Connect with us

تازه خبرونه

د افغانانو خپلمنځي خبرې به هېواد سولې ته ورنږدې کړي

Ariana News

خپور شوی

 په

(Last Updated On: غبرګولى ۱۸, ۱۳۹۸)

د افغانانو د خپلمنځي خبرو په اړه په قطر او برلین کې د کیدونکیو خبرو په اړه له اروپايي استازیو سره د  افغان سولې لپاره د امریکا د ځانګړي استازي زلمي خلیلزاد له خبرو وروسته؛ افغان چارواکو هیله ښودلې ، چې د افغانانو خپلمنځي خبرې به هېواد سولې ته ورنږدې کړي.

د اجرايي ریاست د ویاند مرستیال امید میثم وایي؛ کله، چې د افغانانو د خپلمنځي خبرو زمینه برابره شوه حکومت ترې هرکلی کوي. مونږ ژمن یو، چې د افغانستان د سولې په خبرذو کې غوره پړاو د افغانانو خپلمنځي خبرې دي.

تر اوسه په برلین او قطر کې د افغانانو د خپلمنځي خبرو د غونډو نېټه نده څرګنده.

طالبانو هم ویلي، چې تر اوسه دوی په دغو غونډو کې د ګدون پرېکړه نده کړې.

یو شمېر نور ټينګار کوي، چې د سولې د خبرو لپاره باید په کور کې د ننه او سیمه ییزه اجماع رامنځته شي.

د ولسمشریزو ټاکنو نوماند شیدا محمد ابدالي وایي؛ مخکې لدې، چې دغه ناستې تر سره شي مونږ باید یوه ځانګړې اجماع ولرو. له داسې اجندا سره، چې پایله ولري. تر دې دمه کومې ناستې، چې تر سره شوي ځانګړتیاوې یې خلکو ته په ډاګه شوې ندي او دا خبرې باید پر شرط ولاړې وي.

د مشرانو جرګې لومړی مرستیال وايي، چې له سیمې ییزې او نړیوالې اجماع پرته د افغانانو د خپلمنځي خبرو پایلې به مثبتې نه وي.

د مشرانو جرګې لومړی مرستیال محمد علم ایزدیار وایي؛ تر هغې، چې د سیمې هېوادونه پر خپلو ګټو بحث کوي؛ امریکا ته به ستونزمنه وي، چې دا هېوادونه د افغانستان راتلونکي ته وهڅوي او پر دې یې وپوهوي، چې پرته لدې یوه ناسته هم بریالۍ پایله نلري.

د افغان سولې لپاره د امریکا ځانګړي استازي زلمي خلیلزاد د تړلو دروازو ترشا شپږ ځلې له طالب استازیو سره خبرې کړي؛ خو د جګړې مخه یې ډب کړې نده.

د ولسي جرګې غړې نیلوفر ابراهیمي وایي، چې د سولې په اړه نه همغږي د دې لامل شوې، چې دغه بهیر اوږد او له ځنډ او خنډ سره مخ شي.

زلمي خلیلزاد به د افغانانو له خپلمنځي خبرو مخکې په قطر کې د اووم ځل لپاره له طالب استازیو سره خبرې وکړي او وبه لیدل شي، چې د افغانانو خپلمنځي خبرو ته به زمینه برابره کړي او که خبرې به نورې هم وغزیږي.

خبریال: خالد نیکزاد

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading

تازه خبرونه

د افغانستان او آسترالیا د کرکت لوبډلو تست لوبه وځنډیدله

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان او آسترالیا د کرکت لوبډلو ترمنځ تست لوبه د کرونا ویروس د خپریدو له کبله ځنډیدل شوې ده.

د آسترالیا کرکت بورد (ای سي بي) د جمعې پر ورځ څرګنده کړې، چې د دې هېواد او نیوزیلیند ترمنځ د یو ورځنیو لوبو لړۍ تر ۲۰۲۱ پورې ځنډول شوې ده.

له مهالوېش سره سم ټاکل شوې وه، چې د افغانستان پروړاندې تست لوبه د نومبر په وروستیو کې په پرت لوبغالي کې ترسره شوې وای.

د آسترلیا کرکت د جمعې په ورځ ومنله، چې د کرونا ویروس د خوریدا په بهیر کې د نړیوالو سیالیو مهالوېش پېچلتیا لري، چې له کبله یې تر راتلونکي اوړي د سیالیو د ځنډولو پرېکړه شوې ده.

د آسترلیا کرکت اجرائیه مدیر نیک هاکلي ویلي؛ مونږ له خپلو ښو ملګرو د افغانستان او نیوزیلینډ کرکت  بورډونو سره لوبو ته لیواله یو. هیله من یو، چې له کرونا راپورته شوي محدودیتونه راکم شي.

هاکلي ویلي، مونږ ټولو د زړه له کومي هڅې وکړې، چې سیالۍ په سږني اوړي کې تر سره کړو؛ خو په نړیوالو سفرونو بندیزونو او د قرانطین محدودیتونو داسې ننګونې رامنخته کړې، چې ټول قانع او سیالۍ بله نېټه ترسره شي.

Continue Reading
Advertisement

Trending