Connect with us

تازه خبرونه

د افغان سیاستوالو پلاوي د مسکو غونډې ته چمتوالی ښودلی

Ariana News

خپور شوی

 په

(Last Updated On: سلواغه ۱۵, ۱۳۹۷)

د افغان سیاستوالو پلاوي ټینګار کړی، چې د افغانانو تر منځ د خبرو او د یوې نیمې لسیزې له لاسته راوړنو څخه د دفاع لپاره غواړي د مسکو په غونډه کې ګډون وکړي.

د افغانستان د ملي امنیت شورا پخواني سلاکار محمد حنیف اتمر منلې، چې له یو شمېر سیاستوالو سره به د مسکو غونډې ته ورشي.

ښاغلي اتمر په خپل تویت کې لیکلي، چې د مسکو غونډه به د افغانانو تر منځ خبرو ته زمینه برابره او د سولې په خبرو کې د افغان حکومت پر شریکولو ټينګار وکړي؛ خو حکومت باید د سولې خبرو ته له تنګې دریڅې نظر ونکړي.

نوموړي ټینګار کړی؛ مونږ به په مسکو کې له اسلامي جمهوریت، د اساسي قانون او مدني بنسټونو له ارزښتونو څخه، چې د ټولو ګډ میراث دی دفاع وکړو.

د اجرائيه ریاست دوه یم مرستیال محمد محقق وایي؛ مونږ د افغانانو تر منځ د افغان شخصیتونو په ملاتړ د سولې د رامنځته کولو لپاره دا خبرې پیلوو.

پخواني ولسمشر حامد کرزي هم د مسکو په ناسته کې د خپل ګډون ډاډ څرګند کړی او ویلي یې دي، چې سوله د افغانانو لومړیتوب دی.

حامد کرزی، حنیف اتمر، یونس قانوني، عطا محمد نور، اسماعیل خان، سید حامد گیلاني، ذبیح الله مجددي، حکمت خلیل کرزی او عبدالسلام ضعیف د مسکو غونډې ته ور بلل شوي دي.

د جمعیت اسلامي د رهبرۍ شورا غړی شمس الحق آرینفر وايي، چې د دغه ګوند لوړ پوړي غړي به د ګوند له ادرس څخه نه، بلکې په شخصي توګه د مسکو په غونډه کې ګډون وکړي.

نوموړی وایي، چې سوله نه د مسکو له ناستې او نه هم د امریکا له ځانګړې ناستې راتلای شي. مذاکره باید د یوې بشپړې اجماع له لارې رامنځته شي.

په همدې وخت کې د مسکو غونډې ته د افغان سیاستوالو تلونکي پلاوي د یوې اعلامیې په خپرولو سره ویلي، چې: د خلکو په مالکیت د اسلامي جهموري نظام خوندیتوب، د سولې په اړه د زلمي خلیلزاد له هڅو ملاتړ، د افغانانو تر منځ له خبرو سره په یوه وخت د اوربند ټينګښت، د بهرنیو د لاسونو د لنډولو او نورو ته له افغانستان څخه د خطر نه پېښیدو پر سر به په مسکو کې له طالبانو سره خبرې وکړي.

حزب اسلامي وايي، چې د مسکو لخوا دوه ځله بلنه ورکړ شوې؛ خو ګلبدین حکمتیار به د مسکو په غونډه کې ګډون ونکړي.

د حزب اسلامي د رهبرۍ غړی همایون جریر وایي؛ د سولې لپاره د افغانانو، حکومت او سیاسي ګوندونو تر منځ خبرې اړینې دي.

له بلې خوا د ملي وحدت حکومت د مسکو له غونډې سره سخت مخالفت څرګند کړی او د ولسمشر د ویاند مرستیال په خپل فیسبوک کې لیکلي، چې ولسمشر غني د نورو بې برنامو سیاستوالو په څير د ختیځ او لویدیځ ډول ته نه نڅیږي.

د ملي امنیت پخواني رييس امرالله صالح ویلي، چې د مسکو په غونډه کې ګډون ترهګرو ته تضرع او سرتيټول دي.

وسلوالو طالبانو ویلي، چې د مسکو غونډې ته د عباس ستانکزي په مشري یو پلاوی استوي.

خبریال: باعث حیات

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending