Connect with us

تازه خبرونه

د اجرائیه ریاست دوه یم مرستیال محمد محقق له دندې لیرې شو

خپور شوی

د

(Last Updated On: لړم ۳, ۱۴۰۱)

ولسمشرۍ ماڼۍ د اجرائیه ریاست د دوه یم مرستیال محمد محقق له ګوښه کیدو خبر ورکړی دی.

ولسمشرۍ په دې اړه په ډاګه کړې، چې ولسمشر غني د ملي وحدت حکومت د اجرائیه ریاست له دوه یمې مرستیالۍ څخه د محمد محقق د لیرې کیدو فرمان صادر کړ.

په دې فرمان کې راغلي، چې د اساسي قانون د ۶۴ مادې د ۱۳ فقرې د حکم له مخې د ملي وحدت حکومت اجرائیه ریاست د دوه یم مرستیال محمد محقق لیرې کیدل منظور دي.

له دندې څخه د ښاغلي محقق د لیرې کیدو په اړه اجرائیه ریاست په یوه خبرپاڼه کې غبرګون ښودلی او په ډاګه شوې، چې بې ثباتي د هیچا په ګټه نده؛ ملي وحدت حکومت د دوه مخکښو ټاکنیزو ډلو تر منځ د هوکړې پر بنسټ رامنځته شوی، چې موخې یې د مشروع او د ډاډ وړ حکومت جوړول، د ثبات خوندي کول، د سیاسي اجماع درناوی، اصلاحات، همکاري او ګډې پرېکړې دي.

د خبرپاڼې له مخې؛ د اجرائیه ریاست د دوه یم مرستیال محترم استاد محمد محقق لیرې کیدنه د ملي وحدت حکومت له جوړښت او سیاسي هوکړې سره په تضاد کې ده.

د اجرائیه ریاست د څرګندونو له مخې؛ د ملي وحکوت حکومت به د راتلونکیو ولسمشریزو ټاکنو او د نوي مشروع حکومت تر جوړیدو خپلې هڅې او دندې روانې ساتي.

ملي وحدت حکومت هغه مهال، چې د ۲۰۱۴  کال ولسمشریزې ټاکنې بحراني شوې د کورنیو او بهرنیو شاهدانو په حضور کې رامنځته شو.

را په داسې حال کې ده، چې ښاغلی محقق دمګړۍ د ولسمشریزو ټاکنو لپاره د ملي امنیت د پخواني سلاکار محمد حنیف اتمر په ټاکیزه ډله کې د دوه یم مرستیال په توګه نوملیکنه کړې ده.

ښاغلي محقق تل د حکومت له کمزوریو یادونه کړې او د ملي وحدت حکومت مشرانو ته یې د سمونونو د نه تر سره کولو په اړه ګوته نیولې ده.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!