تازه خبرونه
د افغانستان سوله یو شمېر هېوادونو یرغمل کړې- د ولسي جرګې دفاعي کمیته
د ولسي جرګې د دفاعي چارو کمیسیون مشر ویلي، د افغانستان سوله د یو شمېر هېوادونو لخوا یرغمل شوې او د دې هېوادونو نه ژمنې جګړه هم روانه ساتلې ده.
له هغې وروسته، چې د امریکا ولسمشر له خپل افغان سیال سره د غږمزي پر لیکه په خبرو کې د اوربند او د سولې خبرو اترو د پیل په تړاو خبرې وکړې؛ د ولسي جرګې یو شمېر غړیو هم د هغو ژمنو د عملي کیدو غوښتنه وکړه، چې د امریکایي چارواکو لخوا شوي دي.
د ولسي جرګې ۷غړي د سولې خبرو اترو په تړاو د نړیوالې اجماع غوښتنه هم لري.
دوی ویلي، تر هغې، چې د دې هېوادونو ګټې د افغانستان په سوله کې خوندي نشي، د سولې بهیر به پایلې ته ونه رسیږي.
د ولسي جرګې د دفاعي چارو کمیسیون مشر میرحیدر افضلي ویلي؛ ترهغې، چې د افغانستان د سولې په اړه سیمه ییزه او نړیواله همغږي ونلرو؛ سوله به په افغانستان کې رامنځته نشي؛ ځکه، چې هر هېواد په افغانستان کې خپلې ګټې ساتي او دا هغه ننګونه ده، چې له کبله یې ملي ګټو ته لږ پاملرنه کیږي.
د ولسي جرګې ځینې غړي ټینګار کوي، چې امریکا باید د افغانستان سولې په وړاندې خپلې ژمنې عملي کړي.
په ولسي جرګه کې د هرات استازي غلام فاروق مجروع ټینګار کړی، چې په سیمه کې د هېوادونو ناوړو سیالیو د هېواد امنیتي حالت زیانمن کړی او ورځ تر بلې حالات د خرابېدو پر لوري روان دي.
د ولسي جرګې د بلخ استازي رییس عبدالخالق څرګنده کړې؛ په داسې حال کې، چې خلک د سولې تږي دي؛ خو په افغانستان کې ښکېلو هېوادونو د افغانستان د سولې پر بهیر سوداګریزه لوبې پیل کړي او لس میاشتنۍ هڅې یې هم بې پایلې شوې. دا کار ښيي، چې د افغانستان د سولې لپاره رښتینی هوډ نشته.
د ولسي جرګې د غړیو په باور؛ تر اوسه حکومت ندی توانیدلی، چې له طالبانو سره د سولې خبرو اترو لپاره یوه ملي اجماع جوړه کړي او له همدې کبله طالبان له حکومت سره خبرو ته نه حاضریږي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه21 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ19 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی20 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