Connect with us

تازه خبرونه

د تاشکند غونډه به په افغانستان او سیمه کې له ثبات سره مرسته وکړي- عبدالله

Ariana News

خپور شوی

 په

(Last Updated On: وری ۶, ۱۳۹۷)

د ملي وحدت حکومت اجرائیه رييس عبدالله عبدالله وايي، چې د تاشکند غونډه به په افغانستان او سیمه کې له ثبات سره مرسته وکړي.

د سولې لپاره د کورنیو او سیمه ییزو هڅو په لړ کې دا ځل د ازبکستان په پلازمېنه تاشکند کې غونډه جوړیږي. ولسمشر د کابل په غونډه کې وسلوالو طالبانو ته د سولې د خبرو لپاره ځينې وړاندیزونه وکړل، چې اوس به له نړیوالو او د سیمې له هېوادونو سره په دغو وړاندیزونو خبرې کوي.

اجرائیه رييس عبدالله عبدالله ویلي؛ د تاشکند په غونډه کې به پر هغو وړاندیزونو خبرې وشي، چې افغان دولت وسلوالو طالبانو ته وړاندې کړي دي.

ولسمشر غني نن له غرمې وروسته د تاشکند په غونډه کې د ګډون لپاره د ازبکستان پلازمېنې تاشکند سفر وکړ.

د تاشکند په غونډه کې هڅه کیږي، چې د سیمې او په ځانګړي توګه د افغانستان ګاونډیان وهڅول شي، چې د افغانستان د سولې او ثبات سره همکاري وکړي.

د تاشکند غونډه د دوشنبې په ورځ پیل شوه؛ د افغان ولسمشر محمد اشرف غني او د ازبکستان د ولسمشر شوکت میر ضیایوف لخوا رهبري کیږي.

تاجکستان، ترکمنستان، قزاقستان، اروپايي ټولنه، ملګري ملتونه، امریکا، روسیه، چین، جرمني ، فرانسه، ایتالیا، بریتانیا، هند، پاکستان ترکیه ایران، عربستان، او عربي متحده امارت د افغانستان د سولې په اړه د غونډې په پای کې اعلامیه خپروي.

د ولسمشر د دفتر سرپرست ویاند شاه حسین مرتضوي وایي؛  د سیمې د شرایطو غوښتنه داده، چې د سولې، سوداګریزې همکارۍ او امنیت په برخه کې ګډه همکاري ولرو.

د ازبکستان د ولسمشرۍ ویاند کامل علم جانوف ویلي، چې ازبکستان غواړي د افغانستان د سولې او سیاسي ثبات لپاره یوازې د تاشکند په غونډه بسنه ونه کړي، بلکې غواړي دغه هڅې څو اړخیزې کړي او روانې یې وساتي.

واشنګټن هم په تمه دی، چې د تاشکند غونډه به د افغانستان د سولې لپاره ښه فرصتونه برابر کړي.

د امریکا د بهرنیو چارو وزارت ویاند هدر ناورت وایي: په خواشینۍ، چې تر اوسه طالبانو د سولي د خبرو اترو لپاره چمتوالی نه دی ښودلی، مونږ تمه لرو، چې هغوی به سولې ته راشي؛ ځکه دا یوه ډېره ښه لار ده، چې په افغانستان کې سوله رامنځته شي.

یو شمېر لویدیځو رسنیو په کابل کې د امریکا د سفیر له قوله لیکلي، چې د تاشکند په غونډه کې به یو ځل بیا له وسلوالو طالبانو غوښتنه وشي، چې د افغان دولت د سولې وړاندیزونو ته هرکلی ووايي.

خبریال: علی اصغري

تازه خبرونه

افغانستان اوس هم د نړۍ یو فاسد هېواد پاتې دی – سیګار

Ariana News

خپور شوی

په

توسط

(Last Updated On: چنګاښ ۱۲, ۱۳۹۹)

د افغانستان په بیا رغاونه کې د امریکا پر مرستو د څار ځانګړې ادارې سیګار ویلي، له افغانستان سره د میلیاردونو ډالرو له مرستې وروسته اوس هم دا هېواد بېوزلی او فاسد  پاتې دی.

د افغانستان بیا رغاونې لپاره د امریکا سرپلټوونکي جان سپکو ویلي؛ افغانستان به  تر ۲۰۲۴ کال پورې هر کال له څلور اعشاریه شپږ څخه تر اته اعشاریه دوه میلیارد ډالرو ته اړتیا ولري.

د نوموړي د څرګندونو له مخې؛ په دې هېواد کې ۱۳۷ میلیارد ډالر لګېدلي، خو دا لګښت د امریکا د بیا رغاونې په تاریخ کې تر ټولو ډېر لګښت دی.

سیګار که څه هم د سولې له هوکړې وروسته د افغانستان اقتصاد اندېښمن کړی؛ خو یو ځل بیا له افغانستان سره د امریکا میلیارد ډالري مرسته افغان حکومت ته وریادوي او وایي: افغانستان د ۱۳۷ میلیارد ډالرو پر لګولو د امریکا د بیا رغاونې په تاریخ کې تر ټولو ستره پروژه وه. زمونږ د کړنو پر بنسټ افغان حکومت  د نړیوالو سازمانونو او نړیوالې ټولنې له مرستو پرته ژوندی پاتې کیدی نشي.

