تازه خبرونه
د خواف ـ هرات د ۴۳ کیلومتره اوسپنې پټلۍ د غزولو تړون لاسلیک شو
د خواف ـ هرات د اوسپنې پټلۍ د لومړي فاز د څلورمې برخې د جوړولو تړون نن پنجشنبه د ( لیندۍ۲۱) له یوې قزاقستاني کمپنۍ سره لاسلیک شو.
د غه تړون د ولسمشر غني په شتوالي کې د افغانستان د اوسپنې پټلۍ ادارې د رییس یما شمس او د قزاقستان (INKON KZ) شرکت له مسوولینو سره لاسلیک شوی دی.
د افغانستان د ترانسپورت وزارت ویلي، چې د خواف ـ هرات د لومړي فاز د څلورمې برخې د اوسپنې پټلۍ ۴۳ کیلومتره اوږدوالی لري، چې د دې ولایت له غوریان، زنده جان او انجیل ولسوالیو تېریږي.
د ترانسپورت وزیر یما یاري ویلي؛ پر پروژې اته پنځوس اعشاریه پېنځه میلیون دالر لګښت راځي؛ پلی کوونکی یې د افغانستان حکومت دی، مالي ملاتړ یې ایتالیاکوي او په ۱۶ میاشتو کې بشپړیږي.
د ترانسپورت وزیر زیاته کړې، د دې پروژې له بشپړیدو سره به پېنځه کاله وروسته نږدې شپږ نیم میلیون ټنه بار د ایران او افغانستان تر منځ له دې لارې ولیږدول شي، چې نږدې څلور شپیته میلیون دالر عاید ترې په لاس راځي.
د ولسمشرۍ د څرګندونو له مخې؛ د دې پروژې دوه برخې د ایران له خوافه د شمتیغ تر پولې د ۷۶ کیلومترو په کچه مخکې بشپړې شوي او ګټې اخیستنې ته چمتو دي او د درېیمې برخې کار یې د شمتیغ له پولې څخه تر غوریان ولسوالۍ، چې ۶۲ کیلو متره کیږي؛ ۹۵ په سلو کې بشپړ شوی دی.
په کابل کې د قزاقستان سفیر حلیم خان یسین ګیلدیوف هم ژمنه کوي؛ دا پروژه به پخپل وخت سره بشپړه شي او وایي: کوم شرکت، چې دا پټلۍ جوړوي د قزاقستان په داخل او منځني ختیځ کې یو له غوره شرکتونو څخه دی. زه پخپل وار تاسې ته ژمنه درکوم هغهه ځواک، چې دا شرکت لري، تړون به په خپل وخت بشپړ کړي.
د هرات – خواف د اوسپنې پټلۍ، چې د افغانستان او ایران تر منځ تر ټولو ستره پروژه ده؛ افغانستان د ایران له لارې د اروپا له بازارونو سره نښلوي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
تازه خبرونه14 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ12 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
سوداگري1 day ago
د اوسپنې پټلۍ له لارې ترکیې ته د افغانستان صادرات پیل شول