Connect with us

تازه خبرونه

د سرشمېرنې ملي اداره او ولسمشرۍ ماڼې ټاکنې د یوه لوري پر ګټه راڅرخوي

Avatar

خپور شوی

 په

(Last Updated On: چنګاښ ۲۵, ۱۳۹۸)

ټاکنیزې ډلې وایي، چې د سرشمېرنې ملي اداره له ولسمشرۍ ماڼې سره په ګډه د ولسمشریزو ټاکنو د نوماندانو او ټاکنڅارو په نشتوالي کې پېژندپاڼې څېړي او ټاکنې د یوه لوري پر ګټه راڅرخوي.

د ټاکنو خپلواک کمیسیون تازه د رای ورکوونکیو نوملړ د سرشمېرنې ملي ادارې ته لیږلی، چې نهه نیم میلیون کسان په کې دي. په داسې حال کې، چې دی بنسټ د جعلي پېژندپاڼو د تشخیص بهیر تازه پیل کړی دی.

 دي چارې د ټاکنیزو ډلو اندېښنې راولاړې کړې دي.

د اجرائیه رییس دوه یم مرستیال محمد محقق آریانا نیوز ته په خبرو کې څرګنده کړې، چې د سرشمېرنې او معلوماتو ملي اداره له ولسمشرۍ ماڼې سره په ګډه د ولسمشریزو ټاکنو د نوماندانو او ټاکنڅارو په نه حضور کې پېژندپاڼې څېړي او ټاکنې د یوه لوري پر ګټه راڅرخوي.

هغه وایي؛ دوی غواړي ټاکنې د یوه لوري پر ګټه راوڅرخوي. دوی دا هڅه هم کوي، چې د رایو د ورکولو او نه  ورکولو سیمې په ډاګه کړي او بیا هغه سیمې، چې رایې نه ورکوي؛ د هغو پېژندپاڼې باطلې او د هغې بلې وساتي.

محقق خبرداری ورکوي؛ که د دې کار مخه ونه نیول شي، د ټاکنو پایله به ورته د منلو نه وي.

د ولسمشرۍ ځینې نوماندان هم دا بهیر د اندېښڼې وړ بولي.

د ولسمشریزو ټاکنو نوماند فرامر تمنا وایي، چې د پارلماني ټاکنو لپاره په جوړو شویو تقلبي پېژندپاڼو کې هم دا اداره ښکېله وه او اوس هم د ارګ تر څارنې لاندې چارې د حاکمې ډلې پر ګته راڅرخوي.

د سرشمېرنې او معلوماتو ملي اداره حاضره نشوه، چې په دي اړه خبرې وکړي؛ خو ټاکنڅاري ډلې اندېښمن دي او څرګندوي؛ د لږ وخت پاتې کیدو له کبله باوري ندي، چې ټاکنې پخپل وخت ترسره شي.

تازه خبرونه

د آریانا نړیوال تلویزیون کارکونکې سلیمان یوسفي د کوویډ-۱۹ له کبله ومړ

Avatar

خپور شوی

په

توسط

(Last Updated On: غبرګولى ۹, ۱۳۹۹)

سلیمان یوسفي، د آریانا نړیوال تلویزیوني شبکې یو تن کارکونکې، د کوویډ-۱۹ رنځ له امله نن ومړ.

یوسفي د آرینا نیوز او آریانا تلویزیون کارکونکې و، چې د کورونا ویروس له امله مړ شو.

ښاغلی سلیمان یوسفي څو ورځې دمخه په کرونا ویروس اخته شوې و او نن له غرمې وروسته د ساه اخیستنې ستونزو سره مخ شو.

د یادونې وړ ده چې یوسفي له یوې لسیزې راهیسې د آریانا او آریانا نیوز تلویزیونونو د ترانسپورت په څانګه کې کار کولو.

له یوسفي څخه یو زوی او دوه لورګانې پاتې دي.

Continue Reading

تازه خبرونه

د طالب زندانیانو تخنیکي پلاوي او حکومت خبرې پیل کړې

Avatar

خپور شوی

په

توسط

(Last Updated On: غبرګولى ۹, ۱۳۹۹)

ولسمشرۍ ویلي؛ د طالب زندانیانو د تخنیکي پلاوي او حکومت خبرې د بندیانو پر خوشي کولو، پېژندنې او جګړې ته د دوی پر نه ستنیدو راڅرخیدلي دي.

