Connect with us

تازه خبرونه

د سوداګرۍ نړیوال مرکز د صادراتو په معیاري کولو کې همکاري پراخوي

Ariana News

خپور شوی

 په

(Last Updated On: زمری ۱۸, ۱۳۹۸)

د سوداګرۍ د نړیوال مرکز مسوولین وايي، د افغانستان له حکومت او خصوصي سکتورسره د صادارتو د معیاري کولو په برخه کې د نږدي ۱۲ میلیون امریکايي دالرو پر ارزښت نوره مرسته هم کوي.

د دغه مرکز د څرګندونو له مخې؛ اوس هم د افغانستان صادرات د نه معیاریتوب له کبله په نړیوالو بازارونو کې له ستونزو سره مخ دي.

دوی څرګنده کړې، چې له افغان سوداګرو سره به د نړیوال مارکیتونو د غوښتنو پر بنسټ سوداګري او صادرات برا بر کړي.

د سوداګرۍ د نړیوال مرکز سلا کار جان سباسشین رور وایي؛ مونږ د افغان سوداګرو د معیاري صادارتو په برخه کې همکاري کوو او هم به خصوصي سکتور ته د صادراتو معیاري پروسیجرونه رامنځته کړو، چې د افغانستان صادرات پراخه شي.

د خصوصي سکتور غړي له افغانستان سره د سوداګرۍ او په اقتصادي برخو کې د نړیوالو له مرستو هرکلی کوي او وایي؛ حکومت باید د افغانستان د سوداګرۍ ټول پروسیجرونه د افغانستان له شرایطو سره سم کړي، چې د تېر په څېر په پلي کیدو کې ستونزې رامنځته نشي.

د سوداګرۍ صنایعو او پانګونې شورا مرستیال عبد الجبار ساپی وایي: مونږ د نړیوالو له همکاریو هرکلی کوو؛ خو مهمه داده، چې د اقتصادي پروګرامونو جوړول او پلي کول باید د افغانستان له خصوصي سکتور سره په مشوره تر سره شي.

د خصوصي سکتور دغه غړي وايي؛ تر هغې، چې نړیوال مرستندویان او افغان حکومت په افغانستان کې د صادراتو او سوداګرۍ په برخه کې کورني پانګوال ونه هڅوي بهرنیان به کله هم په افغانستان کې پانګو نه تر سره نکړي.

خبریال: اسلم حجاب

Continue Reading
Advertisement

تازه خبرونه

د افغانستان حکومت د برښنا څلور بادي او لمریزې پروژې تصویب کړې

Ariana News

خپور شوی

په

توسط

(Last Updated On: تله ۱, ۱۳۹۹)

د افغانستان د اقتصاد عالی شورا په هرات، کابل او بلخ ولایتونو کې د برښنا څلور بادي او لمریزې پروژې تصویب کړې دي.

د مالیې وزارت د عامه خصوصي شرکتونو د پالیسۍ مشره لیمه خرم وايي، پر دغو پروژو ۱۶۰ میلیون دالر لګښت راځي.

نوموړې څرګنده کړې: په هرات کې یوه د بادي برښنا پروژه ده، چې ۲۵ میګاواته، بله هم د لمریزې برښنا پروژه ده، چې ۲۵ میګاواته وړتیا لري. دغه راز په مزارشریف کې د ۴۰ میګاواته لمریزې برښنا پروژه ده او دغه راز د کابل ولایت په نغلو کې د اوبو پر سر د شل میګاواته لمریزې برښنا تختې نصبېږي.

دا پروژې د دولت او خصوصي سکتور تر منځ د عامه – خصوصي مشارکت یوه برخه ده.

 دا په داسې حال کې ده، چې تېره میاشت د افغانستان د حکومت او اماراتي شرکت ترمنځ په افغانستان کې د ۳۰۰۰ میګاواته لمریزې بریښنا د تولید تړون لاسلیک شوی دی.

د افغانستان برښنا شرکت ويلي، چې په دې پروژه کې پانګونه او وخت او د لمریزېي برېښنا تولید ځای ته په پام سره توپیر لري. افغانستان دا مهال د کورونو روښانولو او اقتصادي څرخ خوځولو لپاره دوه زره میګاواټه برېښنا ته اړتیا لري

افغانستان دا مهال د کورونو روښانه کولو او اقتصادي پیاوړتیا ته ۲۰۰۰ میګا واته برښنا ته اړتیا لري، چې په دې برخو د ګاونډ هېوادونو څخه پر وارداتي برښنا خورا ډېر تکیه کوي.

Continue Reading

تازه خبرونه

ولسمشر غني له ملګرو ملتونو څخه د سولې لپاره د اوربند غوښتنه وکړه

Ariana News

خپور شوی

په

توسط

(Last Updated On: تله ۱, ۱۳۹۹)

ولسمشر اشرف غني له نړیوالې ټولنې یو ځل بیا وغوښتل، چې د افغانستان له خلکو سره د تېرو نولس کلونو د لاسته راوړنو د ساتنې لپاره همکار شي.

