Connect with us

تازه خبرونه

د بهرنیو سرتېرو د وتو په اړه اجرائیه ريیس څرګندونې کړي

Ariana News

خپور شوی

 په

(Last Updated On: لړم ۴, ۱۳۹۸)

اجرائیه رییس منلې، چې په تېر یو کال کې زیاد شمېر بهرني سرتېري له افغانستان څخه وتلي؛ خو افغانستان په بشپړ ډول د بهرنیو ځواکونو وتلو ته چمتوندي.

طالبانو او امریکا له افغانستان څخه د بهرنیو ځواکونو وتلو او له القاعده سره د طالبانو د اړیکو پریکیدو په اړه نهه پړاوه خبرې ترسره کړي؛ خو دونالد ترامپ په وروستۍ شېبه کې د سولې هوکړه ورسره لغو کړه.

اوس افغان دولت د مزاکراتو د بیا پیلیدو غوښتنه کوي؛ خو پدې شرط، چې اوربند وشي او په خبرو کې حکومت هم ګډون ولري.

ښاغلي داکترعبدالله ټینګار کړی، چې بهرنیو ځواکونو وتل د سولی له خبرو سره تړلي دي.

د حکومت اجرائيه رییس عبدالله عبدالله له فرانس ۲۴ شبکې سره په مرکه کې څرګنده کړې، چې مونږ د خبرو د بیا پيلدو غوښتنه کوو؛ خو لدی سره همهاله اوربند او د تاوتریخوالي کمیدل به هم د خبرو یوه برخه وي. د حکومت استازیو شتون په دی خبرو کې هم اړین دی او له دی پرته به د سولې خبری بې پایلې وي.

نوموړي دا هم ویلي، چې په تېر یو کال کې د بهرنیو ځواکونو وتل د امنتي چارواکو د اجندا یوه برخه وه او په دې یو کال کې یو شمېر بهرني ځواکونه له افغانستان څخه ووتل او یوه بله لویه برخه به هم له افغانستان څخه ووځي.

داکتر عبدالله عبدالله په ډتاګه کړې، چې یوه اندازه سرتېري کم شوي او په نږدي راتلونکي کې به نور هم کم شي؛ خو د بهرنیو ځواکونو بشپړ وتل به مشروط وی او دا مسله به د افغانانو او طالبانو او امریکا او طالبانو د خبرو یوه برخه وی. زه وايم هېواد د بهرنیو ځواکونو بشپړ وتلو ته چمتو ندي. په داسی حال کې، چې جګړه روانه ده، داعش او القاعده حضور لري او د سولی په مزاکراتو کې هم پرمختګ ندی شوی.

دغه راز د ناپيلو هېوادونو په سرمشریزه کې ولسمشراشرف غني بیا هم طالبانو ته د سولې بلنه ورکړه او څرګندوي؛ افغانان دې ته چمتو دي، چې د سولی خبری د دوی په رهبرۍ مخته ولاړې شي.

ښاغلی غني په ښکاره وايي، بهرني ځواکونه به له افغانستان څخه ووځي؛ خو، چې طالبان د دولت د سولی وړانديز ومني.

ولسمشر اشرف غني ویلي، چې که طالبانو او ملاتړو يې د دولت سولې وړاندیزونه منلي وای اوس به په افغانستان کې د بهرنيو ځواکونو شمېر د پام وړ کم شوی و.

نوموړي زیاته کړې؛ په خواشینۍ، چې نړیوالو ترورستي شبکو طالبانو ته د هڅو زمینه برابره کړې او ملکي وګړي وژني.

له دی سره همهاله پنتاګون له افغانستان څخه د بهرنیو ځواکونو د وتلو پر طرحه کار کوي او څو ورځې وړاندې ان بې سي شبکي څرګنده کړه، چې دا طرحه له افغانستان څخه د بهرنیو ځواکونو پر ناڅاپي وتلو راڅرخي. که ولسمشر ترامپ امر وکړي، چې بهرني ځواکونه له افغانستان څخه ووځي؛ دا ځواکونه به وتلو ته چمتو وي.

