Connect with us

تازه خبرونه

افغانستان هغه ادعا رد کړه، چې هند له پاکستانیو طالبانو ملاتړ کوي

Ariana News

خپور شوی

 په

(Last Updated On: غبرګولى ۱۷, ۱۳۹۹)

د افغانستان د بهرنیو چارو وزارت د پاکستان دا ادعا ردوي، چې هند د افغانستان په خاوره کې له پاکستانیو طالبانو ملاتړ کوي.

د کابل – اسلام آباد او هند دیپلوماتیکې ناندرۍ د مخالفو وسلوالو ډلو د فعالیت پرڅرنګوالي له هغې وروسته بیا تازه شوې، چې هند په سیمه کې د ترهګرو د ځالو پر شتون ټینګار څرګند کړ او پاکستان ادعا وکړه، چې هند په افغانستان کې له پاکستانيو طالبانو ملاتړ کوي او له هغو څخه د پاکستان پر ضد کار اخلي.

د پاکستان په باور، هند په افغانستان کې د حالاتو په ګډوډولو کې پوره لاس لري؛ خو د افغانستان د بهرنیو چارو وزارت ډاډ ورکوي؛ هیچاته اجازه نه ورکوي، چې د افغانستان خاوره د ګاونډ هېوادونو پر ضد وکارول شي. له دې مخکې هم هند او پاکستان یو او بل په افغانستان کې پر بې ثباتي تورن کړي وه.

د پاکستان د بهرنیو چارو وزارت ویانده عایشه فاروقي څرګندوي، چې: هند د پاکستان له تورنولو سره غواړي د افغانستان په خاوره کې د پاکستانيو طالبانو له ملاتړه پام بلې خوا ته واړوي. په حقیقت کې هند غواړي، چې د افغانستان د سولې بهیر ګډوډ شي.

کابل د غو خبرو ته کلک غبرګون وښود او بهرنیو چارو وزارت په یوه اعلامیه کې د پاکستان دا ادعا رد کړه او ډاډ ورکوي، چې د افغانستان خاوره به د هیچا پر ضد ونه وکارول شي.

د افغانستان د بهرنیو چارو وزارت په اعلامیه کې راغلي: هیڅ ډلې ته اجازه نه ورکول کیږي، چې د افغانستان خاوره د بل هېواد پر ضد کار واخیستل شي. د سیمې له هېوادونو هم غواړو، چې د افغانستان د سولې په بهیر کې همکاري وکړي او رغنده رول ولوبوي. په  افغانستان کې دایمي سوله په دې معنا ده، چې ترهګرې ډلې ونه کړای شي سیمې ته ګواښ رامنځته کړي.

د افغانستان لپاره د روسیې ځانګړی استازی د افغانستان په تړاو د هند له سیاست ملاتړ کوي او وایي، نوي ډیلي د افغان حکومت او طالبانو تر منځ د سولې خبرو په هڅو کې ښه رول لوبولی دی.

د افغانستان لپاره د روسیې ځانګړي استازي ضمیر کابلوف ویلي: له طالبانو سره په تعامل کې د نوي ډیلي سیاست په ځانګړي توګه د افغانانو خپلمنځي خبرو لپاره په وروستیو هڅو کې او د طالبانو هڅوول فعالې، قانوني او سیاسي ډلې ته؛ ګټور و.

دا په داسې حال کې ده، چې له یوې خوا د افغانستان د سولې ځانګړی استازی خلیلزاد تېره ورځ د سیمې هېوادونو ته په سفر را وتلي او له بلې خوا د ځینو راپورونو له مخې د امریکا او طالبانو تر منځ د سولې له هوکړې وروسته د نورو جنګي ډلو نښې نښانې هم لیدل شوي او حکومت وایي، پاکستان یې مستقیم ملاتړ کوي؛ خو پاکستان ویلي، د افغانستان د سولې په هڅو کې یې کلیدي رول لوبولی دی.

تازه خبرونه

په بغلان او بدخشان کې د یوه طالب قومندان په ګډون ۱۶ جنګیالي وژل شوي

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

امنیتي چارواکو ویلي، چې د بغلان – سمنګان پر لویه لار له امنیتي سرتېرو سره په نښته کې لږ تر لږه ۱۵ وسلوال طالبان وژل شوي دي.

د بغلان امنیه قومندانۍ په ډاګه کړې، چې تېره ورځ وسلوالو طالبانو د دغې لویې لارې په اوږدو کې پر امنیتي ځواکونو بریدونه کړي او دغه لویه لار یې د ترافیکو پر مخ تړلې وه.

