Connect with us

تازه خبرونه

غني ایران کې د افغانانو د سپرلۍ د سوځېدو پېښې پر څېړنه ټینګار وکړ

Ariana News

خپور شوی

 په

(Last Updated On: June 9, 2020)

ولسمشر غني د ایران په یزد ولایت کې د افغان پناه غوښتوونکو د سپرلۍ ګاډي د سوځېدو پېښې د هراړخیزې څېړنې غوښتنه کړې.

ولسمشر غني نن د کابینې ناسته کې ویلي، د دواړو هېوادونو دیپلوماتیک لوري باید دا قضیه وڅیړي.

د کابینې ناسته د ولسمشر غني په خبرو پیل شوه، اشرف غني ویلي، د پېښې څرنګوالی باید کابل او تهران کې د دیپلوماتیکو چینلونو له لارې تعقیب شي.

د بهرنیو چارو وزارت چارسمبالي په تهران کې افغان سفیر او د وزارت سیاسي برخې ته امر کړی چې له هر ډول قانوني اسنادو کار واخلي  څو د پېښې عاملان عدالت ته را وکاږل شي.

د بهرنیو چارو وزارت وایي، د وزارت چارسمبالي تهران کې افغان سفیر او د وزارت سیاسي برخې ته امر کړی چې دا پېښه په جدي ډول وڅیړي؛ او له قانوني اسنادو کار واخلي، چې د پېښې پر عاملانو عدالت تطبیق شي.

ایراني چارواکو منلې چې ځواکونو یې په افغان وګړو ډزې کړي او دا پېښه څېړل کیږي. خو تر اوسه د پېښې د عاملانو د نیولو او پیژندلو خبره  څرک نه لګیږي.

نعیم نظري، د بشري حقونو خپلواک کمېسیون غړی، د افغانستان له ډیپلوماتیکو څانګو څخه غواړي څو دغه موضوع په جدیت سره وڅېړي.

په افغانستان کې د موټر سوځېدو پېښه او د یوه ټپي افغان لاسونو ته د زولنې عکس توند غبرګونونه پارولي دي.

په هلمند او ننګرهار ولایتونو کې خلکو لاریونونه وکړل او او له دولت څخه یې د عدالت غوښتنه کړې ده.

په غویي میاشت کې هم ادعا وشوه چې ایراني پوله ساتو ځواکونو نږدې پنځوس افغانان د هریروډ سیند ته ور غورځولي، چې ۱۲ تنه په کې مړه شوي.

افغان دولت ویلي، په دې پېښه کې یې د ایراني پوله ساتو د لاس لرولو اسناد تهران ته سپارلي، خو ایران بیا هم خپل پوله ساتي بې ګناه بولي.

تازه خبرونه

ولسمشر غني له سیاسي او جهادي مشرانو سره د سولې پر روان بهیر خبرې وکړې

Ariana News

خپور شوی

په

توسط

(Last Updated On: June 21, 2021)

ولسمشرۍ ماڼې نن دوشنبه د غبرګولي پر ۳۱ ویلي، چې ولسمشر غني نن سهار د هېواد له سیاسي او جهادي مشرانو سره د سولې پر روان بهیر او د جمهوریت پر لومړیتوبونو بحث او خبرې کړې دي.

د ولسمشرۍ د رسنیزو څرګندونو له مخې: د دغې ناستې ګډونوالو ټینګار کړی، چې د سولې بهیر د افغانستان د اسلامي جمهوریت لومړیتوب دی او پاتې نور ټول راتلونکي ګامونه به په دې بهیر کې پر همغږۍ او یووالي پورته کیږي.

په دې ناسته کې د ملي پخلاینې عالي شورا مشر عبدالله عبدالله ، پخواني ولسمشر حامد کرزي، جهادي مشر عبدالرب رسول سیاف،  د ولسمشر دوه یم مرستیال محمد سرور دانش،  د ولسمشر پخوانی مرستیال یونس قانوني، د مشرانو جرګې مشر فضل الله هادي مسلمیار، د ولسي جرګې مشر میر رحمان رحماني، د اسلامي وحدت ګوند مشر محمد کریم خلیلي، د افغانستان د اسلامي جمعیت د رهبرۍ شورا غړي محمد اسمعیل خان او یو شمېر نورو حکومتي  او دولتي چارواکو ونډه لرله.

