Connect with us

سیمه ییز خبرونه

د افغانستان د فوتبال ملي لوبډلې بنګلدیش ته ماته ورکړه

خپور شوی

 په

(Last Updated On: وږی ۱۹, ۱۳۹۸)

د افغانستان د فوتبال ملي لوبډلې د قطر د ۲۰۲۲ نړیوال جام د لومړنیو سیالیو په دوه یمه لوبه کې بنګلدیش ته ماته ورکړه .

افغان لوبډلې دغه لوبه ۰ پر ۱ وګټله.

په دې لوبه کې د فوتبال ملي لوبډلې لوبډلمشر فرشاد نور د لوبې په لومړۍ نیمایي کې بریالی شو، چې د خپل سر په زور توپ د بنګلدیش له دروازې وباسي.

Continue Reading
Advertisement

تازه خبرونه

داعش په کندهار کې د شیعه ګانو پر یوه جومات د برید مسوولیت ومانه

خپور شوی

په

توسط

(Last Updated On: تله ۲۴, ۱۴۰۰)

د داعش خراسانۍ ډلې پرون (جمعه د تلې ۲۳ / د اکتوبر ۱۵) په کندهار ښار کې د شیعه ګانو پر یوه جومات د خونړي برید د ترسره کولو مسوولیت پر غاړه اخیستی دی.

د داعش  د څرګندونو له مخې؛ دوه داعشي بریدګرو لومړی د جومات پر ساتونکیو برید وکړ او بیا جومات ته ننوتل او خپلو چاودیدونکيو توکو ته یې چاودنه ورکړه.

چاودنه پرون د جمعې د لمانځه پر مهال د کندهار د لومړۍ ناحیې په امام بارګاه جومات کې رامنځته شوې ده.

د پېښې یوه شاهد ویلي، چې هغه د جومات د انګړ له دروازې څخه د درې چاودنو غږ واورید.

ویل کیږي، چې ټول قربانیان ملکي وګړي دي.

د رسنیو د راپورونو له مخې؛ د کورنیو چارو وزارت ویاند ویلي، چې د پېښې د څېړلو لپاره یو ځانګړی پلاوی د پېښې ځای ته استول شوی دی.

د اسلامي امارت ویاند ذبیح الله مجاهد په یوه پیغام کې لیکلي، چې اسلامي امارت دغه چاودنه غندي او دا ستر جنایت بولي.

هغه وایي؛ اسلامي امارت خپلو ځواکونو ته امر کړی، چې عاملین یې ونیسي او عدالت ته یې راکاږي.

د سیمه ییزو چارواکو د څرګندونو له مخې؛ د کندهار د لومړۍ حوزې د شیعه ګانو په جومات کې د جمعې لمانځه پر مهال چاودنو کې د وژل شویو کسانو شمېر ۴۷ او د ټپیانو هغه ۷۰  ته رسېدلی دی.

دې ته ورته یو برید تېره جمع په کندوز کې د شیعه ګانو پر یوه جومات شوی و، چې د داعش خراسانۍ ډلې یې مسوولیت منلی. په دې برید کې لږ تر لږه ۵۰ لمونځ کوونکي وژل شوي او له ۱۰۰ ډېر نور ټپیان دي، چې ټول ملکي وګړي وه.
Continue Reading

تازه خبرونه

د رواني روغتیا نړیواله ورځ او د تښتول شوي بلخي ډاکټر ناڅرګند برخلیک

خپور شوی

په

توسط

(Last Updated On: تله ۱۹, ۱۴۰۰)

د رواني روغتیا نړیواله ورځ په دا سې حال کې بلخیانو ونمانځله، چې یو رواني ډاکټر ۲۰ ورځې مخکې له روغتون څخه د کور پر لاره د ناڅرګندو وسلوالو لخوا وتښتول شو او تر دې دمه یې ځای ځایګی موندل شوی ندی.

په بلخ ولایت کې ډاکټرانو ویلي، چې د ډاکټر نادر نشتوالی یې احساس کړی او امنیتي ځواکونه باید د هغه د خلاصون لپاره کار وکړي.

د مزار شریف د عامې روغتیا روغتون ویلي؛ د نوموړي د تښتولو پر تور یو شمېر کسان نیول شوي او څېړنې ترې روانې دي.

ځایي چارواکو ویلي، د سړي تښتوونکیو د نیولو هڅې ګړندۍ شوې دي.

تر اوسه معلومه نده، چې د ډاکټر تښتوونکي د ډاکتر د خوشې کولو په بدل کې څه غواړي او نه هم د ډاکتر د کورنۍ غړي په دې اړه څه وايي.

دغه راز په بلخ کې د عبدالرووف په نوم یو ماشوم هم یو کال مخکې تښتول شوي او اوس هم د تښتوونکیو په منګولو کې دی.

د بلخي ماشوم عبدالرووف د برخلیک په اړه څه ندي ویل شوي، چې یو کال وړاندې تښتول شوی و او چارواکي تر دې دمه ندي توانیدلي، چې ماشوم خپلې کورنۍ ته وسپاري.