د دولت او طالبانو ترمنځ تراوسه د سولې په اړه هوکړه نده شوې؛ خو درې میاشتې مخکې د قطر په دوحه کې یوه هوکړه شوې، چې د مذاکراتو لپاره یې چوکاټ وټاکه. د دې هوکړې مهمې برخې دا وې، چې دولت باید پېنځه زره طالب بندیان او طالبان به هم زر کسه بندي دولتي سرتېري خوشي کړي.

طالبانو ته نیژدې سرچینې وایي دا پلاوی د بندیانو د خلاصون له بهیر څخه د څارنې په موخه کابل ته راغلی او په نورو برخو کې صلاحیت نه لري.

امریکا دا هوکړه ومنله او تراوسه د طالب بندیانو د خوشي کولو په اړه د طالبانو د پلاوي تګ راتګ دوام لري.

د ولسمشر ویاند صدیق صدیقي ویلي؛ د بندیانو په اړه د طالب زندایانو یو پلاوی کابل ته راغلی او د افغانستان د اړوند پلوي سره یې خبرې روانې دي او د دواړو خواوو د زندانیانو د خوشې کولو پر میکانیزم خبرې کیږي. مونږ به دې خبرو جزئیات ډېر ژر د رسنیو له لارې خلکو ته وړاندې کړو.

طالبانو هم ویلي، چې کابل ته یې پلاوي سفرکړی دی.

د طالبانو پخواني غړي سید اکبرآغا ویلي؛ طالبان غواړي هغه پېنځلس جنګي قومندانان خوشي کړي، چې له دولت سره بندیان دي.

په ناروې کې د افغانستان پخوانۍ سفیره شکریه بارکزۍ په دې اړه څرګندوي؛ دا هغه کسان دي، چې په افغانستان کې یې خونړي بریدونه تنظیم کړي او په آسانۍ به آزاد نشي.

د افغانستان حکومت په دې باور دي، چې د دواړو لوریو د بندیانو خوشي کول به د باور فضا د جوړولو لامل شي او د افغانانو ترمنځ خبرو ته به زمینه برابره کړي.

د ولسمشرۍ فرهنګي سلاکار سید شاه حسین مرتضوي ویلي؛ ټاکل شوې، چې د امریکا تر ولسمشریزو ټاکنو پورې اووه میاشتې نور به هم د افغانستان د سولې بازار تود وي؛ خو له هغې وروسته د دې سولې برخلیک ناڅرګند دی.

د نوموړي په اند طالبانو د خپل حاکمیت له پېره یو لړ بریالیتوبونه تر لاسه کړي او امریکا له دوی سره د سولې راوستلو هوکړه کړې؛ خو دوی د جغرافیې د رامنځته کولو په لته کې دي.

د یادونې ده، چې امریکا او نړیواله ټولنه د حکومت او طالبانو د خپلمنځي خبرو د لومړي پړاو پیل ته په تمه ده؛ ځکه د دغو خبرو پیل به د افغانستان سولې ته د وردننه کیدو نوې دروازې خلاصې کړي.

Continue Reading

تازه خبرونه

د لا لیګا لوبې به د جون له ۱۱ بیا پیل شي

Avatar

خپور شوی

په

توسط

(Last Updated On: غبرګولى ۹, ۱۳۹۹)

د اسپانیا د فوټبال لیګ مشر خاویر ټباس منلې، چې د دې پړاو د لا لیګا پاتې لوبې به د جون پر ۱۱ بیا پیل شي.

له کرونا ویروسه د رامنځته شوې دوه میاشتنۍ دمې وروسته، نامتو اروپايي لیګونو اوس د لوبو د بیا پیلولو لپاره چمتووالی ښکاره کړی دی.

د هسپانیا د فوټبال غوره لیګ مشر، خاویر ټباس منلې، چې د جون پر ۱۱ به د دې پړاو او د سپتمبر پر ۱۲ د راتلونکي پړاو لوبې پیل شي.

ټباس زیاته کړې، چې د سویا او ریال بټیس ترمینځ لوبه به د جون پر ۱۱ د لا لیګا د لوبو په لړ کې پیل شي.

د نامتو اروپایي لیګونو د دې پړاو لوبې به د تړلیو دروازو ترشا ترسره شي.

د آلمان بونډسلیګا لوبې له څو اوونیو راپدیخوا پیل شوي او لوبډلې د تړلیو دروازو تر شا سره مخ کیږي.

د انګلیس غوره لیګ سیالۍ به د جون پر ۱۷ او د ایټالیا سري آی به د جون پر ۲۰  لوبې پیل کړي.

د دې پړاو د فرانسې فوټبال لیګ لوبې لغو شوې او د پاریس سینټ جرمن د اتل په توګه غوره شو.

Continue Reading

Trending