Connect with us

تازه خبرونه

د آذربایجان او افغانستان ولسمشرانو پر دوه اړخیزو همکاریو بحث او خبرې وکړې

Avatar

خپور شوی

 په

(Last Updated On: کب ۲۳, ۱۳۹۷)

ولسمشرۍ څرګنده کړې، چې محمد اشرف غني آذربایجان ته د خپل سفر پر مهال د باکو نړیوالې ناستې په څنډه کې نن غرمه د دغه هېواد له ولسمشرالهام علي اوف سره وکتل.

د ولسمشرۍ د خبرپاڼې له مخې؛ په دغه کتنه کې دواړو مشرانو د سوداګرۍ، صادراتو او وارداتو، ترانسپورت او کانونو په برخو کې د دوه اړخیزو همکاریو په  اړه بحث او خبرې وکړې.

د ولسمشرۍ د خبرپاڼې له مخې؛ ولسمشر الهام علي اوف په تېرو څو کلونو کې د آذربایجان او افغانستان ترمنځ د اړیکو پر پراختیا د خوښۍ څرګندولو ترڅنګ وویل، زمونږ اړیکې چې ورځ تر بلې د پراخیدو په حال کې دي او مونږ ترې هرکلی کوو.

نوموړي د کانونو په برخه کې ښو ظرفیتونو او له افغانستان څخه د میوو او سابو واردولو ته په نغوته کې وویل، د آذربایجان او افغانستان پلاوي به پدې اړه د ګډ کار په پایله کې د عمل پلان ترتیب او پلی کړي.

جمهد ارګ په خبرپاڼه کې راغلي، چې ولسمشر غني د غوڅ ملاتړ ماموریت په  چوکات او د لاجورد لارې په پرانسته کې د آذربایجان فعاله همکاري او ونډه وستایله او وایي، چې افغانستان به د نفت او ګازو د پېرلو لپاره له آذربایجان سره د دولت په دولت تړونونه لاسلیک کړي.

نوموي زیاته کړې، د ترانزیت او ترانسپورت په برخه کې د رامنځته شویو آسانتیاوو له کبله صادرات او واردات آسانه شوي او افغانستان د کرنې، انرژۍ، کور او سرک جوړولو په برخو کې د پانګونې ظرفیت لري.

ولسمشر غني دا هم ویلي، چې د افغانستان او آذربایجان پلاوي به له افغانستان څخه د مرمرو ډبرو، وچو او تازه میوو، سابو او کچالو د صادرولو په برخه کې یوه بسته د لېږد لپاره چمتو او عملي کړي.

محمداشرف غني دغه راز نظامي ګنجوي د آذربایجان او افغانستان ګډه فرهنګي پانګه وبلله او د اطلاعاتو فرهنګ وزارت ته یې د نوموړي په مناسبت د سمینار جوړولو لارښوونه وکړه.

هغه ویلي؛ مونږ به د تخنیکي زدکړو لپاره نور محصلین هم آذربایجان ته راولېږو.

همدارنګه د دواړو ولسمشرانو په حضور کې د افغانستان او آذربایجان هېوادونو اړوند استازیو د مخابراتو او معلوماتي ټکنالوژۍ، فرهنګ او اورګاډي پټلیو په برخو کې د همکاریو هوکړه لیکونه لاسلیک کړل.

د افغانستان او آذربایجان ترمنځ د مخابراتو او معلوماتي ټکنالوژۍ په برخه کې لاسلیک شوي هوکړه لیکونه به په دواړو هېوادونو کې د ګټورو او ډاډ وړ عامه خدماتو، مفکورو، معلوماتو، مهارتونو او تجربو شریکولو او د پانګونې د ودې او پراختیا او ګډې سوداګرۍ په برخه کې آسانتیاوې رامنځته کړي.

د فرهنګي همکاریو هوکړه لیکونه به د دواړو هېوادونو او ملتونو د نږدیوالي او همغږۍ لامل شي او د یو او بل د درک ترڅنګ به په دواړو په هېوادونو کې فرهنګي بنسټونو او شخصیتونو ته د فرهنګي فعالیت آسانتیاوې رامنځته کړي.

د افغانستان او آذربایجان ترمنځ د اورګاډي پټلۍ هوکړه لیک به د دواړو هېوادونو ترمنځ په اړوند برخه کې د دوه اړخیزو تخنیکي همکاریو پراختیا، پانګونې، د دولتي او خصوصي سکتور د مشارکت زمینه برابره کړي.

