Connect with us

تازه خبرونه

کندهار زراعتي لابراتوار ګټې اخيستني ته وسپارل شو

Ariana News

خپور شوی

 په

(Last Updated On: June 8, 2020)

په کندهار کي د باغونو او زراغتی محصولاتو د تشخيص او درملني لابراتوار جوړ او ګټي اخيستني ته وسپارل شو.

د دې ولايت د کرني مسؤلين وايي دا چي په کندهار کي ٩٥ سلنه خلک په کرهڼه بوخت دي نو اړتیا وه چي د ناروغيو د تشخيص او درملني څانګه هم ولري.

ددې ولايت د کرني رياست د ترويج مدير وايي چي دغه لابراتوار  د کرني د يوه متخصص ډاکټر له خوا په خپل شخصي مالي لګښت جوړ شوى دى چي د کرني په برخه کي کار کوي.

هغه وايي کندهار يو کرنيز ولايت دى او ډيرى اوسيدونکي يې په کرنه بوخت دي چي د دې لابراتوار په واسطه به وکولى شي د کرنيزو محصولاتو کيفيت لوړ او پراخ کړي.

د دې لابراتوار د پرانيستني پر محال ولايتي ادارې هم ژمنه وکړه چي د کرني په برخه کي هر څوک اساسي کار پيل کړي دوى به يې ملاتړ کوي او زمينه به ورته برابروي .

آغا لالى دستګيري، په ټولنيزو چاروکي د کندهار د والي مرستيال، هم د دغه کار هرکلې کړې او وایي چې دا به د کرنیزو تولیداتو په برخه کې ډېر موثریت رامنځته کړي.

د دې لابراتوار مسؤلين وايي چي د دې لابراتوار ټول اړين تخنيکي وسايل يې له امريکا، کاناډا، چين او هند هيوادونو څخه راوړي دي چي تر دې وروسته به په دې لابراتوار کي د ځمکو د لابراتوار کولو تر څنګ د هغو مرضونو تشخيص او درملنه هم کوي چي باغ لرونکي ورسره مخ وو.

په ورته وخت کي باغ لرونکي وايي چي له تيرو څو لسيزو را پديخوا په دې ولايت کي په باغدارۍ بوخت دي خو د زياتو افتونو او مرضونو له امله هر کال د ګټي پر ځاى زيان کوي ، چي دا لابراتوار به د دوى د کرنيزو محصولاتو په برخه کي مثبت بدلون را ولي .

د دې ولايت د کرني مسؤلين وايي که د کرني په برخه کي دغه ډول اساسي پانګونه وشي نو د دې ولايت محصولات به په نړيوالو بازارونو کي په نړيوال معيار وړاندي کړي چي دا به له يوې خوا د کرونده ګرو پر اقتصاد مثبته اغيزه وکړي، له بلي خوا به هغه تشه ډکه شي چي دولت يې په خپلو امکاناتو د پوره کولو توان نلري.

تازه خبرونه

په دوحه کې د سولې خبرو پر ګړندي کیدو عبدالله خپل ټینګار څرګند کړ

Ariana News

خپور شوی

په

توسط

(Last Updated On: January 17, 2021)

د ملي پخلاینې عالي شورا مشر ډاکټرعبدالله عبدالله په دوحه کې د سولې خبرو د ګړندي کولو پر اړتیا ټینګار وکړ.

عبدالله عبدالله ویلي، چې د افغانستان د خپلمنځي خبرو جمهوریت پلوی پلاوي  هوډمن او واک لرونکی دی، له اجنډا سره سم پر ېلابېلو مسایلو له طالبانو سره خبرې وکړي.

عبدالله زیاته کړې: یو له هغه مقرراتو څخه، چې زمونږ د خبرو اترو ډله پرې ټینګار کوي؛ هغه د خبرو د ګړندي کولو لپاره د هرڅه ترسره کول دي.

د ملي پخلاینې عالي شورا مشر اوربند له طالبانو سره د جمهوريت پلوي پلاوي د خبرو لومړۍ بحث بولي.

د نوموړي د څرګندونو له مخې، د افغانستان بهرني متحدین هم د دې نظر پلویان دي.

هغه ټینګار کوي: تر کومه ځایه، چې مونږ پورې اړه لري؛ هر اړخیزې سولې ته رسېدل، د تېرو۲۰ کلونو لاسته راوړنې زمونږ د خلکو د سرښندنو پایله ده او همدا اصل زمونږ د خبرو اترو د ډلې لارښوونه کوي.

عبدالله عبدالله په دې اند دی، چې سیمه ییزه او نړیواله اجماع د سولې لپاره د افغانستان یوه اړتیا ده؛ ځکه ، نو د سیمه ییزې او نړیوالې همکارۍ راجلبولو لپاره هڅې روانې دي.

