Connect with us

تازه خبرونه

د افغانستان جګړه پوځي حل لار نلري- عمران خان

Ariana News

خپور شوی

 په

(Last Updated On: July 22, 2019)

د پاکستان لومړی وزیر عمران خان ویلي؛ باور لري، چې د افغانستان جګړه پوځي حل لار نلري او له د‌ونالد ترمپ سره  به په نننۍ لیدنه کې د افغانستان پر سوله وغږیږي او په دې اړه به خپلې غوښتنې مطرح کړي.

د پاکستان لومړي وزیر به له ترمپ سره له لومړۍ لیدنې مخکې ویلي، د افغانستان جګړه پوځي حل لار نلري او په دې اړه به له ترمپ سره خپلې غوښتنې مطرح کړي.

د پاکستان لومړي وزیر عمران خان خپلو خلکو ته ډاډ ورکوي؛ نه یوازې زه، بلکې اوس ټوله نړۍ وایي، چې افغانستان یوازې پوځي حل لار نلري. زه به ستاسو ټولې غوښتنې له دونالد ترمپ سره مطرح کړم او تاسې به ونه شرموم.

د ترمپ د دولت یوه جګپوړي چارواکي ویلي؛ ټاکل شوې په دې کتنه کې له عمران خان وغوښتل شي، چې د افغانستان سولې لپاره ګام پورته کړي او اسلام آباد دې د ترهګرو خلاف اقدام وکړي.

د ملي وحدت حکومت اجرائیه ریاست هم هیله من دی، چې د پاکستان د لومړي وزیر او دونالد ترمپ دا کتنه به د افغانستان د سولې پر بهیر مثبت اغېز ولري.

د احمد ولي مسعود ټاکنیزې ډلې دوه یم مرستیال لطیف نظري ویلي؛ تر هغې، چې پاکستان په دې لیدنه کې د ډاډ وړ امتیازات تر لاسه نکړي؛ هغه تمه، چې ترمپ یې ترې لري عمران خان به یې ونه مني.

دا لیدنه پر داسې مهال تر سره کیږي، چې امریکا له طالبانو سره د سولې هوکړې ته نږدې شوې ده.

افغان حکومت هیله من دی، چې د خان او ترمپ کتنه به د افغانستان د سولې پر بهیر مثبت اغېز ولري.

د اجرائیه رییس د ویاند مرستیال امید میثم وایي؛ په داسې یو پړاو کې، چې نړیوالې اړیکې مو راکمې شوي؛ خو هیله من یو، چې سولې ته د رسیدو لپاره د سیمه ییزې همغږۍ او رښتینو هڅو لیدونکي شو.

د پاکستان  او امریکا د مشرانو دا کتنه په داسې حال کې تر سره کیږي، چې دواړه هېوادونه اوسمهال چندان جوړ هم ندي؛ ترمپ د تېر میلادي کال په لومړیو کې څرګنده کړېوه، چې پاکستان دروغجن دی له یوې خوا له امریکا په میلیاردونو دالر اخلي او له بلې خوا د ترهګرو ملاتړی دی.

تازه خبرونه

دوستم له طالبانو سره د جګړې ډګر ته بیا ستون شو

Ariana News

خپور شوی

په

توسط

(Last Updated On: January 19, 2021)

د ولسمشر اشرف غني پخوانی مرستیال مارشال عبدالرشید دوستم د جګړې ډګر ته ستون شوی او د فاریاب ولایت په قرمقل ولسوالۍ کې له طالب جنګیالیو سره د جګړې لپاره د خپلو جنګیالیومشري کوي.

ویل کیږي، چې د نوموړي پر ​​مشرۍ د ۱۲ ګړیو په عملیاتو کې د ولسوالۍ ځینې برخې له وسلوالو طالبانو پاکې شوې دي.

مارشال عبدالرشید دوستم خپلو جنګیالیو ته داسې سپارښتنه کوي: د لیوانو په څېر کورونو ته ننوځئ، د کورونو پلټنه وکړئ، دیوالونه یې سوري کړئ او وګورئ؛ خو له ځانه هم خبر اوسئ. د طالبانو قومندانان حتماً همدلته دي. دا ټول ووهئ او خپله یوه ګولۍ هم باید له لاسه ورنکړئ.

د دوستم په مشرۍ د عملیاتو لامل د طالب وسلوالو پر وړاندې په مبارزه کې د دولتي ځواکونو ملاتړ ښودل شوی دی.

د اردو یو قومندان محب الله ویلي؛ د هغه (دوستم) په مرسته مونږ وکولی شول هغه کلي بېرته ونیسو، چې د دښمن تر څارنې لاندې ول.

دا لومړۍ جګړه نده، چې دوستم یې مشري کوي؛ د کلونو په اوږدو کې هغه په ​​بېلابېلو وختونو کې له طالبانو سره د جګړې لپاره د جنګیالي رهبري کړي او که څه هم هغه په ​​رسمي ډول د دولت لخوا نه دی ګومارل شوی؛ خو بیا هم د اړتیا په وخت کې د دندې غوښتنې ته پام کوي. هغه د طالبانو ضد لوی شخصیت هم ګڼل کیږي.

دوستم له۲۰۱۴ څخه تر ۲۰۲۰ پورې د افغانستان د ولسمشر اشرف غني د مرستیال په توګه دنده ترسره کړې او ځان یې تر مارشالۍ ورساوه.

د یادونې ده، چې په ۲۰۰۱ کې هغه د امریکا د ځانګړیو ځواکونو او سي آی اې کليدي ملګری و، چې د طالبانو د رژیم د سقوط لپاره یې ورسره ملګرتیا روانه وساتله.