د یادونې وړ ده، چې نظامي ګنجوي مرکز، د باکو په نړیواله ناسته کې افغان ولسمشر اشرف غني ته د نړیوالې سولې او امنیت په اړه د هغه د هڅو او همکارۍ د درناوي له کبله د نظامي ګنجوي نړیواله جایزه ورکړې ده.

تازه خبرونه

طالبان اوس هم له القاعده سره اړیکې لري – ملګري ملتونه

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

ملګرو ملتونو په یوه تازه راپور کې ویلي، القاعده په افغانستان کې په پټه د طالبانو په ملاتړ پوځي عملیات کوي او طالبانو د روان زیږدیز کال په لومړیو کې د القاعده له مشرانو سره د اړیکو د پوره پراختیا په موخه ناستې تر سره کړي دي.

د ملګرو ملتونو امنیت شورا په خپل تازه راپور کې په ډاګه کړې، چې القاعده او طالبان اوس هم نږدې او ژورې اړیکې پالي او له امریکا سره د سولې هوکړې پرې اغېز ندی کړی.

د دغه بنسټ د راپور په یوه برخه کې څرګنده شوې؛ القاعده د افغانستان په ۱۲ ولایتونو کې فعاله ده او شمېر یې له۴۰۰ څخه تر ۶۰۰ پورې رسیږي.

ملګرو ملتونو همدا راز ټینګار کړی، چې د القاعده مشرانو په تېرو ۱۲ میاشتو کې له طالبانو سره له ۶ ډېرې ناستې درلودې او د ملا عمر سلاکار ګل آغا اسحاق زي د القاعده مشرانو ته ډاډ ورکړی، چې طالبان په هیڅ ډول له القاعده سره خپلې ژورې او ارزښتناکه اړیکې نه پرې کوي. که د امریکا او طالبانو د سولې هوکړه لیک اجباري کړو، طالبان به هم دوه ټوټې شي؛ یوه به هغه ډله وي، چې د القاعده پلوي کوي او بله به یې پر ضد وي.

دغه راز په ډاګه شوې، چې الظواهري د ۲۰۲۰ کال د فبرورۍ په میاشت کې د حقاني شبکې له غړیو سره لیدلي او له امریکا سره یې د سولې بهیر په تړاو خبرې کړې دي.

د افغانستان د سولې په چارو کې د امریکا د بهرنیو چارو استازي ویلي؛ د سولې  رامنځته کولو د هوکړې له مخې امریکا د طالبانو د ژمنو له اجرایي کیدو څارنه کوي او د دې هوکړه لیک له مخې، طالبان به په هیڅ صورت د ترهګرو ډلو کوربتوب ونکړي او له  القاعده ډلې سره اړیکې هم پرې کوي.

په افغانستان کې د سولې د ټینګولو امریکایي استازي زلمی خلیلزاد څرګنده کړې؛ امریکا پر طالبانو پوره څارنه لري او د سولې د لاسلیک شوي هوکړه لیک له مخې؛ طالبانو ژمنه کړې، چې له القاعده سره به خپلې اړیکې پرې کوي.

پخوانی طالب سید اکبر آغا وایي؛  ملګري ملتونه غواړي خپله ناکامي پدې خبرو پټه کړي، چې طالبان او القاعده پټې اړیکې لري.

 هغه زیاتوي: زما په اند دوی د دغو اړیکو په اړه سند نلري او نه یې ثابتولی شي.

په دې راپور کې دا هم په ډاګه شوي، چې طالبانو له القاعده سره مشورې کړي او دوی ته یې ډاډ ورکړی، چې اړیکې به یې ور سره  روانې وي.

دا په داسې حال کې ده، چې افغان حکومت هم تل د طالبانو، داعش او نورو وسلوالو ډلو ان له القاعده سره پر اړیکو څرګندونې کړي او له طالبانو یې غوښتي، چې د جګړې د پای ته رسولو لپاره خپلې اړیکې له نورو ډلو سره پرې کړي.

Continue Reading

تازه خبرونه

په افغانستان کې پر کرونا ویروس ۱۶۵۰۹ کسان اخته دي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د عامې روغتیا وزارت یو ځل بیا خلکو ته خبرداری ورکړ، چې که له کرونا ویروس سره په مبارزه کې همکار نشي؛ د افغانستان ټولې کورنۍ به پرې اخته شي.

