Connect with us

پرمختګ او بشپړتیا

د افغانستان ملي موزیم ته اتیا کلن لرغونی موتر وسپارل شو

Ariana News

خپور شوی

 په

(Last Updated On: ليندۍ ۲۶, ۱۳۹۷)

د دوشنبې پر ورځ( د لیندۍ ۲۶) په یو لړ مراسمو کې اجرائیه رییس عبدالله عبدالله په پنجشیر ولایت کې ساتل شوی هغه موتر ملي موزیم ته وسپاره، چې شاوخوا اتیا کاله پخوا افغانستان ته راوستل شوی و.

دا کوچنی موتر د هغو لومړنیو موترو څخه دی، چې د شاه امان الله خان په پېر کې افغانستان ته راوستل شوی او کلي یې د اجرائیه رييس لخوا د ملي موزیم رييس ته وسپارل شوه.

د موتر ساتونکی د پنجشیر ولایت اوسیدونکی صوفي محمد سعیدخان صوفي زاده دی.

نوموړي ویلي، چې د امان الله خان د وخت دا  موتر یې د کورنیو جګړو پر مهال له قاچاق وړونکیو څخه نیولی دی.

د موتر ساتونکی صوفي محمد سعید خان  صوفي زاده وایي: ما هغه وخت یوه امنیتي پوسته لرله، یوه ورځ مې دا موتر ولید، چې له نورو یې ډېر توپیر درلود؛ له رارسیدو سره سم مې ودراوه او وپوهیدم، چې قاچاق وړونکي دي.

اجرائیه رييس ويلي، چې دا موتر د جهادي قومندان احمد شاه مسعود پر لارښوونه پنجشیر ولایت ته د خونديتوب لپاره لیږدول شوی و.

اجرائیه رییس عبدالله عبدالله وایي: دا د سلف او سوچ موتر بشپړ جوړدی، چې د هېواد د ملي اتل لخوا خوندي او ساتل شوی او دا دی اوس ملي موزیم ته وسپارل شو.

دغه موتر د استان پرس کمپنۍ تولید دی، چې شاوخوا دیارلس سوه کیلو متره ګرزیدلی دی.

د افغانستان د اطلاعاتو او فرهنګ وزارت مرستیال رسول باوري له هېوادوالو وغوښتل، چې د هېواد لرغوني آثار دې ملي موزیم ته وسپارل شي.

د افغانستان په کورنیو جګړو کې د افغانستان ډېر لرغوني آثار غلا او نورو هېوادونو ته  قاچاق شوي، چې اوس هم د هېواد په لرغونو سیمو کې پخپل سرکیدنې روانې دي او د هېواد لرغوني آثار مو د له منځه تلو له ګواښ سره مخ دي.

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Ariana News

خپور شوی

په

توسط

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Ariana News

خپور شوی

په

توسط

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

پرمختګ او بشپړتیا

د آریانا افغان هوايي شرکت دوران ته ۶ نورې الوتکې هم ورزیاتیږي

Ariana News

خپور شوی

په

توسط

(Last Updated On: سلواغه ۱۶, ۱۳۹۸)

د آریانا افغان هوايي شرکت ویلي، د فعالیتونو د معیاري کولو لپاره به په نږدې را تلونکي کی ۶ نورې الوتکې هم د خپلو هڅو دوران ته ورزیاتې کړو.

د آریانا افغان هوايي شرکت مسوولینو زیاته کړې؛ دمګړۍ په دې هوايي  شرکت کې څلور الوتکي هڅې لري، چې په نږ دې راتلونکي کې به  شپږ نورې  مسافر وړونکې نوي الوتکي هم  ورزیاتې شي.

د اریانا افغان هوايي شرکت رییس عالم شاه ابراهیمي څرګنده کړې، چې له دې شپږ الوتکو څخه څلور به د افغان حکومت له خوا پېریدل کیږي او دوه هغه الوتکې، چې د چین هېواد لخوا افغان ولسمشر ته ډالۍ شوې وې؛ هغه به هم د باختر هوايي شرکت او آریانا هوايي شرکت تر چتر لاندې خپلې هڅې پیل کړي.

د اقتصادي چارو کار پوهان وايي، د آریانا افغان هوايي شرکت په تېر کې ډېرې لوړې ژورې لیدلي او له نوې رهبرۍ  هم هیله څرګندوي، چې باید دا ملي تصدي له مالي ستونزو وژغوري او له نړیوالو معیارونو یې برخمنه کړي.

د اقتصادي چارو کارپوه سلیم توپان وایي؛ مونږ له نوې رهبرې هیله لرو، چې دا ملي تصدي ته له شته ستونزونه راوباسې. مونږ منو، چې اوس تر یوه بریده ستونزو ته لاسرس روان دی؛ خو باید باید چاري نوري هم پراخې شي.

د آریانا افغان هوايي شرکت مسوولین وايي، ډېر ژر به دا شرکت له نړیوالو معیارونو او ریفورم برخمن شي او د یوې بهرنۍ کمپنۍ له خوا به په دې ملي تصدۍ کې کارونه پیل شي.

دوی دا ډاډ هم څرګند کړی، چې له مالي پلوه د دې شرکت پخوانۍ  ستونزې حل شوي او اوس د ځان بسیایني پر لور ډاډمن ګامونه پورته کوي.

خبریال: اسلم حجاب

Continue Reading

Trending