Continue Reading

تازه خبرونه

طالبانو د خپلې اجنډا د سپارلو لپاره وخت غوښتی – سرچینې

Ariana News

خپور شوی

په

توسط

(Last Updated On: January 18, 2021)

د افغانستان د حکومتي پلاوي سرچینو منلې، چې د طالبانو مرکچي پلاوي د خپلې اجنډا د وروستي کولو لپاره د افغانستان له جمهوریت پلوي مرکچي پلاوي څو ورځې وخت غوښتی او دا غوښتنه د مرکچي پلاوي د مشرانو او ځینو غړیو د تېرې شپې په ناسته کې رامنځته شوې؛ خو جمهوریت پلوي پلاوي خپله اجنډا له ترتیبولو وروسته طالبانو ته سپارلې ده.

له څو ورځو دمې وروسته دا دی د دوشنبې پر شپه د جمهوریت او امارت د مرکچي پلاوو مشرانو او ځینو غړیو پر اجنډا خبرې له سره پیل کړې. په دوحه کې د جمهوریت پلوي مرکچي پلاوي اړوندو سرچینو ویلي؛ د دوی لخوا د سولې خبرو لپاره اجنډا بشپړه شوې او د طالبانو مرکچي پلاوي ته سپارل شوې ده.

د دې سرچینو د څرګندونو له مخې، طالبانو جمهوریت غوښتونکي پلاوي ته د خپلې اجنډا د سپارلو لپاره څو ورځې وخت غوښتی دی.

د سولې په چارو کې د دولت وزارت ویانده ناجیه انوري وایي: په پرونۍ ناسته کې د اجنډا پر موضوعاتو او راټولولو او د پرمختګونو پر څرنګوالي خبرې وشوې. د نن ورځې د ناستې په اړه تر دې دمه پرېکړه نده شوې.  

طالبانو په دې اړه تر دې دمه څه ندي ویلي.         

دغه راز د آسټرالیا لومړي وزیر له ولسمشر غني سره په ټیلیفوني خبرو کې له طالبانو غوښتي، چې اوربند ومني.

د ناټو سرمنشي بیا له ولسمشر غني سره په خبرو کې ویلي؛ د افغانستان په اړه د ناټو دریځ بدل شوی ندی او د پوځیانو حضور به یې د افغانستان د شرایطو پر بنسټ وي.

د ولسي جرګې مشر میر رحمان رحماني ویلي؛ د خبرو پېچلتیا، د اجنډا په جوړولو کې ځنډ، د طالب پلاوي نه لیوالتیا، په هېواد کې دننه د سیاسي اجماع نشتون، د ملي پخلاینې د رهبرۍ په شورا کې د همغږۍ نشتوالي هوکړې ته رسیدل ستونزمن کړي دي.          

د امریکا مرستیال ولسمشر مایک پېنس په افغانستان کې دوه نیم زرو ته د سرتېرو د شمېر له رسولو وروسته ټینګار کړی، چې که له طالبانو سره د واشنګټن د هوکړه لیک شرایط پلي شي؛ نور سرتېري به هم له افغانستان څخه ووځي.

مایک پینس زیاته کړې؛ هغه ورځ به را ورسیږي، چې په افغانستان کې جګړه پای ته ورسیږي. په افغانستان کې ستاسو ماموریت د امریکا د امنیت لپاره حیاتي و.

دا په داسې حال کې ده، چې نن د ملي پخلاینې عالي شورا مشر او پخواني ولسمشر حامد کرزي  ترمنځ په لیدنه کې د تاوتریخوالي پر بیړني کمښت ټینګار شوی.

Continue Reading

تازه خبرونه

نن د کابل ښار د ۶ ناحیې او ۱۱ حوزې په اړوند سیمو کې چاودنې شوي

Ariana News

خپور شوی

په

توسط

(Last Updated On: January 18, 2021)

نن سهار ۸:۳۷ د شپږمې ناحیې د شورا او ۱۰:۱۰ د یوولسمې امنیتي حوزې د خیرخانې په اړوند سیمو کې د ماین چاودنې رامنځته شوې دي.

د کابل پولیسو ویلي، چې نن سهار اته بجې او اووه دېرش دقیقې د شپږمې ناحیې د شورا په اړوند سیمه کې د مخابراتو او معلوماتي ټکنالوژۍ وزارت پر اړوند پراډو موټر چاودنه شوې، چې ځاني زیان نلري.

د مخابراتو وزارت دغه راپور رد کړی او وايي، چې دا موټر د اترا د دفتر و.

د ماین دوه یمه چاودنه د کابل د یوولسمې حوزې په خیرخانه سیمه کې لندکروزر رامنځته شوې.

د کابل پولیسو دا پېښه هم منلې او وایي، چې په چاودنه کې هیڅ څوک ټپي شوی ندی.

دوی زیاته کړې، چې لومړۍ چاودنې پراډو او دوه یمې هغې لندکروزر موټر زیانمن کړي دي.

دا په داسې حال کې ده، چې د یکشنبې پر سهار( د مرغومي ۲۸) د سترې محکمې د کارمندانو پر موټر د ناڅرګندو وسلوالو لخوا ډزې شوي، چې په کې دوه ښځینه قاضیانې وژل شوي؛ د درېور او یو لاروي  په ګډون درې نور ټپیان دي.

Continue Reading

Trending

آریانا نیوز. کلیه حقوق محفوظ است