تازه خبرونه
د ربیع الاول دولسمه د اسلام د ستر پیغمبر د زوکړې مبارکه ورځ ده
د ربیع الاول دولسمه د اسلام د ستر پیغمبر د زوکړې نیکمرغه ورځ د افغانستان په ګډون ټولو هېواودنو کې نمانځل کیږي.
د اسلام د ستر پیغمبر د زوکړې د مبارکې ورځې په نمانځغونډه کې دیني عالمانو ویلي، چې د مسلمانانو وژنه د دیني ارشاداتو مخالفه کړنه او نه بښوونکی جنایت دی.
دوی ټینګار کوي، چې زیاتره ډلې د اسلام له نامه څخه په ناوړه ګټې پورته کولو خلک وژني. په داسې حال کې، چې په اسلام کې تاوتریخوالی ځای نلري.
دیني عالم عبدالرحمان رحماني ویلي، چې د اسلام دین د انسانیت او برابرۍ دی دی او هیچا ته د مسلمانانو د وینو د تویولو اجازه نده ورکړ شوې. په خواشینۍ، چې په افغانستان کې د اسلم له نامه ناوړه ګټه پورته کیږي او مسلمانان وژل کیږي، چې دا یو ستر جنایت دی.
دیني عالم سید حبیب الله جلالی څرګنده کړې، چې مونږ د میلاد ورځ نمانځو او د مسلمان وژنه په یو دین کې هم ځای نلري. په افغانستان کې دې د مسلمانانو د وژنې مخه ونیول شي.
ځینې هېوادوال د جګړې له ښکېلو خواوو غواړي، چې اسلام ته درناوی وکړي او د بې ګناه وکړو وینې تویې نکړي.
د کابل اوسیدونکی مرزا محمد رحیمي وایي: مونږ غواړو، چې په افغانستان کې د وژنو مخنیوی وشي؛ ځکه د وژنو او وینې تویولو حق هیڅوک نلري او هغه کسان، چې جنګ کوي باید جګړه بس کړي او خلک ونه وژني.
د کابل ښار یو بل اوسیدونکي نصرت الله حنفي څرګنده کړې، چې په جنګ کژ ښکېلې ډلې د داعش په ګډون خوارج دي او د اسلام له نامه څخه په ګټه اخیستنه د اسلام پر ضد ولاړ دي. همدا علت دی، چې خلک مو هره ورځ وژل کیږي. زمونږ غوښتنه داده، چې جګړه کوونکي له دې جنایته لاس واخلي.
د هېواد اجرائیه رییس عبدالله عبدالله په سپیدار ماڼۍ کې په دې اړه یوې ناستې ته ویلي، د اسلام د ستر پیغمبر زوکړه په اوسنیو شرایطو کې سیاسیونو او بېلابېلو اړخونو ته یو لوی درس دی.
دا خبرې په داسې حال کې بیانیږي، چې د دیني عالمانو په باور تاوتریخوالی او ناامني بهرني عوامل لري او د اسلام په نوم ګمارل شوي د خلکو د وژنو او جګړو د دوام سبب کیږي او ماموریت لري، چې افغانستان ثبات، ودې او پراختیا ته لار ونه مومي.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه4 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه5 days ago
د ښځو پر وړاندې د اسلامي امارت فرمانونه افغانستان پر بهرنیو مرستو متکي ساتي – رینا امیري
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې