Connect with us

تازه خبرونه

د غزني نوی امنیه قومندان خلیل اندرابي جرمي دوسیه لري

خپور شوی

 په

(Last Updated On: وری ۲۶, ۱۳۹۹)

د غزني د امنیه قومندان په توګه د خلیل اندرابي ګومارنه، چې جرمي دوسیه هم لري له اساسي قانون ښکاره سرغړونه ده.

که څه هم د میدان وردګ ولایت پخوانی امنیه قومندان خلیل اندرابي له دندې څخه په ناوړه ګټه اخیستنه په لویه څارنوالۍ کې دوسیه لري او څارنوالي هم دا مني، چې دوسیه یې وروستۍ شوې نده؛ خو تازه د غزني د امنیه قومندان په توګه ټاکل شوی دی.

د ولسي جرګې یو شمېر غړي د حکومت پدې کار نیوکه کوي او ویلي یې دي، چې تورن کسان باید په مهمو امنیتي دندو ونه ګومارل شي؛ ځکه ناوړه پایلې به ولري.

د ولسي جرګې د هرات استازي غلام فاروق مجروح ویلي؛ ترهغې، چې د تورنو دوسیې وروستۍ نشي او واکمنه محکمه یې د برآت حکم ورنکړي، حکومت د دوسیې تر وروستي کیدو نشي کولی اندرابي د امنیتي مسوول په توګه وګوماري.

په ولسي جرګه کې د غوراستازی ظاهر تمیم وایي؛ په خواشینۍ، چې حکومت په یو شمېر ګومارنو کې اساسي قانون له پامه غورزوي. مونږ هیله من یو، چې لږ تر لږه باید وړتیا په پام کې ونیول شي او داسې خلک ونه ګومارل شي، چې د کوم جرم تور پرې وي؛ خو دلته پر اړیکو ټینګار شوی دی.    

حقوق پوهان ټینګار کوي، چې د تورنو په اړه د جزا کود څرګند دی او باید د دولت په درې واړو  قواو کې ونه ګومارل شي.

د افغانستان د حقوق پوهانو د اتحادیې مرستیال عبدالسبحان مصباح وایي: د جزا د کود د ۱۷۲ مادې له مخې: هغه کسان، چې د کورني او بهرني امنیت یا قتل پر تر سره کولو تورن پېژندل شوي وي؛ په درې واړو قواوو کې کار کولی نشي.

له دې مخکې خلیل اندرابی د فساد دوسیې هم درلودې؛ خو لویه څارنوالي وایي؛ د ښاغلي اندرابي یوه دوسیه، چې له صلاحیت څخه په ناوړه استفادې تورن دی نده وروستۍ شوې او د پوره څرګندونو لپاره امنیتي او دفاعي بنسټونو ته لیږل شوې ده.

تازه خبرونه

د هند په کوربتوب د ترهګرۍ په اړه د شانګهای ټولنې غونډه جوړه شوه

خپور شوی

په

توسط

(Last Updated On: غویی ۲۶, ۱۴۰۱)

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.

په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.

د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.

د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.

د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.

د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.

Continue Reading

تازه خبرونه

د نجونو پاتې ښوونځي به ډېر ژر له نوي میکانیزم سره پرانیستل شي

خپور شوی

په

توسط

(Last Updated On: غویی ۲۶, ۱۴۰۱)

د اسلامي امارت ویاند ډاډ څرګند کړی، چې د نجونو پاتې ښوونځي به هم ډېر ژر له یوه نوي میکانیزم سره پیل شي.

د اسلامي امارت ویاند ذبیح الله مجاهد د نجونو د منځنیو ښوونځیو او عالي لیسو د درسونو د پیل زېری وړاندې کړ او ټینګار کوي، چې د نجونو ښوونځي به ډېر ژر د یوه نوي میکانیزم پر مرسته بېرته پرانیستل شي.

د پوهنې وزارت پخوانيو چارواکو ويلي، اسلامي امارت عملاً د ښوونځیو د تړلو پر وړاندې د خلکو زغم ویني او نړیواله ټولنه هم د نجونو د ښوونځیو پر بیا پرانستلو ټینګار کوي؛ ځکه، نو دا ستونزه باید ژر تر ژره حل شي.

د پوهنې وزارت پخواني مرستیال صدیق پتمن ویلي؛ طالبان( اسلامي امارت ) بریالی کیږي، چې په یوه ورځ کې ښځو ته د حجاب طرحه وړاندې کړي؛ خو په ۹ میاشتو کې نشي کولی د ښوونځیو د پرانستلو طرحه وړاندې کړي. خلک او نړیواله ټولنه دا موضوع هیرولی نشي.  

د کابل اوسیدونکی سراج الدین ویلي، چې اسلامي امارت د هغو میلیونونو نجونو د تمې شېبې اوږدې کړي، چې ښوونځیو ته له تګه بې برخې شوې دي.

کارپوهان پدې باور دي، چې د نجونو د ښوونځیو پرانیستل کولی شي له اسلامي امارت سره د نړۍ د تعامل لاره اواره کړي.

Continue Reading

تازه خبرونه

ازبکستان به د افغانستان په اړه د نړیوال کنفرانس کوربه وي

خپور شوی

په

توسط

(Last Updated On: غویی ۲۶, ۱۴۰۱)

د ازبکستان د بهرنیو چارو لنډمهالي وزیر ولادیمیر نوروف څرګنده کړې، چې تاشکند به د روان زېږدیز کال د جولای په پای کې د افغانستان په اړه د یوې لوړې کچې نړیوال کنفرانس کوربه وي.

ولادیمیر نوروف زیاته کړې، چې دا نړیوال کنفرانس به د سیمې د امنیت، سیاسي ثبات او ټولنیز-اقتصادي پرمختګ راوڅرخیږي.

نوموړي ویلي؛ له بده مرغه مونږ د دې هېواد( افغانستان) وضعیت ته د نړیوالې ټولنې د پام کمښت وینو؛ وضعیت ستونزمن دی، اقتصادي بحران او ستونزمن بشري وضعیت د سیمې امنیت او ثبات اوس هم ننګوي.

تاشکند ټایمز راپور ورکړی، چې نوروف احساس کړی، چې نړیواله ټولنه باید د افغانستان د اوسني او راتلونکي مسوولیت په غاړه واخلي او په دغه هېواد کې د ستونزو د حل لپاره مرستې روانې وساتي.

د دغه راز نړیوال کنفرانس په اړه تر دې دمه اسلامي امارت څه ندي ویلي؛ خو د اسلامي امارت ویاند ذبیح الله مجاهد تېره ورځ ټویت کړی، چې د افغانانو کورني مسایل پر افغانانو پورې اړه لري او که څوک د افغانستان له سیاسي جوړښت سره تړلیو مسایلو په اړه ملاحظه لري؛ باید له افغانستان سره ګډه همکاري او د سوداګریزو اړیکو د پراخولو لپاره هڅې وکړي.

Continue Reading

Trending

Copyright © 2022 Ariana News. All rights reserved!