د یادې قومندانۍ په خبرپاڼه کې راغلي، چې د ملي، دفاعي او امنیتي ځواکونو په هوایي او ځمکنیو ځوابي بریدونو کې طالب قومندان قاري جمعه ګل له خپلو جنګیالیو سره وژل شوی او د دوی بریدونه هم پر شاه تمبول شوي دي.

دغه راز د بدخشان ولایت د امنیه قومندانۍ ویاند ثنا الله روحاني ویلي، چې وسلوالو طالبانو د دې ولایت د یفتل ولسوالۍ پر پهندره سیمه بریدونه تر سره کړل؛ خو د امنیتي ځواکونو له ټینګار سره مخ او وسلوال طالبان یې شاتګ ته اړ کړل.

د روحاني د څرګندونو له مخې په دې نښته کې د طالبانو یو قاضي شمس الله نومی وژل شوی او دوه قومندانان ټپیان دي؛ خو امنیتي ځواکونو ته ځاني زیان ندی اوښتي.

وسلوالو طالبانو د دغو دواړو پېښو په اړه تر دې دمه څه ندي ویلي.

Continue Reading

تازه خبرونه

د تیک تاک په ګډون د یو شمېر ټولنیزو چینایي شبکو تړل کیدو ته مې پام دی-پمپیو

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د امریکا بهرنیو چارو وزیر مایک پمپیو تېره ورځ ویلي وه، چې هېواد یې د تیک تاک په ګډون د ټولنیزو چینایي شبکو د اپلیکیشنونو بندیدو ته پام کړی او ډېر ژر به پرې غور وشي.

مایک پمپیو فاکس نیوز ته ویلي، چې زه نه غواړم له ولسمشره یو ګام مخکې پورته کړم؛ خو دا هغه څه دي، چې مونږ به پرې غوروکړو.

دا په داسې حال کې ده، چې د امریکا قانون جوړوونکیو د خپلو تیک تاک کاروونکیو د ارزښتونو په اړه اندېښنه ښودلې او وایي؛ مونږ چینایي قوانینو  اندېښمن کړي یو، چې څنګه یې خپل اړوند شرکتونه د چین د کمونیست ګوند له استخباراتي سازمان څخه ملاتړ او همکارۍ ته اړ کړي دي.

دغه اپلیکیشن، چې په چین کې د لاسرسي وړندی؛ نو هڅه کیږي، چې له چینایي ذهنیته لیرې او د نړیوالو لیدونکیو پر راجلبولو یې پر خپلواکۍ ټینګار وکړي.

د پمپیو دغه څرګندونې په داسې حال کې راپورته شوي، چې د امریکا او چین تر منځ د کورونا ویروس پر خپریدو، په هانګ کانګ کې د چین پرهڅو او پر نږدې دوه کلنو سوداګریزو لانجو ناندرې مخ پر ډېریدو دي.

تیک تاک یو چینایي پروګرام دی، چې د یو لنډ پروګرام پر بنه د چیني تتیدانس ملکیت شمېرل شوی او په دې وروستیو کې د هند او چین ترمنځ له سرحدي لانجې وروسته په هند کې  له ۵۸ نورو چینایي برنامو سره پرې بندیز لګول شوی دی.

رویترز د دوشنبې پر ورځ راپور ورکړ، چې تیک تاک به د څو ورځو په اوږدو کې د هانګ کانګ له بازاره ووځي. دا پرېکړه له هغې وروسته رامنځته شوه، چې چین د هانګ کانګ نیمه خپلواکه ښار ته د ملي امنیت نوی قانون تصویب کړ. سرچینه: رویترز

Continue Reading

تازه خبرونه

په ننګرهار کې موټربم برید د یوه قومندان په ګډون ۸ کسانو ته مرګ و ژوبله اړولې

Ariana News

خپور شوی

په

توسط

(Last Updated On: چنګاښ ۱۷, ۱۳۹۹)

د ننګر هار ولایت د ښیوې ولسوالۍ د سیمه ییزو پولیسو قومندان میرزمان په یو موتر بم برید کې ووژل شو.

د ننګرهار والي ویاند عطاالله خوږیاڼي ویلي؛ نن سهار د دې ولایت د ښیوې ولسوالۍ د سیمه ییزو پولیسو قومندان میرزمان له خپلو دوه ساتونکیو سره په یو ځانمرګي موتر بم برید کې ووژل شو.

د نوموړي د څرګندونو له مخې، په دې برید کې ۸ نور کسان هم ټپیان شوي او روغتون ته ولیږدول شول.

د دغه برید مسوولیت تر دې مه چا پر غاړه ندی اخیستی.

Continue Reading

Trending