Connect with us

تازه خبرونه

د تاشکند غونډه دایمي سولې ته د رسیدو په موخه جوړه شوه

Ariana News

خپور شوی

 په

(Last Updated On: وری ۷, ۱۳۹۷)

د افغانستان د سولې په اړه د ازبکستان په پلازمېنه تاشکند کې د درویشت هېوادونو او سازمانونو استازي راغونډ شول او پر دې یې خبرې وکړې، چې افغانستان له روان او پیچلي بحران څخه څنګه بهر کیدای شي.

په دې غونډه کې افغان ولسمشر اشرف غني له ګډونوالو وغوښتل، چې له ترهګرۍ سره مبارزې او دایمي سولې لپاره له افغانستان سره جدي همکاري وکړي.

ولسمشر محمد اشرف غني وایي: مونږ د سولې لپاره له ټولو فرصتونو کار اخلو. ځيني ګامونه اخیستل شوي؛ خو د ګواښونو د مخنیوي او د سولې ټينګښت لپاره ستاسو ملاتړ ته اړتیا ده. مونږ باید له ترهګرۍ سره د مبارزې لپاره سیمه ییزه همکاري پیاوړې کړو او نادر فرصتونه باید له لاسه ورنکړو.

ولسمشر غني د سیمې د هېوادونو خطرونه شریک وبلل او زیاته یې کړه، چې ګډو موخو ته د رسیدو لپاره باید لاسونه سره ورکړو.

ښاغلی غني زیاتوي: ترهګریزې شبکې له یو بل سره نښتي دي او ګډې موخې لري. افغانستان له ترهګرۍ سره د مبارزې لومړۍ کرښه ده. په افغانستان کې د داعش وسلوالو شمېر دوه زره ته رسیږي، افغان ځواکونه په میړانه ور سره جنګیږي او د هغوی زر تنه یې له منځه وړي دي.

ولسمشر غني د سیمې په کچه لویو پروژو ته په اشاره کې وویل، چې که خطرونه ورک نکړو، سولې او پرمختګ ته رسیدل ناشوني دي.

هغه وایي: مونږ له یو بل څخه جلا کیدونکي نه یو. اړتیا ده، چې همکاري وکړو، روانه جګړه د افغانستان په موقعیت کې ده او بهرني جګړه ماران هڅه کوي، چې له وسلوالو طالبانو سره زمونږ د خبرو مخه ونیسي.

د ازبکستان ولسمشر د افغانستان پر ناامنیو اندېښنه وښوده او پر طالبانو یې غږ وکړ، چې سولې ته د رسیدو لپاره باید اوربند وکړي.

د ازبکستان ولسمشر شوکت میر ضیایوف وایي: د افغانستان ثبات د سمیې د ثبات په معنی دی. مونږ باید له افغانستان سره همکاري وکړو، چې سولې ته و رسیږي او اقتصاد یې وده وکړي. مونږ له ترهګرو سره هر ډول مبارزې ته تیار یو که څه هم پوځي ګوزار ته اړتیا پیدا شي.

اروپايي ټولنې هم د افغان دولت د سولې له پروګرام ملاتړ وکړ.

د اروپايي ټولنې د بهرني سیاست مسووله فدریکا موګیریني وایي: دا د افغان دولت وسلوالو مخالفینو ته طلايي چانس دی، چې د سولې له بهیر سره یو ځای شي. اروپايي ټولنه په دې برخه کې هر ډول مرستې ته تیاره ده. مونږ غواړو له تور نوملړ څخه د وسلوالو طالبان د نومونو په ایستلو کې هم همکاري وکړو.

د تاشکند په غونډه کې د نشه يي توکو پر قاچاق او له ترهګرو سره د وسلو  پر مرسته هم اندېښنه وښودل شوه.

خبریال: فواد ناصري

تازه خبرونه

په کابل، بلخ او لوګر ولایتونو کې ۱۴ وسلوالو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۱۶, ۱۳۹۹)

امنیتي سرچینو په ډاګه کړې، چې تېره شپه وسلوالو د کابل ولایت د شکر درې په اړوند سیمه کې پر یوې امنیتي پوستې برید وکړ؛ خو د ملي اردو د سرتېرو لخوا پر شا وتمبول شول.

امنیتي سرچینو ویلي، چې له امنیتي ځواکونو سره په نښته کې یو وسلوال وژل شوی او یو بل نیول شوی دی.

دغه راز دفاع وزارت په بلخ ولایت کې د ۷ وسلوالو طالبانو له مرګ و ژوبلې خبر ورکوي او څرګندوي؛ تېره ورځ وسلوالو طالبانو د بلخ او جوزجان پر لویه لار د چک شېر محمد په سیمه کې د ملي امنیتي ځواکونو پر پوستو بریدونه کړي، چې د ملي امنیتي ځواکونو له ټینګار سره مخ او پر شاه وتمبول شول او د امنیتی ځواکونو په ځوابي بریدونو کې ۳ وسلوال طالبان وژل شوي او ۴ نور ټپیان دي.

همدارنګه دفاع وزارت په ډاګه کړې، چې تېره شپه ملي، دفاعي او امنیتي ځواکونو د دې ولایت د برکي برک ولسوالۍ د پوزه نیازي په اړوند سیمه کې د طالبانو یو برید پر شاه تمبولی؛ ۳ وسلوال طالبان وژل شوي او ۲ نور ټپیان دي.

د یاد وزارت د څرګندونو له مخې؛ په دې نښته کې د دښمن په زیات شمېر وسلې او مهمات له منځه وړل شوي دي.

