Connect with us

تازه خبرونه

د افغانستان د سولې په اړه نوی پړاو پیلیږي-خلیلزاد

Ariana News

خپور شوی

 په

(Last Updated On: غبرګولى ۲۰, ۱۳۹۸)

د افغانستان د سولې په اړه د امریکا ځانګړي استازي زلمي خلیلزاد ویلي، چې د دغه هېواد د سولې بهیر غوني ځیږوونکي پړاو ته رسیدلی دی.

د افغانستان د سولې په اړه د امریکا ځانګړی استازی تېره ورځ ناوخته کابل ته رارسیدلی او ټاکل شوې، چې د حکومي مشرانو، سیاسي رهبرانو، مدني بنسټونو او د ښځو د استازیو په ګډون د ټولنې له بېلابېلو برخو له استازیو سره د سولې د وروستیو پرمختګونو په اړه مشورې او بحثونه تر سره کړي.

ښاغلي خلیلزاد په کابل کې د خپل سفر پر لومړۍ ورځ له ولسمشر غني سره په لیدنه کې د خپلو وروستیو سفرونو او راتلونکیو پلانونو په اړه وروستۍ او بشپړې څرګندونې وړاندې کړې.

ولسمشرۍ د دغې لیدنې په اړه په ډاګه کړې، چې دواړو لوریو د افغانانو ترمنځ  د خبرو پر پیل او په دې اړه د آلمان هېواد له هڅو خوښي ښودلې او د افغانانو د خپلمنځي خبرو د لومړي پړاو پیلیدو ته هیله من شوي دي.

دغه راز خلیلزاد پخپل یو تویت کې لیکلي، چې اوس د افغانانو خپلمنځيو خبرو ته چمتوکیدل یوه اړتیا ده.

نوموړي زیاته کړې، چې د سولې خبرې نوي پړلو ته وردننه کیږي او افغانان د سولې په اړه باید ډېرې هڅې وکړي.

د امریکا استازي دا هم څرګنده کړې، چې له ولسمشر غني سره یې د نړیوالې اجماع، د سیمې د اړتیاوو، د افغانستان، پاکستان او سیمې په خپلمځیو اړیکو کې د پرمختګونو په اړه بحث او خبرې شوې دي.

د سولې عالي شورا ویاند غفور احمد جاوید وایي، چې زلمي خلیلزاد په خپل دې سفر کې شوي پرمختګونه شریک کړل او د قطر د ناستې په اړه، چې آلمان به په کې آسانتیاوې رامنځته کړي؛ مشورې تر سره کړې. مونږ هیله من یو، چې د افغان حکومت او طالبانو تر منځ د خبرو زمینه هم رامنځته شي.

پخواني ولسمشر حامد کرزي له خلیلزاد سره په کتنه کې د تاوتریخوالي د پای ته رسیدو او د سولې خبرو په تړاو د خلکو د اندېښنو د لیرې کیدو غوښتنه کړې ده.

د پخواني ولسمشر حامد کرزي د دفتر رییس کریم خرم  وایي، چې د ښکېلو خواوو د تاوتریخوالي پای ته رسول ډېر مهم دي؛ ځکه د سولې د خبرو په بهیر کې چاودنې او بمبارد کولی شي د سولې بهیر زیانمن کړي.

ویل کیږي، چې ډېر ژر به د قطر په دوحه کې له طالبانو سره د اووم پړاو خبرې تر سره شي؛ خو له خلیلزاد سره به د طالبانو د دې سلا مشورو اجنډا څه وي؟

سیاسي هڅاند وحید مژده په دې اړه وایي: یو د بهرنیو ځواکونو وتل او بل افغانستان د تروریستي موخو لپاره نه کارول؛ تر دې دمه  دا دواړه خبرې حل شوې ندي. داسې ښکاري، چې د اووم پړاو په خبرو کې به یوې هوکړې ته سره ورسیږي.

ټاکل شوې، چې زلمی خلیلزاد به له طالب استازیو سره په دوحه کې وګوري. په دې خبرو اترو کې به له افغانستان څخه د نړیوالو ځواکونو د وتلو پر پلان خبرې وشي او هم تمه ده، چې د افغانانو خپلمنځي خبرو ته زمینه برابره شي.

تازه خبرونه

په افغانستان کې د سولې او جګړې برخلیک ناڅرګند پاتې دی – افغان سیاستوال

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان یو شمېر سیاستوالو ویلي، چې په افغانستان کې د سولې او جګړې برخلیک ناڅرګند پاتې دی.

په قطر کې د طالبانو او امریکا تر منځ د سولې د هوکړه لیک له مخې به امریکايي سرتېري په څوارلس میاشتو کې له افغانستان څخه وځي؛ دلته په افغانستان کې د افغانانو د خپلمنځي خبرو او روانې جګړې د پای ته رسیدو برخلیک ناڅرګند دی.

