Connect with us

تازه خبرونه

د بشري حقونو څار بنسټ د ملي امنیت ځانګړي ځواکونه پر جنګي جرایمو تورن کړل

Ariana News

خپور شوی

 په

(Last Updated On: لړم ۹, ۱۳۹۸)

د بشري حقونو د څار نړیوال سازمان په خپل نوي راپور کې څرګنده کړې؛ د ملي امنیت ځانګړي ځواکونه، چې د (سي ‌ای‌ اې) ملاتړ ورسره دی، له بشري حقونو جدي سرغړونې کړي او په عملیاتو کې یې ملکي وګړي وژلي دي.

شاوخوا دوه میاشتې مخکې په جلال آباد ښار کې د یوې کورنۍ څلور غړي، چې د ملي امنیت د صفر دوه قطعې لخوا وژل شوي وه.

په دې راپور کې د ولسي وګړیو وژنې، صحرایي محکمې، شپني عملیات، هوایي بریدونه، نیونې، د ځینو کسانو تری تم کیدل او پر روغتیایي مرکزونو بریدونه هغه تکتکیونه یاد شوي؛ چې دغه ځواک ورنه کار اخلي او د ملکي مرګ و ژوبلې لامل ګرځیدلی دی.

د بشري حقونو د څار دې سازمان له امریکا او افغان حکومت غوښتي، چې له دولتي تشکیلاتو بهر ټول ملیشه ځواکونه په بیره منحل او بې وسلې کړي.

د بشر حقونو د څار نړیوال سازمان دا ځواکونه په جنګي جرمونو تورنوي؛ دوی بې رحمانه جرمونه کوي، جدي او ناقانونه سرغړونې تر سره کوي، په شپنیو عملیاتو کې د ملکیانو تر منځ له توپیر پرته وژنې کوي، خلک تښتوي او صحرایي محکمې جوړوي.

د جلال آباد پېښې د قربانیانو د کورنۍ غړی محمد ابراهیم ملک زاده ویلي، چې تر دې دمه حکومت دیادې کورنۍ د څلور غړویو د وژنې په اړه هیڅ هم ندي کړي.    د قربانیانو ګاونډ حبیب الله وایي، له دې څلور وروڼو کوچني ماشومان پاتې دي.

د بشر حقونو خپلواک کمیسیون غړي نعیم نظري ویلي؛ د بې مسوولیتۍ، ناسمو اطلاعاتو او مدیریتي بېوسۍ له کبله ملکي کسان وژل کیږي.

د بشر حقونو د څار نړیوال سازمان وپه ډاګه کړې، د ملي امنیت ځانګړي ځواکونه، چې د صفریو، صفر دوه، صفر درې او صفر څلور قطعات نومول شوي؛ د ملي امنیت تر پوښښ لاندې فعالیت لري، خو په اصل کې د امریکا د سی آی اې څارګرې ادارې لخوا استخدام کیږي، روزنه یې کیږي، تجهیز او مدیریت یې تر سره کوي او د امریکا د مرکزي استخباراتي ادارې تر قومندې لاندې عملیات کوي.

پخواني پوځي عتیق الله امرخېل  ویلي؛ دوی د خلکو کورونو ته له دولتي اجازې پرته ننوځي او بېوسه خلک وژني.

د بشر  حقونو څار نړیوال سازمان له امریکا او افغان حکومت غوښټي، چې ټول هغه ځواکونه منحل او بې وسلې کړي، چې د امنیتي ځواکونو له چوکاټ بهر دي او د جنګي جرمونو او بشري حقونو د نقض په تړاو تورونو څېړلو لپاره له خپلواکو څېړنو سره همکاري وکړي.

د ملي امنیت شورا ویاند کبیر حقمل  ویلي، که څه هم دې راپور ځینې حقیقتونه بیان کړي؛ خو تېروتنې هم لري.

د بشر حقونو د څار نړیوال سازمان تر دې سرلیک لاندې، چې هغوی پر ډېرو کسانو ډزې کړي، د افغان ځواکونو د شپنیو عملیاتو د ناوړه استفادې په تړاو دغه راپور خپور شوی، چې له ۲۰۱۷ میلادي کال څخه تر ۲۰۱۹ میلادي کال تر منځنیو پورې څوارلس موارده را نغاړي.

تازه خبرونه

په افغانستان کې د کرونا له ۸۵ نویو پېښو سره ټول شمېر ۳۴۴۵۱ ته ورسید

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په افغانستان کې د تېرو دوه میاشتو له څلیریشت ګړیو راپدیخوا د کرونا ویروس له ټولو ورځنیو تازه مثبتو پېښو څخه ټیټ شمېر، چې ۸۵ دی؛ ثبت شوی، چې ورسره د دې ناروغۍ ټول شمېر ۲۴۴۵۱ ته رسیدلی دی.