طالبانو تر دې دمه د دغو ځاني زیانونو په اړه څه ندي ویلي.

د لوګر ولایتي شورا مشر حسیب الله ستانکزي ویلي، چې د دې شورا غړې نفیسه هجران نن سهار دفتر ته پر لاره وه، چې له خپل دریور سره له یوه وسلوال برید ټپي وتلې او د درملنې لپاره کابل ته لیږدول شوي دي.

Continue Reading

تازه خبرونه

افغان حکومت سبا ته د افغان سولې د سیمه ییزې ناستې کوربه دی

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

ارګ د دوشنبې پر ورځ د امریکا، روسیې، چین، هند، ایران، پاکستان، ملګرو ملتونو او ۱۹ نورو هېوادونو د استازیو په ګډون د افغان سولې د سیمه ییزې ناستې کوبتوب کوي.

ارګ د دوشنبې پر ورځ د ۱۹ هېوادونو او ملګرو ملتونو د استازیو په ګډون د یوې ودیدیوي ناستې کوربتوب ته چمتووالی نیولی، چې امریکا، روسیه، چین، پاکستان، هند، ایران، قطر، سعودي عربستان او ګاونډ هېوادونه یې برخوال دي.

د بهرنیو چارو وزارت ویاند ګران هېواد د افغانانو خپلمنځي خبرې، د تاوتریخوالي کمی، د بندیانو تبادله او د بشردوستانه اوربند ټینګښت د دې ناستې اجنډا بولي.

 د بهرنیو چارو وزارت ویاند  ګران هېواد وایي، چې د دوشنبې پر ورځ به په ارګ کې د افغان سولې بهیر په اړه د سیمې هېوادونو او د افغانستان د نړیوالو ستراتیژیکو ونډوالو په ګډون یو ویدیوي کنفرانس تر سره شي.

د دوشنبې د ورځې په ناسته کې به د هغو هېوادونو استازي هم را غونډ شي، چې د ګټو ټکر لري؛ دوی د سولې خبرو په تړاو د یوې اجماع د جوړولو هڅه کوي. که څه هم دولت تل ویلي، چې د سولې په اړه په  سیمه کې اجماع شته.

په پاکستان کې پخواني دیپلومات احمد سعیدي ویلي؛ د افغانستان حکومت تل ویلي، چې د ځان په ګټه سیمه ییزه اجماع لري. د سبا ناسته یو ځل بیا د افغانستان د سولې او امنیت لپاره پر سیمه ییزې همغږۍ ټینګار کوي

ټاکل شوې، چې په کابل کې به سیمه ییزه ناسته د ولسمشر غني پر خبرو پیل شي او په پای کې به ۱۹ هېوادونه او ملګري ملتونه د افغانستان د سولې په اړه ګډه اعلامیه وړاندې کړي.

ویل کیږي، چې د سې شنبې پر ورځ کابل د افغانستان، پاکستان او چین د درې اړخیزې ناستې کوربه دی، چې په کې د سولې خبرې کیږي؛ خو په دې خبرو کې د هند نه حضور د سولې پر زیان انګېرل کیږي.

Continue Reading

تازه خبرونه

په کابل کې د ۵ پراختیایي پروژو هوکړه لیکونه لاسلیک شول

Ariana News

خپور شوی

په

توسط

(Last Updated On: چنګاښ ۱۵, ۱۳۹۹)

په کابل کې د اقتصاد، لوړو زدکړو او پوهنې وزارتونو او د هند سفارت تر منځ د ۵ پراختیایي پروژو هوکړه لیکونه لاسلیک شول.

د اقتصاد وزیر مصطفی مستور ویلي؛ د اقتصاد، لوړو زدکړو او پوهنې وزارتونو او په افغانستان کې د هند سفیر تر منځ د ۶.۲ میلیون دالرو پر ارزښت د پېنځه پرمختیايي پروژو تړون لاسلیک شو، چې له مخې به یې په بدخشان او نورستان کې درې ښوونځي او په فراه او کاپیسا کې دوه پوهنتونونه بیا ورغول شي.

د نوموړي د څرګندونو له مخې؛ په بدخشان کې دوه ښوونځي او یو بل به هم په نورستان ولایت کې د پوهنې وزارت لخوا  جوړ شي او دغه راز د کاپیسا د طبي پوهنتون سړک او د فراه تدریسي ودانۍ په پام کې نیول شوي دي.

د پوهنې وزارت اداري او مالي مرستیال عبدالسبحان رووف ویلي؛ د بدخشان او او نورستان پر دغو ښوونځیو ۹۰۰ زره دالر لګښت راځي.

د لوړو زدکړو وزارت چارسمبالی عبدالتواب بالاکرزی وایي؛ هیله ده، چې دغه پروژې د اقتصاد وزارت لخوا پلې شي.

په کابل کې د هند سفیر ویلي، دا ډول پروژې د زد کوونکیو او محصلانو د پوهې د کچې په لوړولو کې اړینې دي.

په افغانستان کې د هند سفیر ویني کمار وایي، چې هند نه یوازې په افغانستان کې فزیکي کارونه کړي، بلکې د ځوانانو د وړتیاوو په جوړولو کې یې هم همکاري کړې، چې خپله پروژې جوړې کړي.

له ۲۰۰۵  کاله تر اوسه هند د اقتصاد وزارت په همکارۍ څلور سوه پراختیایي پروژې پلې کړي او دا هېواد ژمنه کوي، چې له افغانستان سره به په بېلابېلو برخو کې اوږد مهاله مرسته وکړي.

Continue Reading

Trending