Connect with us

پرمختګ او بشپړتیا

د بیات پاور د حرارتي برښنا لومړی پړاو د بشپړیدو په حال کې دی

Ariana News

خپور شوی

 په

(Last Updated On: غبرګولى ۲۶, ۱۳۹۸)

له طبیعي ګاز څخه د حرارتي برښنا د پروژې لومړۍ پړاو، چې د بیات پاور لخوا عملي کیږي د بشپړیدو په حال کې دی.

بیات پاور په افغانستان کې د حرارتي برښنا د تولید لومړنی شرکت دی، چې په دې برخه کې یې میلیونونه دالر پانګونه کړې ده.

د بیات پاور له طبیعي ګازو څخه د حرارتي برښنا د تولید لومړی پړاو د بشپړیدو په حال کې دی، چې په کې به دوه څلوېښت میګاواته حرارتي برښنا تولید او دوه سوه زره کورنۍ به روښانه کړي؛ یو میلیون کسان به د برښنا له ګټې برخمن شي او سلګونه فابریکې به د اړتیا وړ برښنا تر لاسه کړي.

د بیات پاور لوی مشر احسان الله بیات، چې له طبیعي ګازو څخه د حرارتي برښنا د تولید له پروژې یې لیدنه کوله ویلي؛ ډېر ژر به د دغې پروژې لومړی پړاو بشپړ شي، چې په پرمختللیو او دستګاوو به سمبال شي.

د دغې پروژې په دوه یم پړاو کې به دوه نوي میګاواته او په درېیم پړاو کې به دوه سوه میګاواته برښنا تولید شي.

د بیات پاور رييس احسان الله بیات وايي، چې دغه کمپني غواړي په نړیوالو معیارونو برابره حرارتي برېښنا تولید کړي.

د رسمي معلوماتو له مخې؛ افغانستان د کال په بېلا بېلو فصلونو کې له یو سل و پنځوس تر درې سوه اتیا میګاواته برښنا د تولید وړتیا لري او یوولس سوه میګاواته نوره برښنا له نورو هېوادونو پیري.

د بیات پاور پروژې له بشپړیدو سره، چې په لومړي پړاو کې به دوه څلوېښت میګاواته، په دوه یم پړاو کې به دوه نوي میګاواته او په درېیم پړاو کې به دوه سوه میګاواټه برېښنا تولید کړي او د افغانستان د برښنا له شبکې سره د وصل کیدو په صورت کې له هغه ډېره برښنا تولید کړي چې اوس په افغانستان کې تولیدیږي.

د بیات پاور لوی مشر احسان الله بیات وايي؛ دغې کمپنې په دې برخه کې اساسي او معیاري ګامونه پورته کړي، چې په دې برخه کې به نورو دغه ډول پروژو ته لار پرانیزي.

د بیات پاور حرارتي برښنا د درې ګونه پړاوونو پر بشپړیدو به له یو میلیون څخه ډېرې کورنۍ له برښنا برخمنې شي، چې څو میلیون وګړي به په بېلا بېلو ولایتونو کې  ترې ګټه پورته کړي، سلګونه فابریکې به د اړتیا وړ برښنا تر لاسه کړي او سلګونه کسان به په کې کار وکړي.

کارپوهان وايي؛ دا په هېواد کې د برښنا له درکه پر ځان د بسیاینې لپاره د بیات پاور لخوا لومړی او بسټيز ګام دی، چې اخیستل شوی دی.

پرمختګ او بشپړتیا

افغان بیسیم مخابراتي شرکت انټرنټي بیې راټيټې کړې

Ariana News

خپور شوی

په

توسط

(Last Updated On: وری ۱۷, ۱۳۹۹)

د افغان بیسیم شرکت مسوولینو ویلي، چې د دوشنبې له ورځې به نوې انټرنټي کڅوړې په ټيټه بیه خپلو مشتریانو ته وړاندې کړي.

په افغانستان کې انټرنټ ته د خلکو اړتیا د هرې ورځې په تېریدو مخ په ډېریدو ده؛ ځکه، نو افغان بیسیم مخابراتي شرکت په انټرنټي کڅوړو کې تخفیفونه راوستي دي.

د مخابراتو او معلوماتي تکنالوژې وزارت مسوولینو ويلي، چې د ولسمشر د حکم او د اقتصاد عالي شورا د پرېکړې له مخې له افغان بیسیم شرکت سره هوکړې ته رسیدلي، چې دغه شرکت به د انټرنټ بیې را ټيټوي.

د مخابراتو او معلوماتي تکنالوژۍ وزارت سرپرست فهیم هاشمي وايي، چې د ولسمشر د حکم او د اقتصاد د عالي شورا د پرېکړې له مخې په دې اړه له افغان بیسیم مخابراتي شرکت سره هوکړې ته رسیدلي دي.

د افغان بیسیم مخابراتي شرکت استازی  علي الله سروري وايي، چې پر ټیټ قیمت د انټرنټ نوې کڅوړې به د دوشنبې شپې پر دولس بجو خپلو مشتریانو ته وړاندې کړي.