د ارګ په خبرپاڼه کې راغلي؛ غونډې  ټینګار کړی، چې د سولې او ثبات د ټینګښت، د جمهوري نظام د پیاوړتیا او د هېواد د امنیتي ځواکونو د ملاتړ لپاره ملي یووالی او قوي سیاسي اجماع ته اړتیا ده او د ثبات د ټینګښت لپاره باید د خلکو ملاتړ وکارول شي.

په دې لیدنه کې امریکا ته د ولسمشر غني او د ملي پخلاینې عالي شورا د مشر په ګډون د یو پلاوي د سفر په اړه هم بحث وشو او دغه سفر مهم او اړین وګڼل شو.

دا په داسې حال کې ده، چې د یکشنبې پر ورځ سپینې ماڼۍ په ډاګه کړه، چې ولسمشر غني او د پخلاینې عالی شورا مشر عبدالله عبدالله ټاکل شوې، چې د روانې میلادي میاشتې پر ۲۵ نېټه امریکا ته سفر وکړي او له ولسمشر جو بایډن سره د امریکا- افغانستان د همکاریو او وتلو په اړه بحث او خبرې وکړي.

Continue Reading

تازه خبرونه

په پکتیا کې د سړک غاړې ماین چادنې ۹ ملکي وګړیو ته مرګ و ژوبله اړولې

Ariana News

خپور شوی

په

توسط

(Last Updated On: June 21, 2021)

په پکتیا ولایت کې د دوشنبې پر سهار د سړک غاړې له بمي چاودنې لږ تر لږه څلور کسان وژل شوي او پېنځه نور ټپیان دي.

د پکتیا پولیسو ویاند حیات الله احمدزي ویلي؛ پېښه د احمد آباد ولسوالۍ د مچلغو په تاله سیمه کې هغه مهال رامنخته شوه، چې یو موټر د ځای پر ځای شوي ماین ه چاودنې سره مخ شو.

نوموړي زیاته کړې؛ تر دې دمه معلومه نده، چې په مړیو کې ښځې او ماشومان هم شته او که نه.

احمدزي ویلي، چې په سیمه کې ډېري ماینونه د طالب وسلوالو لخوا ایښودل کیږي، چې ملکي وګړیو ته یې زیان اړولی دی.

طالبانو تر دې دمه پدې اړه څه ندي ویلي.

د اړوند سیمې خلکو ویلي، چې په قربانیانو کې ښځې او ماشومان هم شته، چې د یکشنبې پر شپه په سیمه کې د وژل شوي سرتېري جنازې ته روان ول.

Continue Reading

تازه خبرونه

ولسمشر غني او عبدالله عبدالله امریکا ته سفر کوي

Ariana News

خپور شوی

په

توسط

(Last Updated On: June 21, 2021)

ولسمشرۍ ماڼۍ ویلي، چې اشرف غني او عبدالله عبدالله به د یوه لوړ پوړي دولتي پلاوي پر ملتیا په راروانو څلور ورځو کې امریکا ته سفر وکړي.

ولسمشرۍ زیاته کړې، چې ولسمشر اشرف غني نن له یوشمېر سیاسي او جهادي مشرانو سره د دغه سفر په اړه سلا مشورې کړې دي.

امریکا هم ویلي، ولسمشر جو بایډن به د چنګاښ پر ۴ او د جون پر ۲۵ په واشنګټن کې د افغانستان له ولسمشر اشرف غني او د پخلاینې عالي شورا له مشر عبدالله عبدالله سره وویني.

د سپینې ماڼۍ د څرګندونو له مخې؛ په داسې حال کې، چې د بهرنیو ځواکونو وتل روان دي، خو د ولسمشر غني او عبدالله عبدالله را سفر به د امریکا او افغانستان اړیکې نورې هم وځلوي.

یادې ماڼۍ زیاته کړې، چې دوی به له افغانستان سره ډیپلوماټیکو، اقتصادي او بشري مرستو ته دوام ورکړي.

په اعلامیه کې راغلي: امریکا به د افغانستان له حکومت څخه خپل ملاتړ روان ساتياو نه غواړي، چې دا هېواد یو ځل بیا د ترهګرو لپاره خوندي ځای او د امریکا خاورې ته ترې خطر پیښ شي.

دا په داسې حال کې ده، چې طالبانو پدې وروستیو کې خپل بریدونه ګړندي کړي او د راپورونو له مخې تر دې دمه یې له ۳۰ دېرې ولسوالۍ له حکومتي ځواکونو نیولي دي.

Continue Reading

Trending

آریانا نیوز: ټول حقونه خوندي دي