تازه خبرونه
د زابل له دوه ولسواليو پرته به د قلات په ګډون په ٨ نورو کې ټاکنې ترسره شي
د دې ولايت امنيتي مسوولين وايي؛ په دې ولايت کې د رای اچونې ٣٦ مرکزونه دي، چي بشپړ امنيت ورته نيول شوى او ټاکني به په سمه توګه په کې تر سره شي.
زابل په سويل لوديځ زون کې يو له ناامنيو ولايتونو څخه دى، چي په دوه ولسواليو؛ دايچوپان او خاک افغان کي يې ټاکني نکيږي.
د زابل والي رحمت الله يارمل ويلي؛ د امنيتي ګواښونو له کبله نشي کولى، چي په دې دوه ولسواليو کې ټاکنې تر سره کړي؛ خو د مرکز قلات په ګډون به په ٨ ولسواليو کې ٣٦ د رای اچونې مرکزونه فعال وي.
دغه راز د دوى په خبره؛ په پارلماني ټاکنو کې ٤٢ مرکزونه پرانيستي وه، خو دا ځل د ناامنيو له کبله د رايي اچونې مرکزونو شمېر ٣٦ ته راټيټ شوى دى.
د زابل امنيه قوماندان جنرال نجيب الله سرتېر د امنيت ډاډ ورکوي او څرګندوي؛ په هغو ټولو سيمو کې، چې امنيتي ځواکونو تر خپل پوښښ لاندي راوستي ټاکنې تر سره کیږي او رای مرکزونه لري.
د دې ولايت د ټاکنو خپلواک کميسيون سيمه یيز مشر محمد هاشم درانى ويلي؛ ټولو هغو ولسواليو ته يې ټاکنيز توکي ليږلي، چي د ټاکنو لپاره چمتوالى ورته نيول شوى او له کومي تخنيکي او امنيتي ستونزې پرته به ټاکني تر سره کړي.
د زابل د ولايتي شورا ریيس عطاجان حقبيان له عامو خلکو غواړي، چي د ټاکنو په ملي بهیر کي برخه واخلي او پخپله خوښه خپل نوماند ته رايه وکاروي.
د شنبې پر ورځ( د تلې ۶) به په ټول هېواد کې د ولسمشرۍ ټاکنو لپاره دولس نوماندان سیالي وکړي د ټاکنو خپلواک کمیسیون ویلي، دا ځل د ولسمشرۍ ټاکنو ته ۹،۶ میلیون رای ورکوونکیو نوملیکنه کړې ده.
وسلوالو طالبانو له عامو خلکو غوښتي، چې په دې بهیر کې ګډون ونکړي او دا يې يوه جعلي پروسه ياده کړې ده.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه19 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی18 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