Connect with us

تازه خبرونه

هرات ښاریانو د “الله اکبر” پر نارو پورته کولو له امنیتي ځواکونو ملاتړ څرګند کړ

خپور شوی

 په

(Last Updated On: زمری ۱۲, ۱۴۰۰)

د هرات زرګونه اوسیدونکیو تېره شپه (دوشنبه د زمري ۱۱) د هېواد له امنیتي او دفاعي ځواکونو څخه د خپل ملاتړ څرګندولو لپاره “الله اکبر” نارې پورته کړې.

په هرات کې له تېرو څو اوونیو راپدیخوا د امنیتي ځواکونو او طالبانو ترمنځ نښتو زور اخیستی او خلک اړ شوي، چې د امنیتي ځواکونو پر ملاتړ خپلې اندېښنې په ډاګه او د روانې جګړې د درېدو غوښتنه وکړي.

پرون د ملي شورا په ګډه غونډه کې ولسمشر اشرف غني له استازیو وغوښتل، چې د طالبانو پر وړاندې خلک راپورته او د ولسي خوزښتونو رهبرۍ ته اوږه ورکړي.

غنی دا هم ویلي، چې له کابل څخه د نویو ځواکونو پر ورتګ د طالبانو پرمختګ درېدلی او د دې ډلې پر ضد چاڼیز عملیات روان ساتل شوي دي.

د اشرف غني له څرګندونو وروسته د هرات اوسیدونکیو د خپلو کورونو له بامونو او سړکونو څخه د امنیتي ځواکونو په ملاتړ د “الله اکبر” نارې ووهلې.

د هرات د خلکو دغه شعار ته په نغوته کې ولسمشر اشرف غني څرګنده کړې:  د هرات د خلکو الله اکبر  ښیي، چې خلک د الله اکبر د مشروع  ویلو حق لري او طالب، چې څه کول غواړي؛ هغه جرم دی.

دغه راز پخواني جهادي مشر اسماعیل خان، چې په هرات کې د ولسي پاڅون مشري کوي؛ د دغه ولایت پر خلکو په ځانګړي توګه له ښځو غوښتي، چې د طالبانو پروړاندې ودریږي.

اسماعیل خان پدې اړه ویلي؛ دا د هرې میرمنې او د هرات د خلکو دنده ده، چې د ناپوهۍ له دې لښکر څخه ځانونه وژغوري. طالبان د پخوا په پرتله ډېر ناپوه او مغرور دي او که دوی له دې ناپوهۍ سره هرات ته راننوتلي وای؛ خلک به یې ډېر ځورولي او پښېمانه کړې وای، چې ولې یې پر وړاندې ونه درېدل.

د هرات والي عبدالصبور قانع ویلي، چې د هرات لویدیځه برخه هم د طالبانو له شتون پاکه شوې او امنیتي ځواکونه د ښار په سویلي برخه کې خپل عملیات روان ساتلي.

یو شمېر سرچینې آریانا نیوز ته تائیدوي، چې د هرات ښار په جنوب کې د طالبانو او امنیتي ځواکونو ترمنځ سختې نښتې روانې دي.

د افغانستان دفاع وزارت ويلي، چې په هرات ښار کې د افغان ځواکونو او ولسي پاڅونوالو په ګډو عملیاتو کې ۴۱ طالبان وژل شوي او ۳۲ نور ټپیان دي او د هرات لویې سیمې د طالبانو له شتون پاکې شوې دي.

طالبانو تر اوسه پدې اړه رسنیو ته څه ندي ویلي.

همدارنګه د ټولنیزو رسنیو یو شمېر هڅاندو یو کمپاین پیل کړی او له خلکو یې غوښتي، چې نن شپه دې په کابل کې د الله اکبر په ویلو د هېواد له امنیتي او دفاعي ځواکونو خپل ملاتړ څرګند کړي.

د دفاع وزارت ویاند فواد امان هم په دې اړه ټویت کړی او له خلکو یې غوښتي، چې د الله اکبر پر ویلو خپل امنیتي ځواکونه ونازوي.

ټاکل شوې، چې د کابل اوسیدونکي نن شپه ۹ بجې د “الله اکبر” پر ویلو له امنیتي ځواکونو خپل ملاتړ څرګند کړي.

تازه خبرونه

په افغانستان کې ۱۴ میلیون خلک د خواړو خوندیتوب نلري

خپور شوی

په

توسط

(Last Updated On: تله ۴, ۱۴۰۰)

د ملګرو ملتونو د خواړو نړیوالې ټولنې (ډبلیو اچ او) په افغانستان کې د لوږې او بېوزلۍ پر دېرېدونکي وضعیت اندېښنه په ډاګه کړې او څرګندوي، چې دا مهال په دې هېواد کې ۱۴ میلیون خلک د خواړو خوندیتوب نلري.

د خواړو نړیوالې ټولنې ويلي، چې افغانان له پوره بېوزلۍ او لوږې سره مخ دي او درې وخته ډوډۍ نلري.

د دې سازمان په تازه راپور کې راغلي، چې یوازې پېنځه په سلو کې افغانان د اړتیا وړ خواړه لري او پاتې نور له بېوزلۍ سره مخ دي.

د خواړو نړیواله ټولنه څرګندوي؛ ډېرو لوستو او تحصیل لرونکیو افغانانو په وروستیو میاشتو کې دندې له لاسه ورکړي او د خواړو بیې هم لوړې شوي، چې له کبله یې خلک له سختې لوږې سره مخ شوي دي.

