Connect with us

بلخ @ps

د شمالي ولایتونو لپاره د طالبانو مالي مسوول ووژل شو-دفاع وزارت

Avatar

خپور شوی

 په

(Last Updated On: مرغومی ۲۲, ۱۳۹۸)

د افغانستان دفاع وزارت په ډاګه کړې، چې د سهیل ختیځ زون لپاره د طالبانو مالي مسوول په یو هوایي برید کې وژل شوی دی.

د دفاع وزارت په خبرپاڼه کې، چې د یکشنبې پر ورځ( د مرغومي ۲۲) خپره شوې راغلي؛ د کندوز په امام صاحب ولسوالۍ کې د افغان ځواکونو پرهوایي برید د شمالي ولایتونو لپاره د طالبانو مالي مسوول محب الله نومی ووژل شو.

د خبرپاڼې له مخې؛ محب الله نومی پاکستانی دی او هغه مهال تر هوایي برید لاندې راغی او ووژل شو، چې په کرولا ډوله موتر کې سپور و.

دغه راز څرګنده شوې، چې د هېواد په شمالي او شمال ختیځو ولایتونو کې د طالبانو پر ضد ملي، دفاعي او امنیتي ځواکونو پراخ عملیات پیل کړي دي.

 طالبانو تر دې دمه په دې اړه څه ندي ویلي.

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Avatar

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

بلخ @ps

په بلخ کې په مشروطه توګه ښاري محدودیتونه لیرې شول

Avatar

خپور شوی

په

توسط

(Last Updated On: غویی ۲۱, ۱۳۹۹)

په بلخ کې له کرونا ویروس سره د مبارزې کمیسیون سر له ننه / د غویی ۲۱ په مشروطه توګه ښاري محدودیتونه لیرې کړل.

له هوټلونو پرته نور ټول اصناف سر له ننه کولی شي ښاري هڅې تر سره کړي؛ خو د کار او هڅو پر مهال دې روغتیایي اصولو ته پاملرنه ولري.

یو شمېر هېواد والو په داسې حال کې، چې دا ویروس مخ په پراختیا دی؛ دا راز پرېکړه زیانمنه بولي.

په داسې حال کې، چې له تېرو ۲۴ ګړیو راپدیخوا په بلخ کې ۴۳ مثبتې پېښې ثبت شوي او په دې ولایت کې د دې ویروس ټول شمېر ۳۰۰ ته رسیدلی دی.

Continue Reading

بلخ @ps

په هېواد کې سیلابونو ۷۰۰۰ کورنۍ زیانمنې کړي

Avatar

خپور شوی

په

توسط

(Last Updated On: غویی ۱۸, ۱۳۹۹)

د هېواد په یو شمېر ولایتونو کې د ویجاړوونکیو سیلابونو د راوتلو له کبله اووه زره کورنۍ زیانمنې شوې دي.

طبیعي پېښو ته د لاسرسي په چارو کې د دولت وزارت څرګنده کړې، چې د هېواد په ۲۵ ولایتونو کې د زورورو اورښتونو له کبله ۷۰۰۰ کورنۍ زیانمنې شوې دي.

د دغه بنسټ د څرګندونو له مخې؛ په یو شمېر ولایتونو کې دغو سیلابونو د مالي زیان تر څنګ ځاني زیانونه هم اړولي دي.

د یاد وزارت ویاند احمد تمیم عظیمي زیاته کړې، چې له ۶۰۰۰ بې ځایه شویو کورنیو سره د لومړنیو توکو مرسته تر سره شوې او له هغو کورنیو سره، چې کورونه یې بشپړ ویجاړ شوي؛ د نغدو پیسو مرسته شوې ده.

دغه راز د سمنګان ولایت په دوه ولسوالیو کې د سیلابونو له کبله ۱۰۰۰ کورنۍ بې ځایه شوي او سلګونه حیوانات له منځه تلي دي.

د سمنګان والي عبداللطیف ابراهیمي ویلي، چې اوس هم د دې ولایت په ځینو سیمو کې د سیلابونو د راوتلو وېره شته دی.

له دې سره همهاله په تېرو درې ورځو کې د هلمند ولایت د ګرشک، ګرمسیر، نادعلي او ناوه ولسوالیو سلګونه کورنۍ د سیلابونو له کبله بې ځایه شوي دي.

دغه راز په غور ولایت کې هم د سیلابونو له کبله سلګونه هکتاره کرنیزه ځمکه دغو وختي سیلابونو ویجاړه کړې ده.

Continue Reading

Trending