Connect with us

تازه خبرونه

د اساسي قانون له ۹۴ مادو سرغړونه شوې-ګډه ارزونه

Ariana News

خپور شوی

 په

(Last Updated On: مرغومی ۱۸, ۱۳۹۶)

د پژواک خبري آژانس او د حقوقپوهانو ټولنې په ګډه ارزونه کې موندلې، چې د اساسي قانون له توشیح راهیسې د دغه قانون څلور نوي مادې نقض شوې دي.

د اساسي قانون د عملي کیدو او سرغړونو په اړه د پژواک خبري آژانس او حقوقپوهانو د ټولنې ګډه ارزونه د هېواد په څلور دېرش ولایتونو کې شوې او په دغه لړ کې له اته سوه اته نوي کسانو سره مرکې شوي دي.

په دغه ارزونه کې راغلي، چې د اساسي قانون د وګړیو د حقونو او امتیازاتو زیاتره مادې نقض شوي دي. د اجرائيه ریاست جوړیدل، د ټاکنو ځنډول، د ملي شورا د غړیو د کار دوام او د سرپرستانو لخوا د وزارتونو اداره کول له قانون څخه د ملي وحدت حکومت د سرغړونو ښکاره بېلګې یادې شوې دي.

د حقوقپوهانو د ټولنې ريیس اجمل هوډمن ویلي، چې د دغې ارزونې له مخې؛ د قانون له ځینو مادو څخه وسلوالو مخالفینو، امنیتي ځواکونو او حکومتي چارواکو ډېرې سرغړونې کړي دي.

د دوی په څرګندونو کې حکومت ته د ملامتۍ ګوته ډېره نیول شوې، چې د اساسي قانون په عملي کولو کې نه یوازې کمزوری دی، بلکې د قانون د عملي کولو لپاره په حکومتي چارواکو کې بشپړه اراده هم نشته.

په دې ارزونه کې پر ملي شورا هم نیوکې شوې، چې قانوني چلند یې نه دی کړی.

د پارلماني او ولسوالیو شوراګانو د ټاکنو ځنډول، د حقوقي بنسټونو نا خپلواکي او د سترې محکمې د عالي شورا د غړیو د کاري مودې غزیدل، عدلي او قضايي بنسټونو ته د خلکو لږ لاسرسی، د کاري واکونو څخه ناوړه ګټه، د حکومتي چارواکو د شتمنیو نه ثبتیدل او له مجرمینو سره ناوړه چلند، هغه ټکي دي، چې په تېرو څوارلس کلونو کې له اساسي قانون څخه د سرغړونو په توګه ثبت شوي دي.

د پژواک خبري آژانس ريیس دانش کړوخېل وایي، د خلکو له غوښتنو یوه هم د اساسي قانون پلي کیدل دي. که له قانونه همداسې سرغړونې روانې وي؛ نو پر حکومت به د خلکو باور هم لږ شي.

ملي وحدت حکومت هم له په دې اړه له نیوکې  سره مخ دی.

د اجرائيه ریاست جوړښت، د پارلمان د غړیو د کاري مودې غزول او د سرپرستۍ دوام هغه ټکي دي چې د ملي وحدت حکومت په دوران کې له قانون څخه د ښکاره سرغړونو په توګه یاد شوي دي.

د اجرائيه ریاست ویاند مجیب الرحمان رحیمي مني، چې قانون نقض شوی؛ خو وایي، چې د قانون د پلي کیدو په هڅه کې یو.

د افغانستان د ولسمشر دوه یم مرستیال سرورد دانش د سیاسي ګټو تضاد، د سیمې د هېوادونو لخوا بحران ته لمن وهل، شخصي ګټو ته لومړیتوب، زورواکي او مافیايي کړۍ د اساسي قانون څخه د سرغړونو اصلي عاملین ګڼي.

د افغانستان اساسي قانون د حامد کرزي پر مهال په دولس فصلونو او یو سل و دوه شپېته مادو کې پر دیارلس سوه دوه اتیا لمریز کال کې تصویب شوی دی.