په افغانستان کې د کورونا ویروس له کبله په ځينو لویو ښارونو کې پر تګ راتګ محدودیتونه لګیدلي او خلک اړ دي، چې په موبایل او انټرنټ له حالاتو ځان خبر وساتي.

خلک د افغان بیسیم د دغه ګام هرکلي کوي.

Continue Reading

پرمختګ او بشپړتیا

د کرنې او مالدارۍ وزارت پر ۳۲۵۰ هکتار ځمکه د انځرو باغونه جوړوي

Ariana News

خپور شوی

په

توسط

(Last Updated On: وری ۱۸, ۱۳۹۹)

د کرنې او مالدارۍ وزارت وایي، چې تر راتلونکیو ۵ کلونو پورې به په هېواد کې پر۳۲۵۰ هکتار ځمکه د انځرو باغونه جوړ شي.

د دغه وزارت مسوولینو ويلي، چې د انځر د باغونو د پراختیا ملي طرحه د ولسمشر له خوا منظور شوې او تر راتلونکیو ۵ کلونو به د هېواد په کچه د انځرو د باغونو د جوړولو په برخه کې ۶۰ میلیون ډالر پانګونه وشي او لسګونه کسانو ته به کاري زمینه هم برابره شي.

مسوولینو دا هم ویلي، چې له دې سره به په هېواد کې د انځرو د پروسس لسګونه مرکزونه هم جوړ شي.

اکبر رستمي د کرنې او مالدارۍ وزارت ویاند وایي، چې ډېري دغه باغو نه به په هرات، بلخ او کندهار کې جوړ شي. افغانستان د انځرو د تولید په برخه کې لوړ ظرفیت لري؛ نو، څکه مو ورته سوداګریزه طرحه جوړه کړې ده.

د اقتصادي چارو کارپوهان هم د کرنې وزارت له دې هڅې هرکلی کوي او زیاتوي، چې د کرني وزارت باید پر هغو کرنیزو برخو پانګونه وکړي، چې ښه سوداګریز مارکیټونه لري.

د اقتصادي چارو کارپوه حکیم الله صدیقي وایي، د کرنې وزارت باید ټول هغه کرنیز اقلام، چې په سیمه اونړۍ کې ښه مارکیټونه لري؛ پر هغو هم لکه د انځرو، پانګونه وکړي.

د کرنې او مالدارۍ وزارت مسوولین ويلي؛ افغانستان دمګړۍ د کال ۲۵ زره متریک ټن صادرات لري، چې د نويو باغونو له جوړیدو سره به د تولید کچه ۴۰ زره متریک ټن ته لوړه شي.

Continue Reading

پرمختګ او بشپړتیا

د آریانا افغان هوايي شرکت دوران ته ۶ نورې الوتکې هم ورزیاتیږي

Ariana News

خپور شوی

په

توسط

(Last Updated On: سلواغه ۱۶, ۱۳۹۸)

د آریانا افغان هوايي شرکت ویلي، د فعالیتونو د معیاري کولو لپاره به په نږدې را تلونکي کی ۶ نورې الوتکې هم د خپلو هڅو دوران ته ورزیاتې کړو.

د آریانا افغان هوايي شرکت مسوولینو زیاته کړې؛ دمګړۍ په دې هوايي  شرکت کې څلور الوتکي هڅې لري، چې په نږ دې راتلونکي کې به  شپږ نورې  مسافر وړونکې نوي الوتکي هم  ورزیاتې شي.

د اریانا افغان هوايي شرکت رییس عالم شاه ابراهیمي څرګنده کړې، چې له دې شپږ الوتکو څخه څلور به د افغان حکومت له خوا پېریدل کیږي او دوه هغه الوتکې، چې د چین هېواد لخوا افغان ولسمشر ته ډالۍ شوې وې؛ هغه به هم د باختر هوايي شرکت او آریانا هوايي شرکت تر چتر لاندې خپلې هڅې پیل کړي.

د اقتصادي چارو کار پوهان وايي، د آریانا افغان هوايي شرکت په تېر کې ډېرې لوړې ژورې لیدلي او له نوې رهبرۍ  هم هیله څرګندوي، چې باید دا ملي تصدي له مالي ستونزو وژغوري او له نړیوالو معیارونو یې برخمنه کړي.

د اقتصادي چارو کارپوه سلیم توپان وایي؛ مونږ له نوې رهبرې هیله لرو، چې دا ملي تصدي ته له شته ستونزونه راوباسې. مونږ منو، چې اوس تر یوه بریده ستونزو ته لاسرس روان دی؛ خو باید باید چاري نوري هم پراخې شي.

د آریانا افغان هوايي شرکت مسوولین وايي، ډېر ژر به دا شرکت له نړیوالو معیارونو او ریفورم برخمن شي او د یوې بهرنۍ کمپنۍ له خوا به په دې ملي تصدۍ کې کارونه پیل شي.

دوی دا ډاډ هم څرګند کړی، چې له مالي پلوه د دې شرکت پخوانۍ  ستونزې حل شوي او اوس د ځان بسیایني پر لور ډاډمن ګامونه پورته کوي.

خبریال: اسلم حجاب

Continue Reading

Trending