تازه خبرونه
د اوربند هوډ نشته؛ خو د جګړې پر کمولو مشورې روانې دي- طالبان
طالبانو په تازه اعلامیه کې په ډاګه کړې، چې د اوربند هوډ نشته؛ خو د تاوتریخوالي او د جګړې د کچې پر کمولو مشورې روانې دي.
یوه اوونۍ اوربند ته د طالبانو د قانع کیدو د راپورونو له خپریدو وروسته دوی په یوه اعلامیه کې په ډاګه کړې، چې د اوربند هوډ نلري، بلکې د امریکا د غوښتنې له مخې د جګړې د حجم پر را کمولو غور او سلا مشورې کوي.
د طالبانو په اعلامیه کې راغلي: واقعیت دادی، چې اسلامي امارت د اوربند کوم تصمیم نلري؛ امریکایانو د جګړې د حجم او د عملیاتو د کمښت غوښتنه کړې او د اسلامي امارت په جهت کې پر همدې مشخصه مسئله مشورې روانې دي.
یو شمېر سرچینو ویلي؛ طالبانو امریکايي پلاوي ته د خپلو پېنځه زره زندانیانو نوملړ سپارلی او غوښتنه یې کړې، چې د سولې د هوکړې له لاسلیک وروسته باید د افغان دولت او امریکا له زندانونو خوشې شي.
طالبانو ته نږدې سرچینې ويلي، چې د دغو زندانیانو خوشې کول د امریکا او طالبانو د سولې د تړون مهمه برخه ده؛ خو افغان حکومت له طالبانو سره د سولې هر ډول خبرې له اوربند سره مشروطې بللې دي.
د طالبانو د واکمنۍ د المپیک ملي کمیتې مشر شکور مطمین ویلي؛ د طالبانو پوځي شورا پر لنډمهالي اوربند هوکړه کړې او ډېر ژر به د ملا هبت الله لخوا وروستۍ شي.
یو شمېر سرچینو ویلي، چې د طالب بندیانو نوملړ هم امریکایانو ته سپارل شوی دی.
اسوشیتید پرس څرګنده کړې، چې دا طالبان به د خوشې کیدو په صورت کې بیا سخت دریځۍ ته نګرځي.
پخوانی طالب چارواکی سید اکبرآغا ویلي؛ د اوربند منل رښتیا ندي. کیدی شي ډېر ژر اعلام شي او دغه راز د طالبانو د رهبرۍ تر منځ اختلاف هم نشته.
داسې تمې هم شته، چې د امریکا او طالبانو د سولې د هوکړه لیک له لاسلیک دوه اوونۍ وروسته به د افغانانو خپلمنځي خبرې هم پیل شي. له دې خبرو سره به له جګړې وروسته د افغانستان برخلیک او په کې د طالبانو ګډون روښانه کړي.
د ولسمشرۍ د ویاند مرستیاله درانۍ وزیرۍ ویلي، چې اوس هم د امریکا او طالبانو د استازیو تر منځ خبرې روانې دي. له هوکړې سره سم مونږ د خبرو کولو پلاوي لیږلو ته چمتو یو، چې د افغانستان د حکومت استازیتوب به کوي.
له دې مخکې یو شمېر طالب چارواکو اسو شیتید پرس ته ویلي وه، چې د طالبانو مشرتابه شورا لنډمهالی اوربند منلی؛ خو دا پرېکړه باید د طالب مشر ملا هبت الله لخوا وروستۍ او اعلام شي، چې ورسره سم به د امریکا او طالبانو تر منځ د سولې هوکړه لاسلیک شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
تازه خبرونه
ایران او پاکستان په افغانستان کې پر ترهګرو ډلو اندېښنه څرګنده کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