د افغانستان ولسمشر اشرف غني تېره شپه د وديو له لارې د  ملګرو ملتونو د  جوړېدو د پېنځه اویایمې کلیزې په مناسبت ویلي، افغانستان په یوه وخت کې له څو کړکېچونو سره مخامخ دی؛ خو بیړنی اوربند کولی شي، د سولې په بهیر کې پرمختګ ته لار اواره کړي.

نوموړی د دې سازمان رول د پراخ بنسټې ټولنې په خاطر مهم ګڼي.

هغه زیاته کړې؛ که څه هم مونږ په افغانستان کې په یوه وخت د کړکېچ له څو عاملینو سره مخامخ شوي یو، خو اوربند مونږ ته یو روښان او بیړنی لومړیتوب دی. له هر څه ډېر د تاوتریخوالي ژر پای ته رسېدل مونږ ته اړین دی او دا د پرمختګ زمینه برابروي.

په همدې حال کې د ایران د بهرنیو چارو وزیر جواد ظریف ویلي، هېواد یې د افغانستان د سولې روان بهیر ته بدبین دی او په همدې خاطر یې په کې ګډون ندی کړی.

هغه ټینګار کړي، چې په افغانستان کې د امریکا په مشرۍ د سولې بهیر له جدي ننګونو سره مخامخ دی.

جواد ظزیف ویلي، چې د سولې خبرې باید پراخ بنسټه وي.

نوموړي ویلي: زه فکر کوم د امریکا لپاره وروستۍ موخه له افغانستان څخه وتل وي؛ خولازمه نه وه، چې دا ټول هر څه یې پر افغانستان او سیمې تپلي وای. مونږ د دغه کار د بهیر په تړاو ډېر بدبین یو، چې امریکا یې مشري وکړه. مونږ په همدې خاطر په دې بهیر کې ګډون ونه کړ؛ خو مونږ د ټولو افغانانو له خپلمنځي خبرو ملاتړ کوو. مونږ پدې اند یو، چې د افغانستان د خلکو ټولې دیموکراتیکې لاسته راوړنې د ټولو ګوندونو او طالبانو په شتون کې وساتل شي.

بلخوا د امریکا د ولسمشر دونالد ترمپ د ملي امنیت پخواني مشر یو ځل بیل د خپلمنځی خبرو د ماتې، د طالبانو د اسلامي امارت له واکمنۍ او د امریکا پر ضد د ګواښونو له رامنځته کیدو خبرداری ورکړی دی.

د امریکا د ملي امنیت  پخوانی سلاکار مک ماستر وایي: له طالبانو سره واک څه ډول ښکاري؟ آیا داسې ښکاري… د نجونو هر ښوونځی له خاورو سره یو کیږي؟ یا دا، چې داسې ښکاري؛ د فوتبال په لوبغالي کې به د هرې شنبې پر ورځ ډله ییز اعدامونه کیږي؟ مونږ دا نظر لرو، چې طالبان کولی شي له سولې سره یوځای شي. په داسې حال کې، چې هغوی هوډ من دي په افغانستان کې اسلامي امارت جوړ کړي او ترې د ترهګرۍ د پراختیا لپاره د یوې اډې په توګه کار واخلي.

د یادونې ده، چې د سولې خبرو د پایلو د نه معلومېدو په صورت کې له افغانستان څخه په شپږ میاشتو کې د امریکایي ځواکونو وتل اندېښموونکې ښکاري.

Continue Reading

تازه خبرونه

په هند کې د یوې ودانۍ د ړنګیدو په پېښه کې ۱۰ کسان مړه شوي

Ariana News

خپور شوی

په

توسط

(Last Updated On: وږی ۳۱, ۱۳۹۹)

هندي چارواکو د دوشنبې پر ماښام منلې، د دغه هېواد په ممبیي ښار کې د یوې ودانۍ د ړنګیدو په پېښه کې لږ تر لږه ۱۰ کسان مړه شوي دي.

د ممبۍ ښار په څنډه کې د دوشنبې پر سهار هغه مهال یوه څلور پوړیزه ودانۍ ړنګه او رانسکوره شوه، چې خلک په کې پر درانده خوب ویده ول.

د لټون او ژغورنې ډلې هڅه کوي، چې تر خاورو لاندې ژوندي پاتې شوي کسان ومومي.

ویل کیږي، چې له جون څخه تر سپتمبر پورې درندو بارانونو د نامعیاري ودانیو بنسټونه، چې ناسم جوړ شوي یا زاړه دي؛ ړنګیږي او ودانۍ رانسکوریږي.  

Continue Reading
Advertisement

Trending