Connect with us

تازه خبرونه

د افغانستان شپیته په سلو کې وګړي لیک لوست نشي کولی

خپور شوی

د

(Last Updated On: لړم ۲, ۱۴۰۱)

د لیک لوست د نړیوالې ورځې په مناسبت په جوړو شویو مراسمو کې اجرائیه رييس ویلي، چې په افغانانو کې د سواد کچې ټيټوالي د جګړو دوام او بې ثباتۍ ته لار پرانیستې ده.

اجرائیه رييس عبدالله عبدالله څرګنده کړې؛ هغه کسان، چې افغانان له زدکړو محروموي، د اسلام، انسانیت، افغانانو او علم دښمنان دي او په ګډه یې باید مخه ونیول شي.  

هغه زیاته کړې؛ د هېواد د سوکالۍ او پرمختګ لپاره په کار ده، چې د نالوستۍ د له منځه وړلو لپاره لاسونه سره ورکړو.

د پوهنې وزارت وایي، چې همدا اوس په هېواد کې درې اعشاریه اووه میلیون ماشومان له زدکړو بې برخې پاتې دي.

د پوهنې وزارت سرپرست میرویس بلخي زیاتوي؛ د نړیوالې ټولنې په مرسته هڅه کوو، چې لیک لوست عام شي او ټول افغانان زدکړو ته مناسب لاسرسی ولري. دمګړۍ دري اعشاریه اووه میلیون افغان ماشومان د بېلا بېلو دلایلو له کبله لیک لوست ته لاسرسی نلري.

په افغانستان کې د جاپان سفیر ویلي، چې هېواد یې د لیک لوست او پوهنې د عامولو په برخه کې له افغانانو سره همکاري روانه ساتي.

په افغانستان کې د جاپان سفیر متسوچي سوزاکا وایي: د جاپان حکومت په افغانستان کې د لیک لوست د دودونې لپاره پنځوس میلیون دالر مرسته کړې، چې اړوند حکومتي بنسټونه د سواد زدکړه پراخه کړي. جاپان د افغانستان د ودې او پراختیا لپاره هڅه کوي او غواړي، چې نه یوازې په دې اړه د دولت باور تر لاسه کړي، بلکې ورسره همکار هم پاتې شي.

د نوموړي د څرګندونو له مخکې؛ له ۲۰۰۱ کال راپدیخوا دغه هېواد د کرنې او امنیت د پرختیا لپاره ۶ اعشاریه ۶ میلیارد دالر مرسته کړې ده.

د اټکلي څرګندونو له مخې؛ د افغانستان شپېته په سلو کې وګړي لیک لوست نشي کولی.

په افغانستان کې د بېوزلۍ، وروسته پاتې والي، ناامنيو او نورو ټولنیزو ستونزو مهم لامل په خلکو کې د لیک لوست د کچې ټیټوالی دی، چې که پاملرنه ورته ونشي د هېواد راتلونکی به ډېر زیانمن کړي.  

خبریال: رفیع صدیقي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!