مخکې له دې سیګار په افغان حکومت کې د میلیاردونو ډالرو د بې ځایه لګېدو خبره کړې وه، چې افغان حکومت رد کړې ده.

Continue Reading

تازه خبرونه

ولسي جرګې له کرونا سره د مبارزې لپاره د بودجې سند تصویب کړ

Ariana News

خپور شوی

په

توسط

(Last Updated On: چنګاښ ۱۱, ۱۳۹۹)

ولسي جرګې له کرونا ویروس سره د مبارزې لپاره د بودجې رد شوی سند له تازه تعدیلاتو وروسه د رایو په اکثریت تصویب کړ.

د ولسي جرګې د مالي چارو او بودجې کمیسیون غړی عبدالرووف انعامي وایي، چې ملي بودجه څلور سوه اته ویشت میلیارد و درې سوه اتیا میلیون افغانۍ وه؛ خو حکومت یو ویشت میلیارد افغانۍ پرې له کرونا سره د مبارزې لپاره ورزیاتې کړې دي.

د ولسي جرګې ګډو کمیسیونونو د اوپراتیفي پیسو د زیاتولو او له نورو پراختیایي پروژو څخه د پیسو د لیږد طرحه رد کړه.

د مالي چارو او بودجې کمیسیون مشر میرافغان ساپي ویلي؛ په هغو برخو کې، چې اضافي پیسې وړاندیز شوې وې مونږ هغه رد کړې. د بېلګې په توګه یو اعشاریه اووه میلیارد افغانۍ د عملیاتي واحدونو لپاره، ولایتونو ته د درې سوه پنځوس میلیون افغانانیو لیږد، څارنه هم ترې ستونزمنه وه او ټولو کمیسیونونو د جرګې تعدیل منلی او هوکړه پرې شوې ده.

په پای کې ولسي جرګې له کرونا سره د مبارزې د بودجې سند له یو لړ تعدیلاتو وروسته رایو ته وړاندې کړ.

د ولسي جرګې مشر میررحمان رحماني وایي، چې له کرونا ویروس سره د مبارزې لپاره د حکومت د تعدیلاتو دوه یمه مسوده او د کمیسیون اتفاقي تعدیلات رای اچونې ته وړاندې کیږي؛ موافق به شنه او مخالف به سره کارتونه پورته کوي. په دې توګه د ۵ مخالفو رایو په لرلو د حکومت دوه یمه مسوده د رایو په اکثریت تصویب شوه.

په همدې حال کې د ولسي جرګې غړي ټینګار کوي، چې د جرګې غړي له کرونا سره د مبارزې لپاره د بودجې د لګولو پر څرنګوالي باید جدي څارنه وکړي.

Continue Reading

تازه خبرونه

طالبان په افغانستان کې سولې ته ژمن ندي

Ariana News

خپور شوی

په

توسط

(Last Updated On: چنګاښ ۱۱, ۱۳۹۹)

ولسمشرغني په لوګر ولایت کې د وینا پر مهال ویلي؛ وسلوال طالبان سولې ته ژمن ندي او د هېواد په بېلابېلو ولایتونو کې يې بریدونه ډېر کړي دي.

افغان ولسمشر اشرف غني د چارشنبې پر ورځ لوګر ولایت ته د یوه لوړ پوړي دولتي پلاوي په مشرۍ د امنیتي حالاتو د ارزوانې په موخه سفر وکړ او په یو جوړه شوې غونډه کې یې طالبانو ته په وینا کې وویل ، چې دوی اوس هم سولې ته ژمن ندي او خپلو بریدونو ته یې زور ورکړی دی.

ولسمشر غني زیاته کړې، چې د سولې پر وړاندې ځینې خنډونه شته؛ خو مخنیوی یې نشي کولی او دوی به د سولې لپاره هر ډول قرباني ورکړي.

 نوموړی په ډاګه کړې؛ افغان دولت ژمن دی، چې په هېواد کې د وینې تویول ودرېږي او دایمي سوله راشي.

ولسمشر همدارز لوګر ولایت ته په خپل سفر کې د دې ولایت د امنیتي وضعیت د ښه والي ډاډ ورکړ او  ترڅنګ یې له خلکو سره ژمنه وکړه، چې په بېلابېلو برخو کې به ورته پام وکړي.

ولسمشرغني وايي؛ د لوګر اوسنی امنیتي وضعیت ورته د منلو ندی او ډېر ژر به د کابل ـ ګردېز لویې لارې ترڅنګ  ازرې ولسوالۍ ته غزېدلې لویه لار، چې له کلونو راپدیخوا ناامنه ده؛ له امنیت برخمنه شي.

د لوګر ولایتي شورا وکیلانو ويلي، چې د امنیت، بیارغونې، پوهنې او روغتیا په برخه کې تر ډېره دې ولایت ته پام ندی شوی.

دوی له ولسمشره وغوښتل، چې دغو برخو ته باید پاملرنه وکړي.

ولسمشر بیا د نورو ژمنو ترڅنګ دا ژمنه هم وکړه، چې د سویل ختیځ زون د کرومایټو پر کانونو به پانګونه وکړي او دا به د دې ولایتونو په اقتصادي وده کې مهم رول ولوبوي.

Continue Reading

Trending