Connect with us

تازه خبرونه

د بدخشان پر لاجورد کان د طالبانو څارنې اندېښنې راپارولي

Ariana News

خپور شوی

 په

(Last Updated On: چنګاښ ۲۵, ۱۳۹۸)

د مشرانو جرګې غړیو ویلي، چې د بدخشان د کران او منجان ولسوالۍ له سقوط سره د لاجورد کان د طالبانو د تمویل پر ښې سرچینې اوښتی دی.

له هغې وروسته، چې طالبانو د بدخشان پر کران و منجان ولسوالۍ برید وکړ او د دې ولسوالۍ اداره یې بېرته ونیوله، ورسره سم د مشرانو جرګې د غړیو نیوکې او دا اندېښنه راوپاریدله، چې طالبان به د هېواد د لاجورد کان د خپل تمویل پر سرچینې واړوي.

په مشرانو جرګه کې د بدخشان استازي وایي، که حکومت تر ځمکې لاندې سرچینې د پاملرنې وړ ونه ګڼلې؛ ناوړې پایلې به رامنځته کړي.

په مشرانو جرګه کې د بدخشان استازی کامل بیک حسیني وایي، چې د بدخشان ولایت د کران و منجان ولسوالي طالبانو نیولې او د لاجورد کان هم په همدې ولسوالۍ کې دی. طالبان د ولسوالۍ پر نیولو سربېره کولی شي د خپلې مالي سرچینې په توګه له لاجورد ګټه پورته کړي.

په مشرانو جرګه کې د دې ولایت استازې گلالۍ اکبري هم د دې ولسوالۍ نیول مني او وایي، چې د ولسوالۍ د سقوط پر مهال امنیتي ځواکونو ته مرسته ونه رسیده او طالبانو پرې خپله ولکه ټینګه کړه.

د نوموړې د څرګندونو له مخې؛ امنیتي ځواکونه باید د دې ولسوالۍ د بېرته نیولو هڅې پیل کړي او که داسې ونشي، خاش ولسوالي به هم طالبان ونیسي.

د مشرانو جرګې رییس له امنیتي بنسټونو غواړي، چې د کران و منجان ولسوالۍ د بېرته نیولو لپاره خپلې هڅې ګړندۍ او د پام وړ وګرځوي.

د مشرانو جرګې رییس فضل هادی مسلمیار د دې ولسوالۍ نیول د اندېښنې وړ بولي او وایي، چې امنیتي ځواکونه باید د ولسوالیو امنیت خوندي او د دې ولسوالۍ د بېرته نیولو لپاره ګړندۍ هڅې پیل کړي. پرته لدې به په دې ولایت کې ستونزې پراخه شي.

له دې مخکې هم اندېښنې وې، چې وسلوال مخالفان د خپلو جنګي لګښتونو ستره برخه له کانونو پوره کوي او د مشرانو جرګې غړي له همدې کبله له حکومت غواړي، چې د کانونو د امنیت ساتنې لپاره هڅې وکړي، پرته له دې به د هېواد کانونه لوټ شي.

تازه خبرونه

عبدالله عبدالله د خپلو نوماندانو نوملړ ولسمشرۍ ته وسپاره

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په کابینه کې د داکتر عبدالله عبدالله د ونډې نوماند وزیرانو نوملړ ولسمشرۍ ماڼۍ ته رسیدلی دی او عبدالله ته نږدې سرچینې وايي، چې اوس هم د ملي پخلاینې عالي شورا له مشر سره د هغه ملګري د وروستي شوي نوملړ په اړه اختلاف لري.

د ملي پخلاینې عالي شورا د مشر عبدالله عبدالله د کابینې نوماند وزیران له دوه میاشتو خبرو او مشورو وروسته ځانګړي او ولسمشرۍ ماڼۍ ته یې نوملړ استول شوی دی.

مسعود اندرابي د کورنیو چارو، فضل احمدي معنوي د عدلیې، انوارالحق احدي د کرنې، نور رحمان اخلاقي د کډوالو چارو، محب الله صمیم د قومونو او قبایلو چارو وزارتونو لپاره نوماند شوي دي.

مصطفی مستور د سولې په برخه کې د دولت وزارت، معصومه خاوري د مخابراتو، نثار احمد غوریاني د سوداګرۍ، منصور سعادت نادري د اقتصاد، بشیر احمد ته ینج د کار او ټولنیزو چارو، کنشکا ترکستاني د لوړو زدکړو، عباس بصیر د ترانسپورت او نجیب آقا فهیم د شهیدانو او معلولینو په چارو کې د دولت وزارت لپاره نومول شوي دي.

داسې معلومات هم  تر لاسه شوي، چې د عبدالله عبدالله په مشرۍ د نوماند وزیرانو له نوملړ سره د هغه متحدین مخالف دي.

عبدالله ته نږدې سرچینو ويلي، چې ملي جنبش ګوند په کابینه کې د درې وزارتونو غوښتنه کوي. په داسې حال کې، چې په نوملړ کې دوه وزارتونه ونډه ورکړ شوې ده.