د ملګرو ملتونو د وګړيو صندق اجرائيه مدیر د فرانسې له خبرې آژانس سره په خبرو کې ویلي، چې له یوې خوا ژمی په را رسیدو دی او له بلې خوا د طالبانو له حاکمیت سره د مرستې رسونې چارې زیانمنې شوي، چې له کبله یې افغانستان له بېوسۍ سره مخ کیدونکی دی.

نوموړي زیاته کړې؛ مبالغه به نه وي، چې وویل شي له درې څخه یوه برخه افغانان خواړه نلري.

د خواړو نړیوالې ټولنې ویلي، چې د روان میلادي کال تر پایه په افغانستان کې له لوږې سره د مبارزې لپاره ۲ سوه میلیون او د راتلونکي کال د درې میاشتو لپاره درې سوه میلیون ډالرو ته اړتیا ده.

د ملګرو ملتونو د څرګندونو له مخې؛ د مرستندویه ټولنو او بنسټونو د کار مخه نه نیسي او د مرستو په لیږد کې ورسره مرسته هم کوي.

له دې مخکې ملګرو ملتونو خبرداری ورکړی و، چې اتلس میلیون افغانان بېړنیو بشري مرستو ته اړتیا لري.

Continue Reading

تازه خبرونه

بهرني هوایي شرکتونه کولی شي نړیوالې الوتنې بیا پیل کړي – اسلامي امارت

خپور شوی

په

توسط

(Last Updated On: تله ۴, ۱۴۰۰)

د افغانستان اسلامي امارت د یکشنبې پر ورځ د تلې ۴ / د سپټمبر ۲۶ څرګنده کړې، چې د کابل په هوایي ډګر کې ټولې تخنیکي ستونزې حل شوي او بهرني هوایي شرکتونه کولی شي سوداګریزې الوتنې بیا پیل کړي.

د بهرنیو چارو وزارت په خپره شوې خبرپاڼه کې راغلي؛ د کابل هوايي ډګر اوس د هر راز پروازونو لپاره بشپړ چمتو شوی دى.

د بهرنیو چارو وزارت ویاند عبدالقهار بلخي زیاته کړې؛ اسلامي امارت له هغو هېوادونو، چې پخوا يې کابل ته الوتنې لرلې د پخوا په څېر خپلې الوتنې پیل کړي، چې د بند پاتې او نورو مسافرو  ستونزې حل شي.

د بهرنیو چارو وزارت په دې اړه ټولو شرکتونو ته د پوره همکارۍ ډاډ ورکوي.

دا په داسې حال کې ده، چې د اسلامي امارت له راتګ او د بهرنیو ځواکونو له وتلو وروسته کابل ته ټولې نړیوالې سوداګریزې الوتنې درېدلې وې.

Continue Reading

تازه خبرونه

نړۍ دې د افغان نجونو د زدکړې بهیر خوندي کړي – ملالې یوسفزۍ

خپور شوی

په

توسط

(Last Updated On: تله ۴, ۱۴۰۰)

د سولې نوبل جایزې ګټونکې ملاله یوسفزۍ، چې په ۲۰۱۲ کال پاکستان کې له ښوونځي څخه د وتلو پر مهال تر وسلوال برید لاندې راغلې؛ د جمعې پر ورځ (د سپټمبر ۲۴) یې له نړۍ غوښتي، چې د افغانستان د اسلامي امارت د حاکمیت پر مهال د افغان میرمنو له حقونو ملاتړ څرګند او جوړجاړی ونکړي.

نوموړې په داسې حال کې دا غوښتنه کړې، چې د نړۍ هېوادونه او ټولنې له اسلامي امارت سره همکاریو ته لومړني ګامونه اخلي.

څلیریشت کلنې یوسفزۍ ویلي؛ اندېښمنه ده، چې نوی حکومت به افغان میرمنې د کار او زدکړې له فرصتونو بې برخې کړي. لکه څرنګه یې، چې ۲۰ کاله مخکې له پامه غورزولې وې او هغه مهال یې له محرم پرته میرمنو ته ان د تګ راتګ اجازه هم نه ورکوله.

یوسفزۍ د ملګرو ملتونو د عمومي غونډې په څنډه کې د افغان نجونو د زدکړې په اړه ویلي؛ مونږ نشو کولی د ښځو د حقونو او د هغو د انساني کرامت د ملاتړ په اړه جوړجاړی وکړو.

هغې زیاته کړې؛ اوس د دې وخت دی، چې د زدکړو د حق له ژمنې ملاتړ وشي او د افغان میرمنو حقوق تضمین کړو.

د نړۍ یو شمیر مشرانو لا دمخه ژمنه کړې، چې د ملګرو ملتونو په کلنۍ عمومي غونډه کې به د افغان میرمنو او نجونو د حقونو لپاره هڅې وکړي؛ خو معلومه نده، چې دوی به دا کار څرنګه تر سره کوي؟!

دا په داسې حال کې ده، چې اسلامي امارت له لومړي ټولګي څخه تر شپږم هغه پورې نجونو ته د زدکړې اجازه ورکړې او ژمنه شوې، چې په راتلونکې کې به د نورو زدکړو او کار زمینه هم ورته برابره شي.

Continue Reading

Trending

آریانا نیوز: ټول حقونه خوندي دي