افغانستان ملي امنیت شورا دفتر ویلي، د ملي امنیت سلاکار محب الله محب د افغانستان لپاره د ایران له ځانګړي استازي محمد ابراهیم طاهریان سره په کابل کې د یوې لیدنې پر مهال ویلي:  افغانستان له ګاونډ هېوادونو سره د خپلو ګټو او د بهرني سیاست د واضح تعریف پر اساس خپلواکې اړیکې لري او هیله ده، چي د همدې تعریف په رڼا کې یې له ایران سره هم اړیکي غښتلي شي.

دغه راز د ایران د بهرنیو چارو وزارت ځانګړي استازي محمد ابراهیم طاهریان ویلي، چې هېواد یې د افغانانو پر مالکیت او رهبرۍ د سولي له پروسې، د افغانستان له برحاله نظام او نافذه قوانینو ملاتړ کوي.

امریکا د ایران لاسوهنې د اندېښنې وړ بولي او له دې مخکې په کابل کې د ایران سفیر ویلي وه ، چې د اړتیا له مخې به په افغانستان کې د امریکا د پوځي مرکزونو په اړه پرېکړه کیږي.

دا په داسې حال کې ده، چې افغان حکوما د امریکا او ایران تر منځ د رامنځته شویو شخړو او ناندرو په اړه د ناپېیلتوب سیاست غوره کړی دی.

خبریال: باعث حیات

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!