دغو سرچینو څرګنده کړې، چې ملي جنبش ګوند، بشیر احمد ته ینج د کرنې ، قدرت الله ذکي د ترانسپورت او کنشکا ترکستاني د کډوالو چارو وزارت لپاره وړاندیز کړي وه.

ځينې نورې سرچینې بیا وايي، چې د نوماند وزیرانو د نوملړ په اړه هیڅ اختلاف نشته.

د سیمه ییزو ارګانونو خپلواکې ادارې ویاند احمد شاه سقیم ویلي، چې ولسمشر محمد اشرف غني د یوولس ولایتونو لپاره والیان معرفي کړي دي.

ولسمشرۍ او سپیدار ماڼیو تر اوسه د دغه نوملړ په اړه څه ندي ويلي.

Continue Reading

تازه خبرونه

د ګمرکونو ټول عایدات د حکومت خزانې ته نه سپارل کیږي

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په ګمرکونو کې د تعرفو په نوم اخیستل کیدونکې پیسې ټولې د دولت خزانې ته نه لویږي؛ ځکه، چې په ګمرکونو کې اداري فساد بیخي ډېر شوی دی.

تورخم په ننګرهار کې، اسلام کلا په هرات کې، حیرتان په بلخ کې، آقینه په فاریاب کې، سپین بولدک په کندهار کې، شېرخان بندر په کندوز کې او انګور اډه په پکتیکا کې د هېواد له عایداتي سرچینو څخه شمېرل کیږي، چې اوس په دغو ګمروکونو او بندرونو کې د مالي فساد د زیاتیدو ګڼ راپورونه ورکول کیږي.

د بلخ د سوداګرۍ او پانګوالۍ خونې مشر آرش یونسي ویلي؛ په دغو ګمرکونو کې له خلکو د تجارتي تعرفو په نوم اخیستل شویو پیسو ډېره برخه د زورواکو او ټوپکوالو جیبونو ته لویږي.

د افغانستان د شفافیت بنسټ هم په عوایداتي سرچینو کې د شفافیت د نشتوالي او بيځایه ګومارنو له کبله د فساد له ډېروالي خبر ورکوي.

 د افغانستان د رڼښت بنسټ مشر سید اکرام افضلي ويلي، چې په کمرکونو کې بیځایه او غیر شفافو ګومارنو او د اصلاحاتو لپاره جدي ګام نه اخیستو پراخ مالي تنظیم شوي فساد ته لار اواره کړې ده.

د مالیې وزارت مسولین وايي چې د عوایدو راټولول په جدي توګه څاري او هڅه کوي د مالي فساد مخه ونیسي.

د مالیې وزارت ویاند شمروز خان مسجدي ويلي، چې په ګمرکونو کې د مالي فساد مخنیوي او په چارو کې پر شفافیت یې تمرکز کړی دی.

له دې مخکې د هرات والي ویلي وه، چې د اسلام کلا ګمرک ډېره برخه عواید د زورواکو او مافیا جیبونو ته لویږي.

Continue Reading

تازه خبرونه

په پکتيا کې ۱۲ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۹, ۱۳۹۹)

په پکتیا ولایت کې له امنیتي ځواکونو سره په نښته کې د یوه سیمه ییز قومندان په ګډون ۱۲ وسلوال طالبان وژل شوي دی.

د ۲۰۳ تندر قول اردو وياند ايمل مومند آريانانيوز ته څرګنده کړې، چې نن سهار ۵ بجې وسلوالو طالبانو په شاه محمد او شګۍ نومو سيمو کې د افغان ځواکونو پر پوستو ډله ییز بریدونه پیل کړل، چې له امنیتي ځواکونو سره په نښته کې د طالبانو د يوه قومندان آباسين په ګډون لس وسلوال وژل شوي او اووه نور ټپيان دي.

مومند زیاته کړې، چې په دې نښته کې افغان ځواکونو ته کوم ځاني زیان ندي اوښتی.

طالب وياند ذبيح الله مجاهد ويلي، په اريوب ځاځي ولسوالۍ کې جګړه شو؛ خو افغان ځواکونو ته ځاني زیانونه اوښتي دي.

همدارنګه نوموړي په ډاګه کړې، چې تېره شپه ناوخته وسلوالو طالبانو د پکتیا ولایت د څمکنۍ ولسوالۍ اړوند د نوزې خولې په اړوند سیمه کې د ملي امنیتي ځواکونو پر گزمه برید کری، چې د ملي امنيتي ځواکونو لخوا د چمتو قطعی په مرسته له شاتګ سره مخ شول او په پايله کې یې (۲)  وسلوال طالبان وژل شوي او (۲) نور ټپيان دي.

له بده مرغه په دغه نښته کې د ملي امنيتي ځواکونو یو تن هم ټپي شوی دی.

مومند زياتوي، چې په وژل شويو طالبانو کې يو يې پاکستانی دی.

طالبانو د دغې مرګ و ژوبلې په اړه څه ندي ویلي.

Continue Reading

Trending