د ملي پخلاینې عالي شورا مشر عبدالله عبدالله ویلي؛ افغانستان د تاریخ په یوه حساس پداو کې دی؛ له یوې خوا د سولې هڅې روانې دي او له بلې خواجګړه روانه ده.

امریکا له خپلو نړیوالو ملګرو غواړي، چې افغانستان ته له سولې وروسته پخپلو پلانونه کار پیل کړي.

د امریکا د پوځ د مرکزي قومندانۍ قومندان جنرال مک کینزي هم په خپل سفر کې افغان ولسمشر ته ډاډ څرګند کړ، چې افغانستان به پخوانیو حالاتو ته نه ستنیږي.

د ولسمشر د ویاند مرستیال دواخان مینه پال له ولسمشر اشرف غنی سره د جنرال مک کینزي د لیدنې په اړه وایي: دواړو خواوو د همکاریو د راتلونکي ګډون او مشارکت په اړه خبرې وکړې.

اټکل داسې و، چې روانه اوونۍ به په قطر کې د افغانانو خپلمنځي خبرې پیل شي؛ خو د زندانیانو د خوشې کولو پر سر اختلافونو له کبله دا چاره هم ځنډنۍ شوه.

د حکومت د سولې مرکچي پلاوي غړي فاروق مجروح ویلي: اوس باید طالبان د ښه نیت ښکارندوی او خبرو ته چمتو شي.

سیاسي شنونکي فهیم صدیقي ویلي، چې په دې حالاتو کې امریکا د چټکې وتنې په فکر کې ده او تر منځ یې د افغانستان خلک قرباني کیږي.

دغه راز واشنګتن پوست ورځپانې هم داسې راپورونه خپاره کړي، چې ګواکې د جګړې د کرښو طالبانو او سیاسي رهبرانو تر منځ د سولې په اړه د نظر بېوالی لیدل کیږي.

دغې ورځپاڼې څرګنده کړې: طالب قومندانان فکر کوي، چې جګړه یې ګټلو ته ورنږدې کړې؛ خو طالبان بیا د دوی تر منځ هر ډول اختلاف ردوي.

Continue Reading

تازه خبرونه

عبدالرشید دوستم په رسمي بڼه د افغانستان درېیم مارشال شو

Ariana News

خپور شوی

په

توسط

(Last Updated On: چنګاښ ۲۵, ۱۳۹۹)

د افغانستان د شمال په شبرغان ښار کې عبدالرشید دوستم د هېواد د درېیم مارشال په توګه د ملي پوځ وروستۍ رتبه خپله او پر سینه یې وروټومبل شوه.

عبدالرشید دوستم د جنبش اسلامي بنسټګر او د افغانستان په سیاست کې یوه د بحث وړ سیاسي او پوځي څېره او د هېواد د ازبکانو تر ټولو غوره مشر پاتې شوی دی.

د آریانا نیوز په دې راپور کې د عبدالرشید دوستم د ژوندانه بېلابېلو اړخونو او هڅو ته یوه لنډه کتنه شوې او ښايي دا پوښتنه، چې نوموړی څوک او ولې د افغانستان درېیم مارشال شو؛ هم ځواب شي.

دوستم د داکتر نجیب په حکومت کې د هغه ټينګ پلوی و؛ خو په ۱۹۹۱ کې یې له هغه لاره بېله کړه او له مجاهدینو سره یې همکاري پیل کړه.

هغه د برهان الدین رباني د واکمنۍ پر مهال( ۱۹۹۲) له طالبانو سره سختې جګړې وکړې او په کورنیو جګړو کې یې د حزب اسلامي له رهبر ګلبدین حکمتیار سره ملګرتیا وکړه.

پر ۱۹۹۷ کال، چې په افغانستان کې کورنۍ جګړې وې؛ د افغانستان په شمال کې یې د ځان لپاره خپله اداره جوړه او د مالي چارو لپاره یې په بهر کې خپلې ادارې ته افغانۍ چاپولې.

هغه د افغانستان په شمال کې د طالبانو پر خلاف جنګي جبهه هم پرانیستې وه، چې هغه وخت یې  پلویانو د دوستم پادشاه لقب ورکړ.

هغه د طالبانو د واکمنۍ له ړنګیدو را وروسته په دوه زره څلورم  میلادي کال کې د افغانستان ولسمشریزو ټاکنو ته ځان نوماند کړ؛ خو نهه په سلو کې رایې یې تر لاسه او څلورم ټاکنیز مقام یې خپل کړ.

پخواني ولسمشر حامد کرزي د واک په لومړي پېر کې د پوځ لوی درستیز وټاکه؛ خو دا دنده یې هغه وخت وځنډول شوه، چې د ترکتبارانو د شورا مشر اکبر بای پرې د اختطاف تور پورې کړ.