تازه خبرونه

افغانستان او ترکمنستان د اقتصادي همکاریو تړونونه لاسلیک کړل

Ariana News

خپور شوی

په

توسط

(Last Updated On: تله ۹, ۱۳۹۹)

افغانستان او ترکمنستان د چارشنبې پر ورځ ( د تلې ۹) په کابل کې د برښنا او نوري فایبر په اړه د تفاهم درې هوکړه لیکونه او د اقتصادي همکاریو یو تړون لاسلیک کړ.

د دغو هوکړه لیکونو د لاسلیک په مراسمو کې د افغانستان ولسمشر اشرف غني له بیات ګروپ او د ترکمنستان له چالک شرکت څخه هېواد ته د  ۵۰۰ میګاوات برښنا لیږد او نوري فایبر نښلولو تړونونو لاسلیک مننه کړې ده.

احسان الله بیات او د چالک شرکت مشر حکمت سیزار؛ د افغان ولسمشر اشرف غني، د ترکمنستان د بهرنیو چارو وزیر رشید میردوف، د ترکمنستان سفیر اویزوف خواجه سفرګیدویچ، د کانونو او پترولیم وزارت چارسمبالي محمد هارون چخانسوري په حضور کې د ۵۰۰ میګاوات برښنا او نوري فایبر نښلولو تړونونه لاسلیک کړل.

د ولسمشرۍ د څرګندونو له مخې؛ د دغه هوکړه لیک د لاسلیک په مراسمو کې ولسمشر غني ویلي: نن مونږ خپل  پخوانی ښه تاریخ ژوندی کوو او د وروستیو کلونو بد تاریخ جبرانوو.

هغه زیاته کړې؛ د بیات ګروپ او چالک خصوصي شرکت له حضور څخه مننه او دا د دې څرګندوی دي، چې د افغانستان او نړیوالو خصوصي شرکتونو یو بل ته لاس ورکړی او ۵۰۰ میګاواته برښنا تامینوي. ترکمنستان نه یوازې افغانستان، بلکې خپلو ټولو ګاونډ هېوادونو ته ښه ګاونډ دی او مونږ بېرته خپلو لرغونو رېښو ته ورګرځو.

تاپ پروژه ( د ترکمنستان څخه افغانستان او پاکستان ته د برښنا لیږد) یوه له مهمو پروژو څخه ده، چې د دې پروژې د لومړي پړاو د جوړیدو تړون دوه اوونۍ وړاندې د افغانستان برښنا شرکت له چالک شرکت سره لاسلیک کړی دی.

د ترکمنستان د بهرنیو چارو وزیر د افغانستان او ترکمنستان دوه اړخیزو همکاریو ته په انغوته او شاره کې ویلي، هېواد یې غواړي، چې د دې لویو پروژو له تطبیق سره د انرژۍ د تامین ترڅنګ د دواړو هېوادونو ولسونو ته یې ګټه ورسېږي او زموږ اقتصادي همکارۍ به د ټولو لپاره موثرې وي.

هغه زیاته کړه چې په دې برخه کې د همکارۍ لپاره زیات فرصتونه شته او ددې اوږدمهالې پروژې ګټې ټولو ته رسیږي.

په پام کې ده چې د دې پروژې د لومړي پړاو په بشپړیدو سره په لومړي قدم کې ۳۰۰ میګاواټه برښنا د هرات او فراه ولایتونو اوسیدونکو ته ووېشل شي.

د افغانستان برښنا شرکت او چالک شرکت ترمنځ د شوې هوکړي پر بنسټ به د دې پروژې لومړی پړاو د یو کال په لړ کې بشپړ شي.

د یادونې وړ ده چې افغانستان به د دې پروژې له ترانزیټي لارې څخه د کال ۵۰ میلیون دالر د ترانزیت حق ترلاسه کړي.

Continue Reading

تازه خبرونه

په افغانستان کې سوله د پاکستان په ګټه ده – عارف علوي

Ariana News

خپور شوی

په

توسط

(Last Updated On: تله ۹, ۱۳۹۹)

د ملي پخلاینې عالي شورا مشر داکتر عبدالله عبدالله نن (چهارشنبه د تلې ۹) د پاکستان له ولسمشر عارف علوي سره په دوحه کې د روانو خپلمنځي خبرو اترو په اړه ولیدل.