د عامې روغتیا وزارت مرستیال وحید الله مجروح ویلي؛ په وروستیو څلیریشت ګړیو کې له ۱۳۲۲ کتل شویو بېلګو څخه ۷۵۹ یې مثبتې ثبت شوې دي.

د نوموړي د څرګندونو له مخې؛ په هېواد کې د کرونا پراختیا بهیر ډېر اندېښمنوونکی دی، چې اوس پرې د اخته شویو کسانو شمېر ۱۶ زره پېنځه سوه نهه کسانو ته رسیدلی، چې دوه ترې رغیدلي او پېنځه مړه دي.

هغه دا هم په ډاګه کړې، چې په مرکز او ولایتونو کې د کرونا تازه مثبتې پېښې دادي: کابل ۲۶۶، هرات ۲۱۲، بلخ ۳۹، ننګرهار ۳۴، پکتیا ۶۶، بغلان ۲۷، بامیان ۲۱، غزني ۱۸، تخار ۱۷، فاریاب ۱۸، خوست ۲۵، پروان ۴، کاپیسا ۷، سمنګان ۲ او بدخشان ۳ .

د عامې روغتیا وزارت ټینګار کړی، چې له کرونا سره د مبارزې کیلي د هر هېوادوال په لاس کې ده او که خلک همکاري وکړي؛ د غوره تغذیې او له ګڼه ګوڼې څخه د ډډې کولو په صورت کې به ځان او ټولنه د دې ویروس له زیانه خوندي کړو.

د عامې روغتیا وزارت دا ټینګار هم کوي، چې پر کرونا د اخته کیدو پېښې د خلکو د بې پامیو پایله ده او که په خبره یې روغتیایي سپارښتنې رعایت نشي؛ ناوړه انساني پایلې به رامنځته شي.

Continue Reading

تازه خبرونه

غني او پمپیو د افغانستان د سولې بهیر د راتلونکیو هڅو په اړه خبرې کړي

Avatar

خپور شوی

په

توسط

(Last Updated On: غبرګولى ۱۳, ۱۳۹۹)

د افغانستان ولسمشر اشرف غني او د امریکا بهرنیو چارو وزیر مایک پمپیو د سولې بهیر د راتلونکیو هڅو او کړنو په اړه ګدې خبرې کړې دي.

ولسمشرۍ په داګه کړې، چې دواړو لوریو تېره ورځ د وډیو کنفرانس له لارې د افغانستان د سولې پر بهیر خبرې اترې تر سره کړې دي.

په دې وډيو کنفرانس کې د ولسمشر دواړو مرستیالانو؛ امرالله صالح او سروردانش، د ملي پخلاینې شورا مشر عبدالله عبدالله، د افغانستان د سولې لپاره د امریکا ځانګړي استازي زلمي خلیلزاد، د پرېکنده ملاتړ ماموریت ځواکونو عمومي قومندان سکاټ میلر، د امریکا سفارت شاژدافیر راس ویلسن هم برخوال ول.

په دې کنفرانس کې د امریکا بهرنیو چارو وزیر ویلي؛ د امریکا موخه د دواړو هېوادونو ترمنځ د اوږد مهاله او ستراتیژیکو اړیکو په چوکاټ کې د متحد، خپلواک، ډیموکراټ او باثباته افغانستان رامنځته کول دي، چې له حکومت سره ورته په ګډه کار کوو.

د ارګ د څرګندونو له مخې؛ دا ویډیو کنفرانس د سولې پر بهیر، د سولې پر راتلونکيو ګامونو، د بندیانو پر خوشې کولو، د خبرو اترو پر موقعیت او د سولې اړوند پر نورو هڅو راڅرخیدلی دی.

همدارنګه دواړو لوریو د خبرو اترو پر پیل او په اړه یې د همکاریو پر اړتیا ټینګار څرګند کړی دی.

دغه راز څرګنده شوې، چې په راتلونکیو څو ورځو کې به د سولې بهیر پر جزئیاتو کار وشي او په ځانګړي ډول د افغان حکومت لخوا د نااعلان شوي اوربند پر میکانیزم ټینګار وشو، چې د سولې بهیر پوره روښانه کړي.

دا په داسې حال کې ده، چې د طالب بندیانو د خوشې کولو تخنیکي پلاوی اوس هم په کابل کې دی او د بندیانو پر تبادلې او خوشې کولو خبرې روانې دي او تر دې دمه نږدې ۳۰۰۰ طالب بندیان او لږ تر لږه ۴۰۰ حکومتي بندیان د دواړو لوریو خوشې شوي دي.

Continue Reading

Trending