د دوه زره څوارلسم کال په ولسمشریزو ټاکنو کې د اشرف غني لومړی مرستیال شو او پر دغه مهال یې د هېواد په شمال کې د طالبانو پر خلاف جنګې لیکې پیاوړې کولې؛ خو پر احمد ایشچي د جنسي تېري پر تور له تورنیدو وروسته ترکیې ته ولاړ او هلته یې پخپله خوښه تبعیدي ژوند روان وساته.

د ولسمشر د لومړي مرستیالۍ پر وخت یې له ولسمشر سره اړیکې ډېرې ترینګلې وې او پر هغه یې کلکې نیوکې هم کولې.

دا داسې مهال و، چې په کور د ننه د عبدالله عبدالله په مشرۍ د ولسمشر اشرف غني خلاف سیاسي ائتلاف رامنځته او دوستم هم د دغه ائتلاف ملګری او له ترکیې څخه کابل ته راستون شو.

هغه د دوه زره نولسم کال په ولسمشریزو ټاکنو کې د عبدالله عبدالله په مشرۍ د ثبات او همپالنې له ټاکنډلې ملاتړ وکړ او د اشرف غني په مشرۍ د دولت جوړوونکې ټاکنډلې پر وړاندې یې هڅې چټکې کړې.

کله، چې یادې ټاکنې لانجمنې شوې؛ نو ولسمشر اشرف غني له عبدالله عبدالله سره، چې ولسمشري یې اعلان کړې وه؛ د واک د وېش پر سر سیاسي معاملې او بیا هوکړې ته اړ شو او عبدالله عبدالله د خپلو غوښتنو په نوملړ کې عبدالرشید دوستم ته د مارشالۍ د رتبې ورکولو غوښتنه وکړه او له اشرف غني سره د سیاسي هوکړې له لاسلیک وروسته ولسمشر د هغه د مارشالۍ حکم لاسلیک کړ. په دې هوکړه لیک کې راغلي، چې عبدالرشید دوستم به د دولت عالي شورا او ملي امنیت شورا غړیتوب هم ولري.

 د یادونې ده، چې عبدالرشید دوستم له شاه ولي خان او محمد قسیم فهیم وروسته د هېواد درېیم جنګیالی دی، چې د واکمنو لخوا مارشال نومول شوی دی.

Continue Reading

تازه خبرونه

پېنځه پوځی اډې مو افغان ځواکونو ته سپارلي ـ پنتاګون

Ariana News

خپور شوی

په

توسط

(Last Updated On: چنګاښ ۲۶, ۱۳۹۹)

د امریکا دفاع وزارت منلې، چې د دوحې د سولې تړون پر بنسټ یې په افغانستان کې له ۵ پوځي اډو ځواکونه ایستلي او افغان سرتېرو ته سپارل شوي؛ خو هڅې مو د افغان ځواکونو پر غښتلي کولو راڅرخي.

د امریکا دفاع وزارت په اعلامیه کې راغلي، چې د دغو ۵ پوځي اډو مسوولیت افغان پوځیانو ته سپارل شو؛ خو پنټاګون په دې اړه نور جزئیات ندي ورکړي، چې یادې اډې د افغانستان په کومو ولایتونو کې دي.

پنتاګون ویلي، چې دغه راز د همدې تړون له مخې مو په افغانستان کې د امریکايي سرتېرو شمېر هم شاو خوا ۸۰۰۰ ته راټيټ کړی دی.

د پنټاګون ویاند هافمن څرګنده کړې، چې امریکايي او ناتو ځواکونه به له ترهګرۍ سره د مبارزې په برخه کې له افغان ځواکونو سره همکاري روانه ساتي.

د نوموړي د څرګندونو له مخې؛ پېنځه پوځي اډې، چې په رسمي توګه له امریکايي پوځونو سره وې؛ افغان سرتېرو ته سپارل شوي دي او د امریکايي سرتېرو شمېر د اته زره شاوخوا ته راټيټ شوی دی. اوس مونږ د افغان ځواکونو په پیاوړي کولو متمرکز یو، نه په شمېر پورې. مونږ د خپل ځان د ساتنې او خوندیتوب لپاره لازم واکونه لرو.

په قطر کې د طالبانو د سیاسي دفتر مسوولین وايي، چې د قطر د سولې هوکړې عملي کول د امریکا او طالبانو دواړو لپاره مهم دي.

مونږ سولې ته د رسیدو لپاره په خبرو توافق کړی دی. په دغه حالت کې دواړه خواوې د بریا احساس کوي.

په قطر کې د طالبانو او امریکا ترمنځ د سولې د هوکړې له مخې ټاکل شوې، چې ټول امریکايي سرتېري په څوارلس میاشتو کې له افغانستان څخه بهر شي. اوس امریکايي چارواکي وايي، چې له افغانستان څخه  د پاتې شاوخوا اته زره سرتېرو وتل به د طالبانو لخوا د ژمنو په عملي کولو پورې تړلي وي.

Continue Reading

Trending