Connect with us

تازه خبرونه

د طالبانو او افغان حکومت له سولې ضمانت کوو- اروپایي ټولنه

Ariana News

خپور شوی

 په

(Last Updated On: April 9, 2019)

اروپايي ټولنه وايي؛ په افغانستان کې له هغې سولې ضمانت کوو، چې د وسلوالو طالبانو او افغان حکومت تر منځ رامنځته او ورسره د ترهګرۍ مخه ونیول شي.

د افغان سولې لپاره د روانو هڅو په لړ کې د اروپايي ټولنې د بهرني سیاست مسوولې فدریکا موګریني ويلي، چې اروپايي ټولنه غواړي د افغان سولې ضمانت پر غاړه واخلي؛ خو د سولې د ضمانت ترڅنګ یو لړ  شرطونه هم لري.

هغه زیاتوي؛ په افغان سوله کې باید د ښځو، ماشومانو او لږکیو حقونو ته هم پاملرنه وشي.

 د اروپايي ټولنې د بهرني سیاست مسوولې فدریکا موګریني څرګنده کړې؛ مونږ په دوه برخو کې رول لوبولی شو؛ هم د سولې تفاهم لیک په عملي کولو کې او هم د سولې د ضمانت په برخه کې. مونږ د هغې سولې ضمانت کوو، چې د طالبانو او افغان دولت تر منځ وشي، د تاوتریخوالي مخنیوی وکړي او د لږکیو حقونو ته هم پاملرنه وشي.

ولسمشر غني هم د افغانستان د سولې بهیر د ملاتړ، د ښکېلو خواوو ترمنځ د سولې هوکړې د تضمین او د سولې له هوکړې وروسته د برنامو په پلي کولو کې د همکارۍ په اړه د اروپایي ټولنې له اعلامیې هرکلی کړی او پایدارې سولې ته د افغانستان د رسیدو او په هېواد کې د جنګ د ختمیدو لپاره یاده اعلامیه مهمه بولي.

فدریکا له امریکا سره له ګډو هڅو ډاډه ده او وایي، چې مونږ په کډه د افغانستان له سولې ملاتړ کوو او د افغانانو د خپلمنځي خبرو لپاره به زمینه برابره کړو.

اروپايي ټولنې په داسې حال کې د افغان ستان له سولې ضمانت ته ټټر وهلی، چې ټاکل شوې په قطر کې د طالبانو او امریکايي پلاوي تر منځ د شپږم پړاو خبرې پیل شي او تمه ده، چې پر ځينو مسایلو وروستۍ هوکړې تههم  ورسیږي.

خبریال: روهید اندیشمند

تازه خبرونه

حکمتیار په پاکستان کې د سولې بهیر په اړه له قریشي سره خبرې وکړې

Ariana News

خپور شوی

په

توسط

(Last Updated On: October 20, 2020)

د پاکستان د بهرنیو چارو وزیر شاه محمود قریشي د حزب اسلامي له مشر ګلبدین حکمتیار سره په کتنه د افغانستان د سولې په بهیر کې د خرابوونکیو له شتون خبرداری ورکړی دی.

د حزب اسلامي رهبر حکمتیار پرون پاکستان ته درې ورځنی سفر کړی، چې موخه یې له پاکستانيو حکومتي چارواکو سره د افغان سولې پر بهیر بحث او خبرې دي.

د حزب اسلامي له مشر سره په دې کتنه کې د پاکستان د بهرنیو چارو وزیر شاه محمود قریشي د افغانستان د سولې له بهیره خپل ملاتړ یو ځل بیا په ډاګه کړ او وایي، چې په افغانستان کې د جګړې لپاره هیڅ نظامي حل نشته.

د پاکستان د بهرنیو چارو وزارت ویاند زاهد حفیظ ویلي: د بهرنیو چارو وزیر قریشي لد حزب له رهبر  ګلبدین حکمتیار سره د دوه اړخیزو اړیکو په اړه خبرې وکړې. پاکستان تل د افغانستان د سولې له بهیره ملاتړ کړی. مونږ اوس هم په دوحه کې د افغانانو تر منځ خبرو اترو ته هیله من یو.

دغه راز د حزب اسلامي رهبر ويلي؛ اسلام آباد په افغانستان کې د جګړې دوام ته هیله من ندی او چمتو دی، چې د افغانستان د سولې په بهیر کې مثبت رول ولوبوي.