د عامې روغتیا وزارت د څرګندونو له مخې؛ له تېرې یوې شپې او ورځې په کابل کې د ۱۴، په هرات کې د ۱۸، په کندهار کې د ۵، په بامیان کې د ۲۰، په ننګرهار کې د ۴، په تخار کې د۱۰، په کندوز کې د ۳، په بدخشان کې د ۸، په میدان وردګ، لغمان او کونړ ولایتونو کې د یو – یو ناروغانو د کتنو پایلې مثبتې ثبت شوي، چې ورسره پر کرونا د اخته کسانو شمېر ۳۴۴۵۱ ته رسیدلی دی.

دغه راز په تېرو ۲۴ ګړیو کې ۱۶ کرونایي ناروغان مړه شوي، چې ۱۲ یې په کابل، ۲ په هرات او ۲ نور په کندهار ولایتونو کې دي.

تر دې دمه ۱۰۱۰ کرونایي ناروغان په ټول هېواد کې له خواږه ژوندانه بې برخې شوی دي.

دغه راز په همدومره وخت کې ۸۱ ناروغان له روغتونونو کورونو ته رخصت شوي، ورسره د رغیدلیو کسانو شمېر  ته ۲۱۲۱۶ ورسیده.

د یادونې ده، چې په ټوله نړۍ کې پر کرونا د اخته کسانو شمېر ۱۲۶۸۴۴۰۹،  مړینه ۵۶۴۵۰۶ او رغیدلي ۶۹۸۱۱۷۰ دي.

Continue Reading

تازه خبرونه

په غزني کې له ماین چاودنې ۱۴ عامو وګړيو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په غزني ولایت کې د سړک غاړې له ماین چاودنې د ښځو او ماشومانو په ګډون ۱۴ عامو وګړیو ته مرګ و ژوبله اوښتې ده.

د غزني والي ویاند واحدالله جمعهزاده رسنیو ته ویلي؛ پرون مازیګر د جغتو ولسوالۍ په قیاق دره سیمه کې هغه مهال د سړک غاړې ماین چادونه رامنځته شوه، چې د ملګي وګړیو د سپرلۍ موتر د وسلوالو مخالفانو لخوا پر ایښودل شوي ماین وربرابر شو.

د نوموړي د څرګندونو له مخې؛ د ملکي وګړیو پر یوه فلاینګ کوچ ډوله موتر د وسلوالو مخالفانو له لوري د سړک غاړه ځای پر ځای شوی ماین چاودېدلی، چې د ښځو او ماشومانو په ګډون یې شپږ ملکي وګړي وژلي او اته نور ټپیان دي.

جمعهزاده زیاته کړې؛ ټپیان د غزني ولایت ملکي روغتون ته رسول شوي دي.

طالبانو تر اوسه په دې اړه څه ندي ویلي.

دا په داسې حال کې ده، چې د افغانستان دفاع وزارت د فاریاب ولایت د دولت آباد ولسوالۍ په اړوند سیمو کې د ملي امنیتي او د فاعي ځواکونو په ځمکني او هوایي بریدونو کې د طالبانو د سرې قطعې د یوه قومندان په ګدون د ۲۵ وسلوالو طالب جنګیالو له مرګ و ژوبلې خبر ورکړی دی

Continue Reading

تازه خبرونه

په فاریاب کې د سرې قطعې د قومندان په ګډون ۲۵ وسلوالو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۲, ۱۳۹۹)

په فاریاب کۍ د د طالبانو د سرې قطعې د یوه قومندان په ګدون ۲۵ وسلوالو طالب جنګیالو ته هغه مهال مرګ و زوبله واوښته، چې پر ملی امنیتي او دفاعي ځواکونو یې بریدونه وکړل.

دفاع وزارت په ډاګه کړې، چې پرون مازیګر وسلوال طالبانو د فاریاب ولایت د دولت آباد ولسوالۍ په اړوند سیمو کې د ملي امنیتي او د فاعي ځواکونو پر پوستو بريد وکړ، چې د هوایي ځواکونو پر ملتیا له بشپړې ماتې سره مخ او پر شاه وتمبول شول.

په دغه نښته کې حاجی ناصر د شیرین تګاب ولسوالۍ لپاره د طالبانو د نومول شوي ولسوال د پلار په ګډون ۱۴ وسلوال طالبان وژل شوی او د طالبانو د دولت آباد ولسوالۍ د سرې قطعې د قومندان په ګډون ۱۱ نور مرګونی ټپیان شوي دي.

دا په داسې حال کې ده، چې د غزني والي ویاند واحدالله جمعهزاده رسنیو ته ویلي؛ پرون مازیګر د جغتو ولسوالۍ په قیاق دره سیمه کې د ملګي وګړیو د سپرلۍ پر موتر د وسلوالو مخالفانو پر ایښودل شوي ماین وربرابر شو، چې په کې ۱۴ کسانو ته مرګ و زوبله اوښتې.

Continue Reading

Trending