خبریاله: لیدا نیازۍ

تازه خبرونه

په ۹ ولایتونو کې د اورښتونو او سیلابونو وړاندوینه شوې

Ariana News

خپور شوی

په

توسط

(Last Updated On: تله ۸, ۱۳۹۹)

د افغانستان د هوا پېژندنې ادارې د سې شنبې پر ورځ د کابل او پروان په ګډون په ۹ ولایتونو کې د اورښت او سیلابونو وړاندوینه کړې ده.

د افغانستان د هوا پېژندنې ادارې په ډاګه کړې، چې په راتلونکیو څلیریش ګړیو کې به په کابل، کونړ، نورستان، لغمان، کاپیسا، پنجشیر، پروان، ننګرهار او بدخشان ولایتونو کې اورښتونه او احتمالي سیلابونه رامنځته شي.

د دغې ادارې د څرګندونو له مخې؛ په دغو سیمو کې له ۱۰ څخه تر ۲۰ ملي مترو د اورښت وړاندوینه شوې ده.

دا خبرداری په ۱۳ولایتونو کې د تېرې میاشتې له سخت اورښت وروسته ورکړ شوی، چې په کې نږدې ۲۰۰ مړه او په زرګونه خلک بې کوره شول.

ترټولو زیانمن شوی ولایت پروان و، چې د ولایت په مرکز چاریکار ښار کې یې سلګونه کورونه ویجاړ کړي دي.

Continue Reading

تازه خبرونه

د آرمنیا او آذربایجان په نښتو کې لږ تر لږه ۱۰۰ کسان مړه شوي

Ariana News

خپور شوی

په

توسط

(Last Updated On: تله ۸, ۱۳۹۹)

د آرمنیا او آذربایجان ترمنځ د نګورنو قره باغ په  لانجمنه سیمه کې له تېرو درې ورځو روانه جګړه کې  د عامو خلکو په ګ‌ډون لږ تر لږه ۱۰۰ کسان وژل شوي دي.

ارمنستان او اذربایجان دواړو ویلي، چې ټوله شپه درنده جګړه روانه وه.

د ناګورنو قره باغ چارواکو په ډاګه کړې، چې له تېرې یکشنبې د دوی ۸۷ پوځیان وژل شوي او ۱۲۰ نور ټپیان دي.

د آرمني خبري سرچینې څرګنده کړې، چې په آذربایجان کې نږدې ۴۰۰ کسانو ته ځاني زیانونه اړول شوي دي.

آذربایجان که څه هم د خپلو پوځيانو ځاني زیانونه په ډاګه کړي ندي؛ خو د اووه ملکي وګړیو وژنه یې منلې ده.

که څه هم جګړه د یکشنبې پر ورځ د ناګورنو قره باغ په اړوند سیمه کې پیل شوې؛ خو داسې بریښي، چې د سې شنبې پر ورځ له پولې هغې غاړې ته نښتې روانې وې.

د آرمنیا دفاع وزارت ویلي، چې یو مسافر وړونکي بس د آرمنستان د ختیځ په واردنیس ښار کې د آذربایجان د بې پیلوته الوتکې په واسطه تر برید لاندې راغلی؛ خو د ځاني زیان په اړه یې څه ویل شوي ندي.

بي بي سي راپور ورکړی، چې نن دوشنبه د آذربایجان دوه ملکي وګړي د آرمنستان پر توغول شویو توغندیو وژل شوي دي. تېره ورځ هم په آذربایجان کې د یوې کورنۍ پېنځه کسان وژل شوي وه.

په دې جګړه کې ترکیه له آذریانو او روسیه له آرمنیانو ملاتړ کوي.

دا په داسې حال کې ده، چې  د ملګرو ملتونو امنیت شورا د دغې جګړې د درولو غوښتنه کړې او په دې اړه به د سې شنبې پر ورځ بېړنۍ ناسته تر سره کړي.

Continue Reading

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading
Advertisement

Trending