تازه خبرونه
د افغانستان پلاوی د قطر خپلمنځي خبرو ته روان شوی
اجرائیه ریاست څرګنده کړې، چې د افغانستان پلاوي د قطر خپلمنځي خبرو ته د دغه هېواد د پلازمېنې دوحې پر لوري روان شوی دی.
د ملي وحدت حکومت اجرائیه ریاست د اعلامیې له مخې د افغانستان پلاوي د شنبې پر ورځ( د چنګاښ ۱۵) له کابل څخه دوحې ته روان شوی دی.
پدې اعلامیه کې راغلي، چې دغه سفر د سولې د رسمي خبرو لپاره یو ښه پیل دی.
اجرائیه ریاست دا هم په ډاګه کړې، چې دغو خبرو ته هیله من یو؛ خو د طالبانو نیت باید څرګند او ښکاره وي او د رسمي خبرو له پیلیدو سره باید عملي همکاري وکړي.
د دې غونډې ځینې ګډونوالو ویلي، اوربند او تلپاتې سوله راوستل به د دې ناستې اجنډا وي.
په پاکستان کې پخواني افغان سفیر او د دې غونډې یو ګډونوال عمر زاخېلوال د دې خبرو پایلو ته هیله من دی.
د افغانانو په خپلمنځي ناسته کې د حکومتي چارواکو، سولې عالي شورا غړیو، مدنی مخکښانو او میرمنو په ګډون ۶۴ کسان ګډون کوي.
د افغان سولې شورا ویاند جاوید غفور ويلي، چې د غونډې ټول ګډونوال نارسمي او شخصي بلل شوي؛ مونږ هڅه کوو، چې د حکومت پر محوریت رسمي خبرو ته زمینه برابره کړو..
یوې بلې سرچینې ویلي، چې فوزیه کوفي، حبیبه سرابي، انارکلي هنریار، فرخنده زهرا نادري، صفیه صدیقي، ماري اکرمي او معصومه مظفري هم دې ناستې ته بلل شوې میرمنې دي.
په قطر کې د طالبانو سیاسي دفتر ویاند او د خبرو پلاوي غړي سهیل شاهین د آریانانیوز لیږل شوي خبریال زمریالي اباسین ته ویلي؛ د چنګاښ پر ۱۶ او ۱۷ چې د جولای له ۷او ۸ سره برابره ده د بین الافغاني ناستې په اړه ورسره مشوره نده شوې او نه پوهیږي، چې څوک دغې ناستې ته بلل شوي دي.
نوموړي دا هم څرګنده کړې، چې دا پرېکړه د ناستې کوربه هېواد قطر او مدیر هېواد آلمان کړې؛ خو دوی غوره بولي، چې هغه څېرې یې بللې وي، چې په تېر کې یې ورسره په مسکو کې ناستې کړي.
دا په داسې حال کې ده، چې امریکایان او طالبان دمګړۍ هم د بهرنیو ځواکونو د وتلو پر نېټه او د ډاډمن افغانستان پر پاتې کیدو بحثونه او خبرې کوي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