په داسې حال کې، چې د دوحې د سولې خبرو له ناڅرګند برخلیک سره مخ دی او د افغانستان په ځینو برخو کې تاوتریخوالی روان دی؛ نو تمې دا دي، چې اسلام آباد به د دې وضعیت د پای ته رسولو لپاره خپلې هڅې ونسپموي.

پاکستان د افغانستان د سولې په بهیر کې یو له مهمو لوبغاړیو څخه دی او له همدې کبله افغان چارواکي او سیاسي مشران غواړي په افغانستان کې د سولې د خوندي کولو لپاره ورسره ګډ کار وکړي.

Continue Reading

تازه خبرونه

عبدالله او روحاني د سولې بهیر په اړه خبرې تر سره کړې

Ariana News

خپور شوی

په

توسط

(Last Updated On: October 20, 2020)

د ملي پخلاینې عالي شورا مشر د سیمه ییزو هېوادونو د مشرانو د ملاتړ تر لاسه کولو لپاره د دوشنبې پر ورځ د ایران له ولسمشر حسن روحاني سره د افغانستان د سولې د روان بهیر او دوه اړخیزو همکاریو په اړه بحث او خبرې کړې دي.

عبدالله عبدالله د ایران له ولسمشر حسن روحاني سره له کتنې وروسته څرګنده کړې: مونږ د افغانستان د سولې بهیر، په دوحه کې د روانو خبرو او دوه اړخیزو اړیکو په اړه نظرونه تبادله کړل.

داکتر عبدالله د سولې په اړه د ایران د ولسمشر له ملاتړه مننه کړې او وایي، چې ایران د ګاونډ په توګه کولی شي په افغانستان کې د سولې بهیر په پرمختګ کې ارزښتمن رول ولوبوي.

د ایران ایرنا خبري آژانس سره په خبرو کې  عبدالله عبدالله ویلي؛ د افغانستان خلک د ټولو افغانانو لپاره تل پاتې او د منلو وړ سوله او همدارنګه په تېرو ۱۹ کلونو کې د لاسته راوړنو ساتنه غواړي.

هغه دا هم په ډاګه کړې، چې د سیمې هېوادونو ترمنځ همکاري کولی شي د سولې بهیر او روانو خبرو اترو ته وده ورکړي او بریالۍ پایله ترلاسه شي.

د نوموړي د څرګندونو له مخې؛ د ګاونډ هېوادونو مرسته او ملاتړ زمونږ لپاره په سیمه ییزه او نړیواله کچه د مشورې لپاره ډېر ارزښت لري.

د ملي پخلاینې عالي شورا د رسنیو  دفتر څرګنده کړې؛ داکتر عبدالله عبدالله او ورسره پلاوی یې سهار ایران ته له دوه ورخني سفره کابل ته راستانه شول. نوموړي په دې سفر کې د ایران له ولسمشر، بهرنیو چارو وزیر، د ولسي جرګې له مشر او نورو چارواکو سره د سولې د بهیر، د دوحې د خپلمنځي خبرو او دوه اړخیزو همکاریو په اړه بحث او خبرې کړې دي.

د یادونې ده، چې د سولې بهیر ته د سیمه ییزو هېوادونو د مشرانو د ملاتړ تر لاسه کولو په لړ کې د ملي پخلاینې عالی شورا مشر او ورسره پلاوي یې پاکستان او هند ته هم سفرونه تر سره کړي دي.

Continue Reading

تازه خبرونه

د خوست ولایت د ځاځي میدان ولسوال په لوګر کې ووژل شو

Ariana News

خپور شوی

په

توسط

(Last Updated On: October 20, 2020)

د خوست ولایت د ځاځي میدان ولسوال عبدالحی ځاځی نن له غرمې وروسته د لوګر ولایت د التمور په اړوند سیمه کې د ناڅرګندو وسلوالو لخوا تر برید لاندې راغلی او له خپل ساتونکي سره وژل شوی دی.

پېښه د پکتيا او لوګر ولايتونو مسوولينو تائيد کړې ده.

د سیمه ییزو چارواکو د څرګندونو له مخې؛ پېښه په اړوند سیمه کې هغه مهال رامنځته شوه، چې دی له خپل ساتونکي سره کابل ته پر لاره و.

د پکتیا والي ویاند عبدالرحمن منګل ویلي، چې په دې پېښه کې د هغه یو ساتونکی هم وژل شوی او یو بل ملکي وګړی ټپي دی.

ویل کیږي، چې وژل  شوي کسان او ټپي د پکتیا حوزوي روغتون ته لیږدول شوي دي.

د پېښې پړه تر دې دمه چا پر غاړه نده اخیستې.

Continue Reading
Advertisement

Trending