Connect with us

تازه خبرونه

د جاپاني افغان تتسو ناکامورا جنازه جاپان ته ورسیدله

Ariana News

خپور شوی

 په

(Last Updated On: ليندۍ ۱۷, ۱۳۹۸)

د جاپاني افغان داکتر تتسو ناکامورا جنازه، چې تېره چارشنبه د ننګرهار په جلال آباد ښار کې له پېنځه افغان ساتونکیو سره ووژل شو؛ نن یکشنبه( د لیندۍ ۱۷) پر سیمه ییز وخت له غرمې وروسته توکیو ته نږدې د ناریتا هوایي ډګر ته ورسیدله.

د جاپان د ناریتا په هوایی ډګر کې جاپاني چارواکو د جاپان د بهرنیو چارو وزیر کیسوک سوزوکي په ګډون یې جنازې ته له رکوع کولو، سپین سان اچولو او ګلان ایښودلو وروسته د بې غږه عبادت مراسم تر سره کړل.

ځایي رسنیو څرګرګنده کړې، چې د هغه مړی او جنازه به د دوشنبې پر ورځ( د لیندۍ ۱۸/ د دسمبر ۹) د هغه اصلي ټاټوبي د لویدیځ جاپاني فوکوکا ښار ته ولیږدول شي.

دغه ۷۳ کلن داکتر د ننګرهار ولایت د جلال آباد ښار په لومړۍ ناحیه کې له ۵ ساتونکیو سره تېره چارشنبه( د لیندۍ ۱۳/ د دسمبر۴) ووژل شو. ننګرهار هغه ولایت دی، چې هغه د خپل ژوند نږدې درې لسیزې خلکو درملنې او آبادولو ته ځانګړي کړل.

د داکتر ناکامورا جنازه تېره ورځ کابل نړیوال هوایی ډګر ته د ولسمشر محمد اشرف غني په مشرۍ ولیږدول شوه او نوموړی په افغانستان کې د آبادۍ او کار اتل ونومول شو.

ناکامورا په ختیځو ولایتونو کې یو محبوب شخصیت و او د کلیوالو لخوا (کاکا مراد) یاد شوی دی.

د هغه مړینه د افغانانو لپاره ټکان ورکوونکی خبر و او ډېرو خلکو د هغه د درناوي لپاره د شمعې څراغونه بل کړل.

تازه خبرونه

طالبانو کابل ته نږدې د خپلو پراخو هڅو ویډیو خپره کړې

Ariana News

خپور شوی

په

توسط

(Last Updated On: تله ۵, ۱۳۹۹)

طالبانو د یوې ویدیو په خپرولو وښوده، چې د پېنځمې حوزې په اړوند باغ داوود، پنجه چنار او د ارغندې په حیدرخان کلا سیمو کې فزیکي حضور لري او د شپې  د کمپنۍ بازار او کمپنۍ پله ساحو ته را وځي؛ د لویو لارو د امنیت په اړه له موتر چلوونکیو او خلکو پوښتنې کوي.

په دغو سیمو کې خلکو ویلي؛ د طالبانو سره قطعه وخت ناوخته په دې سیمه کې د امنیتي ځواکونو پر پوستو بریدونه هم کوي.

د کابل ښار د کمپنۍ پله د اړوند سیمې اوسېدونکي اتل ویلي؛ دا لومړی ځل دی، چې طالبان د کابل ښار د پېنځمې حوزې په اړوند سیمو کې شپه مهال سړک ته راوځي او له خلکو د امنیتي حالت په تړاو پوښتنې کوي.

د کابل ښار د کمپنۍ د بازار یوه بل اوسېدونکي ویلي؛ دوه شپې مخکې طالبانو د کوټې سنګي – کمپنۍ څلور لاري په اوږدو کې د څو ساعتونو لپاره د تلاشۍ پوسته جوړه کړې وه او امنیت په تړاو یې له خلکو پوښتنې کولې.

د امنیتي پوستو سرتېرو ویلي؛ په شپه کې پرې د طالبانو سره قطعه حملې کوي او د واټ پر غاړوماینونه ږدي، چې د پوځیانو کاروانونه په نښه کړي؛ خو کورنیو چارو وزارت دغه اړوند خبرې ردوي.

په دوحه کې د افغانانو د خپلمنځي خبرو له پرانیستو سره جوخت د هېواد په زیاترو سیمو کې د طالبانو او امنیتي ځواکونو نښتې زیاتې شوي؛ خو اوس په کابل کې د طالبانود یوې خپرې شوې ویدیوي څرګندونو له مخې پراخ ښاري شون لري، چې دې کار د ښار اوسیدونکي اندیښمن کړي دي.

Continue Reading

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading
Advertisement

Trending