د ننګرهار حوزوي روغتون ډاکټرانو هم د رواني روغتیا ورځ ونمانځله او ویې ویل، چې په دې ولایت کې د رواني ناروغانو شمېر ډېر شوی دی.

ډاکټران وايي ډېری ناروغان ځوانان دي، چې له بیکارۍ سره مخ دي.

Continue Reading

تازه خبرونه

اسلامي امارت د بودا پژو له پاتېشونو ساتنه کوي – محمدي

خپور شوی

په

توسط

(Last Updated On: تله ۱۵, ۱۴۰۰)

د بامیان ولایت د اطلاعاتو او فرهنګ مشر مولوي سیف الرحمان محمدي ويلي، چې کلونه مخکې د بودا پژو( مجسمو) له ویجاړولو ځانګړی علت درلود؛ خو اسلامي امارت یې اوس د پاتو برخو ساتنه کوي.

په بامیان ولایت کې د بودا پژې دوه نیمې لسیزې مخکې له څه نا څه نیمګړتیاوو سره دنګې ولاړې وې؛ خو طالبانو یې د خپلې لومړنۍ واکمنۍ پر مهال ځینې نورې برخې هم ویجاړې کړې، چې نړۍ یې په اړه بېلابېل غبرګونونه وښودل.

دا په نړۍ کې د بودا تر ټولو لوړې لرغونې پژې وې، چې صلصال او شمامه نومیږي او اوس ترې لوټې پاتې دي.

د بامیان ولایت د اطلاعاتو او فرهنګ مشر ويلي، چې د بودا پژو له پاتېشونو ساتنه کوي او د سیلانیانو پر مخ یې دروازې پرانیستې دي.

د بامیان ولایت د اطلاعاتو او فرهنګ مشر مولوي سیف الرحمان محمدي وايي؛ د بامیانو د بودا له پژو څخه په لیدنه کوم محدودیت نشته او خلک کولی شي، چې د بامیانو له لرغونو سیمو لیدنه وکړي. دې ولایت ته اوس تر ډېره د ختیځو او لویدیځو ولایتونو سیلانیان راروان دي.

د بودا دې پژو هرې یوې ۵۳ او ۳۵ مټره لوړوالی درلود، چې د افغانستان د هغه وخت له مهمو او لرغونو آثارو څخه شمېر کیدې او د نړۍ ګڼ سیلانیان یې ځان ته جذبول.

لرغونپوهانو ويلي، چې د بودا غټه پژه صلصال په ۵۰۷ او وړه هغه شمامه په ۵۵۴ زېږدیزو کلونو کې پر یوناني او بودايي سبکونو توږل شوې وې.

دیني عالم رحمت الله ویلي؛ د بودا پزې په ۲۰۰۱ زېږدیز کال د عقیدتي مسایلو پر بنسټ ویجاړې شوې.

نوموړی زیاتوي: په لومړي پړاو کې د پژو د ویجاړولو په اړه اسلامي امارت بېړنۍ پرېکړه نده کړې. په دې اړه پوره غور شوی؛ له عقیدوي او اسلامي څېړنو وروسته یې هغه ویجاړې کړې دي.  

د دغو پژو د بیا رغونې لپاره د تېر حکومت د اطلاعاتو او فرهنګ وزارت د یونسکو او یو شمېر هېوادونو پر مرسته هڅې پیل کړې، چې ترې نیمګړې پاتې شوې.

صلصال د نرینه او شمامه د ښځې پژه ده، چې شاوخوا ته یې اته نور لرغوني وړې پژې توږل شوي، چې د دوی د اولادې ښکارندویې بلل کیږي. دادوه سترې پژې له یو بل ۸۰۰ مټره واټن لري.

که څه هم نن په بامیانو کې د هندویزم او بودیزم خبر نشته؛ خو دا پژې د افغانستان په مهمو لرغونو آثارو کې شېرل کیږي او خلک یې سیل ته ورځي.

لرغون پوهانو ويلي، چې لومړی ځل عرب مسلمان د حجاج بن یوسف په وخت کې پر بامیان واکمن شول او څه برخه یې ونړول شوه، د چنګیز خان پر مهال هم زیانمنې شوې او د امیرعبدالرحمن خان په وخت کې یې د نړولو او ویجادولو هڅې شوې دي. په یادو ټولو پېرونو کې یو زیات شمېر لرغوني آثار له دې ځایه لېږدول شوي او پر سره زر پوښل شوي معبدونو ته زیانونه اوښتي دي.

د یادونې ده، چې د سیمې د خلکو او د اسلامي امارت د هغه وخت د یو شمېر مسوولینو لخوا کشمیري طالبان د بودا پژو پر نړولو تورن شوي، چې له هندوانو سره یې د عقدو له مخې دا کار کړی دی.  

Continue Reading

Trending

آریانا نیوز: ټول حقونه خوندي دي