Connect with us

تازه خبرونه

د بودجې نشتوالي د ټاکنیزو کمیسیونونو کارونه ټکني کړي دي- کارپوهان

Ariana News

خپور شوی

 په

(Last Updated On: وری ۱۱, ۱۳۹۸)

په داسې حال کې، چې د ولسمشریزو، ولسوالیو او ولایتي شوراګانو ټاکنو ته د هرې ورځې پر تېریدو ورنږدې کیږو؛ خو کمیسیون نه یوازې د دایمي او لنډمهاله کارکوونکیو پر ګومارنه ندي بریالي شوي، بلکې کارونه یې هم  له ځنډ سره مخ دي.

کارپوهان وایي؛ د ټاکنو خپلواک کمیسیون دنده لري، چې د تلې پر شپږمه نېټه ولسمشریزې ټاکنې، د ولایتي او ولسوالیو د شوراګانو له ټاکنو سره یو ځای تر سره کړي؛ خو دغه کمیسیون تر اوسه دایمي او لنډ مهالي کارکوونکي ندي ټاکلي او د بودیجوي ستونزو سره مخ دی.

د ټاکنو خپلواک کمیسیون غړی مولانا عبدالله وایي، چې د ټاکنو او اصلاحاتو کمیسیونونو تر منځ ځانګړې تګلاره جوړه شوې او له دواړو کمیسیونونو کارکوونکي ورته نیول کیږي. مونږ تګلاره تصویب کړې او د وري پر پېنځمه مو د اداري اصلاحاتو کمیسیون ته لیږلې، چې له هوکړې وروسته به اعلام شي.

د ولسمشریزو ټاکنو په ګډون د څلور ډوله ټاکنو د نوي مهالوېش سره سم باید عملیاتي چارې په چټکۍ مخ ته تللې وای؛ خو کمیسیون وايي، چې د دغو ټاکنو لپاره یو سل و دوه نوي میلیون دالرو ته اړتیا ده.

د ټاکنو څارونکي بنسټونه وايي، چې کمیسیون د بودجې د نشتوالي له کبله خپلې چارې په وخت نشي تر سره کولی او دغه راز دواړه کمیسیونونه ندي توانیدلي، چې ولایتي ريیسان وټاکي.

د ټاکنو خپلواک کمیسیون د دارالانشا پخوانی غړی داوود علی نجفي وایي، چې کمزورتیا یې داده، چې دوی بودجه نلري؛ افراد یې بې تجربې دي او د همدې  دوه کارونو له کبله استخدام هم نشي کولی.

د ټاکنیزو شکایتونو کمیسیون ويلي، چې د ولسي جرګې د ټاکنو د پاتې ولایتونو د وروستیو پایلو له اعلان مخکې دوی د کابل د حوزې په اړوند شوي شکایتونه نشي څېړلی.

ټاکنیزو شکایتونو ته د لاسرسي کمیسیون غړی قاسم الیاسي وایي، چې تر هغې به د کابل ولایت کار ځنډیدلی وي، چې د نورو ولایتونو کارونه پای ته ورسیږي.

 ټاکنیزو شکایتونو ته د لاسرسي کمیسیون وایي، چې د ننګرهار، تخار او کندوز ولایتونو د ولسي جرګې ټاکنیزو پایلو ته لاسرسی به تر څو راتلونکیو ورځو پورې وروستی او د پلي کیدو لپاره به د ټاکنو کمیسیون ته ولیږل شي.

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending