Connect with us

تازه خبرونه

د طالب بندیانو خوشې کول، د سولې خبرو پر مختګ ډاډمنوي- مایک بمپیو

Ariana News

خپور شوی

 په

(Last Updated On: وری ۱۳, ۱۳۹۹)

د امریکا بهرنیو چارو وزیر د طالب او افغان دولت زندانیانو د خوشي کولو او د سولي د خبرو د مرکچي پلاوي د جوړښت له پرمختګونو خوښ ښکاري او غواړي، چې خپلمنځي خبرې ژر پیل شي.

کابل ته د طالب زندانیانو د خلاصون لپاره د دوی د درې کسیز پلاوي له راتګ او د افغان حکومت لخوا د سولې د مرکچي پلاوي له جوړښت وروسته د امریکا د بهرنیو چارو وزیر د خپلمنځي خبرو د پیل کیدو غوښتنه کړې ده.

د امریکا د بهرنیو چارو وزیر مایک پمپیو په یوه خبري غونډه کې څرګنده کړې، چې د افغانستان مرکچي پلاوی ټولګډونه ښکاري او له ټولو ښکېلو اړخونو یې غوښتي، چې خبرو ته سره کښیني.

نوموړي ویلي؛ د افغان حکومت لخوا جوړ شوی مرکچي پلاوی ټولګډونه ښکاري او مونږ خوښ یو، چې د زندانیانو د خوشې کولو په برخه کې هم پرمختګونه رامنځته شوي دي. ټولې ښکېلې خواوې باید سره کښیني او د سولې خبرې پیل کړي.

د ناټو عمومي منشي هم د افغانستان وضعیت سخت بللی او پر طالبانو او سیاستوالو یې غږ کړی، چې د سولې د خبرو پیلولو لپاره خپل مناسب رول ولوبوي.

ینس سټولټنبرګ وایې: د افغانستان وضعیت حساس او سخت دی. اوس د دې وخت راغلی، چې طالبان او نور سیاستوال خپل رول په سمه توګه ادا، تاوتریخوالی راکم او د سولې خپلمنځي خبري پیل کړي.

دا په داسې حال کې ده، چې د طالبانو د واکمنۍ کابل میشتي لوی څارنوال مولانا جلال الدین شینواري ویلي؛ د افغان حکومت لخوا جوړ شوی پلاوی طالبانو ته د منلو ندی.

د ولسمشر د ویاند مرستیال دوا خان مینه پال ويلي؛ طالبان باید وپوهیږي، چې د افغانستان د حکومت ۲۱ کسیز مرکچي پلاوی نړیوالو ته رسمیت لري.

 د چارو پوهانو ویلي؛ د افغانانو د خپلمنځي خبرو پیل د ۵۰۰۰ طالب او ۱۰۰۰ حکومتي زندانیانو له خوشې کولو سره تړلي، چې څلور میاشتې وخت ونیسي.

تازه خبرونه

ولسمشر غني د ښځو عالي شورا د رامنځته کیدو فرمان لاسلیک کړ

Ariana News

خپور شوی

په

توسط

(Last Updated On: زمری ۲۳, ۱۳۹۹)

ارګ په ډاګه کړې؛ ولسمشر غني د ښځو عالي شورا د رامنځته کیدو فرمان لاسلیک کړ، چې موخه یې د افغان میرمنو “ځواکمن کول” دي.

د ولسمشرۍ دفتر په یوې اعلامیې کې ویلي، چې دا شورا به ولسمشر رهبري کوي او “د ښځو حقونو پر پیاوړي کولو” به راڅرخي.

په فرمان کې د ښځو عالي شورا د دارالانشاء مسوولیت د ښځو چارو وزارت او د جمهوري ریاست د چارو ادارې لوی ریاست ته سپارل شوی.

د ارګ په څرګندونو کې راغلي: شورا به د ولسمشرۍ د چارو ادارې په مشرۍ ناستې تر سره کوي او د ښځو پیاوړتیا، د حقونو خوندیتوب، نړیواله همکاري او همغږۍ به یې د پالیسۍ غوره برخې وي.

د ولسمشر د فرمان له مخې؛ په دې شورا کې به د بېلابېلو ۲۶ ټولنو استازي غړيتوب ولري.

دغه راز ویل شوي، چې د فرمان پر بنسټ به د والیانو مرستیالانې، ښځینه مدافعین، مدني ښځینه فعالان، د دولتي ادارو او نادولتي سازمانونو ۲۶ استازي به د دې شورا غړي وي.

Continue Reading

تازه خبرونه

ناڅرګندو وسلوالو په تخار کې یوه لیسه سوځولې

Ariana News

خپور شوی

په

توسط

(Last Updated On: زمری ۲۳, ۱۳۹۹)

نن سهار د تخار ولایت په مرکز تالقان ښار کې د پولیسو قومندانې ته نږدې د ابو عثمان تالقاني لیسه سوځول شوې ده.

سیمه ییزو خبریالانو څرګنده کړې، چې په دې وروستیو کې دا د دې ولایت درېیم ښوونځی دی، چې سوځول کیږي.

ویل کیږي، چې په ابوعثمان تالقاني لیسه کې درې زره زدکوونکيو زدکړه کول، چې اوس د لیسې ټول درسي او نور توکي د اور خوراک شوي دي.

پېښه سهار وختي شوې او عاملین یې تښتېدلي دي.

په ټولینیزو رسنیو کې خپاره شوي انځورونه ښيي، چې د دې ښوونځي لیکي او نور لوازم د اور لمبه شوي دي.

طالبانو په دې پېښه کې لاس لرل رد کړي او وایي، چې تېره شپه د تخار مرکز په تالقانو ښار کې امنیه قومندانۍ او استخباراتو ودانیو ته نږدې د ابوعثمان تالقاني لیسې ته اور اچول شوی دی.

Continue Reading

تازه خبرونه

د طالبانو په برید کې د کاپیسا ولایت یو امنیتی چارواکی وژل شوی

Ariana News

خپور شوی

په

توسط

(Last Updated On: زمری ۲۳, ۱۳۹۹)

د کاپیسا پولیسو ویاند شایق شورش آریانا نیوز ته ویلي، چې نن سهار شاوخوا ۹ بجې د پروان ولایت د صیادان په کلي کې د دې ولایت د امنیه قومندانۍ د قرارګاه د تولي د بلوک قومندان سلیمان د طالبانو لخوا وژل شوی دی.

دغه راز شورش زیاته کړې، چې په یوه بله پیښه کې د ملکي وګړیو او امنیتي ځواکونو په ګډون اووه کسانو ته مرګ و ژوبله اوښتې ده.

د نوموړي د څرګندونو له مخې، د کاپیسا ولایت د تګاب ولسوالۍ په شاکر کلي کې تېره شپه شاوخوا ۱۲:۳۰ بجې افغان او طالب ځواکونه سر ښکېل شول.

شورش وایي، چې په دې نښته د اردو دوه سرتېري وژل شوي او یو بل ټپي دی.

هغه زیاتوي، چې د نښتو پرمهال د ښځو او ماشومانو په ګډون څلور ملکي وګړي هم ټپیان شوي دي.

د نوموړي د څرګندونو له مخې؛ په دې پېښه کې طالبانو ته هم ځاني زیانونه اوښتي؛ خو په اړه یې پوره معلومات تر دې دمه تر لاسه شوی ندي.

طالبانو تر دې دمه په دې اړه څه ندي ویلي.

Continue Reading

Trending