د پاکستان ولسمشر عارف علوي په دې لیدنه کې ویلي؛ د پاکستان حکومت او مشرتابه په افغانستان کې د سولې له هڅو بشپړ ملاتړ کوي. مونږ په افغانستان کې جګړې پای او له سولې او ثبات ته ملاتړ کوو.

هغه ویلي: پاکستان د افغانستان په جګړه کې ځپل کیږي؛ خو له سولې ګټه پورته کوي.

ښاغلي علوي زیاته کړې، چې پاکستان غواړي له افغانستان سره د ښوونې او روزنې، لوړو زدکړو، معلوماتي تکنالوژۍ او عامې روغتیا په برخو کې همکاري زیاته کړي.

دغه راز هغه د دواړو لوریو تر منځ د سوداګرۍ پر پراختیا ټینګار کړی او وایي، چې د سولې له راتګ سره مونږ غواړو سویلي آسیا له مرکزي آسیا سره ونشلوو.

هغه دا هم ویلي، چې د سولې راتګ به د درنو مهاجرو ستنېدو ته هم زمینه برابره کړي.

د ملي پخلاینې عالی شورا مشر عبدالله ویلي؛ په دې پړاو کې د سولې لاسته راوړنه د افغانستان د خلکو او حکومت یو له لومړیتوبونو څخه ده او د دې بهیر په بریا کې د پاکستان او نورو هیوادونو همکاریو اړتیا ده.

عبدالله عبدالله زیاته کړې؛ افغانستان له خپلو ټولو ګاونډ هېوادونو په ځانګړي توګه له پاکستان سره ښې اړیکې غواړي او په افغانستان کې سوله او ثبات به د دواړو هېوادونو او سیمې تر منځ د همکارۍ، سوداګریزې ودې او پرمختګ لپاره لار اواره کړي.

عبدالله  دغه راز ټینګار کړی، چې مونږ له ستونزو څخه لرې او د جګړې پای ته رسولو لپاره یو استثنایي او رښتینی فرصت لرو او هیله لرو، چې دا ځل به له کورني، سیمه ییز او نړیوال ملاتړ سره د تلپاتې سولې او ثبات لرونکي شو.

Continue Reading

تازه خبرونه

فرانسې په نګورنو قره باغ کې د ترکیې پر لاسوهنه نیوکه کړې

Ariana News

خپور شوی

په

توسط

(Last Updated On: تله ۹, ۱۳۹۹)

فرانسې د آرمنستان او آذربایجان په شخړه کې له آذربایجان څخه د ترکیې پر ملاتړ کلکه نیوکه کړې او هغه یې جنګ غوښتنه ګنلې ده.

د آذربایجان او آرمنیا تر منځ د یکشنبې پر ورځ په نګورنو قره باغ سیمه کې نښتو زور واخیست، چې په کې د دواړو خواو کې سلګونه کسان وژل شوي او ژوبل دي.

د دواړو هېوادونو نښتو د سویلي قفقاز د بې ثباتۍ په اړه اندېښنې راپورته کړي، چې له دې لارې د تېلو پایپ لاینونه د نړۍ بازار ته تېریږي او دا وېره یې رامنځته کړې، چې سیمه ییز قدرتونه لکه روسیه او ترکیه به په کې راښکېل شي.

په ناتو کې د ترکیې ځینو متحدینو د انقرې له دریځه ملاتړ کړی، چې د آذربایجان په خاوره نګورنو قره باغ کې ارمني لږکي واکمني چلوي.

د ترکيې د بهرنيو چارو وزير مولود چاووش اوغلو د چارشنبې پر ورځ ویلي، چې ترکیه هر هغه څه ته، چې اړتیا وي؛ کوي.

اوغلو زیاته کړې، چې له آرمنستان سره د فرانسې پيوستون د آذربایجان جمهوریت له نیولو ښکاره ملاتړ دی.

لتویا ته د سفر پر مهال د فرانسې ولسمشر امانویل ماکرون ویلي، چې په نګورنو قره باغ کې د شخړې په اړه د ترکیې څرګندونې خطرناکې او جنګ غوښتنه ده، چې مونږ ته د منلو وړ ندي.

Continue Reading
Advertisement

Trending