که څه هم د دوحې د خبرو له پیل څخه دوه اوونۍ تېریږي، خو جمهوريت غوښتونکیو او طالب استازیو تر دې دمه د خبرو لپاره پر ګډه اجنډا هوکړه نده کړې.

Continue Reading

تازه خبرونه

سیکهـ هېوادوالو د هېوادنۍ سولې غوښتنه وکړه

Ariana News

خپور شوی

په

توسط

(Last Updated On: January 18, 2021)

په افغانستان کې د هندوانو او سیکهانو له زرګونه کورنیو یوازې دوه سوه پنځوس کسان پاتې دي او نور له هېواده وتلې دي.

افغان سیکهان او هندوان څرګندوي، چې په وروستیو پېنځه کلونو کې دوی هم نورو هېوادوالو ته ورته له مرګونو بریدونو سره مخ شوي او ځاني او مالي زیانونه یې ولیدل؛ نو، ځکه د دوی ډېرې کورنۍ له هېواده بهر کډوالې شوې.

د هندوانو او سیکهانو د شورا مشر ويلي، چې په کابل کې د سکهانو پر درمسال له برید وروسته پېنځه سوه هندوان او سیکهان هند ته کډه شول.

په افغانستان کې د هندو او سیکهـ مذهبه لږکيو شمېر په افغانستان کې دوه سوه زرو ته رسیده؛ خو اوس یوازې دوه سوه پنځوس کسان پاتې دي، چې یو سل و شل یې په کابل او پاتې نور په ولایتونو کې ژوند کوي.

هندوان او سیکهان وايي، چې ډېر شمېر کورنۍ په وروستیو پېنځه کلونو کې د افغانستان پریښودو ته اړې شوې.

د افغانستان د سیکهانو او هندوانو د ګذر وکیل سوندر سینګهـ ویلي: باید یوه تلپاتې سوله رامنځته شي. ۴۰ کله جګړه مو لیدلې: نتور جنګ بس دی. وضعیت نور هم خراب شوی. که دا حالت روان وي، پاتې سرداران به هم له هېواده کډه کولو ته اړ شي.

هندوان او سیکان وايي، چې له یوې خوا یې ژوند په خطر کې دی او له بلې خوا یې ځمکې او ملکیتونه غصب شوي او په ټولنه کې ځورول کیږي.

دوی اوس د کابل په یوه درمسال کې را غونډ شوي او ټول یو ځای ژوند کوي.

څه موده مخکې د کابل د شور بازار پر درمسال وسلوال برید وشو، چې لسګونه کسانو ته یې مرګ و ژوبله واړوله. له دې برید وروسته پېنځه سوه کسان هندوستان ته ولاړل.

د افغانستان سیکهان او هندوان وايي، چې له خپل هېواد سره یې مینه نه شلیدونکې ده او که د ژوند شرایط برابر شول، ټول به بېرته راستنیږي.

Continue Reading

تازه خبرونه

په کابل کې له نرینه وو پیسې اخیستونکې نجونې ونیول شوې

Ariana News

خپور شوی

په

توسط

(Last Updated On: January 17, 2021)

په کابل کې پولیسو له نرینه وو څخه د پیسو د اخیستو پر تور دوه نجونې نیولې دي.

د ولسمشر لومړي مرستیال امرالله صالح ویلي، چې دغه دوه نجونې د سهارنیو شپږ نیمو د ناستو پر سپارښتنه نیول شوې دي.

امرالله صالح زیاته کړې، چې دغو دوه نجونو له خپلو ښکلیو جامو سره د نامه له خاوندانو او پېژندل شویو څېرو د پیسو غوښتنه کوله.

د ولسمشر لومړي مرستیال څرګنده کړې؛ دې دوه نجونې هرې یوې حسنا او شیما نرینه وو ته ګواښونه کول، چې که پیسې رانکړئ؛ نو مونږ به له تاسو څخه ستاسې کورنیو او بشري حقونو ته شکایتونه وکړو، چې پر مونږ مو تېری کړی دی.

امرالله صالح دا هم په ډاګه کړې، چې یو شمېر نرینه د خپل پت او حیا د خوندي کولو لپاره پیسو ورکولو ته اړ شوي او د نورې لانجې مخنیوی یې پرې کړی دی.

هغه ویلي: له کلونو راپدیخوا په هېواد کې دا ستونزه حل شوې نده.

امرالله صالح له بشپړ ټینګار سره څرګنده کړې؛ زمونږ له لویو ستونزو څخه یوه هم دا ده، چې په قضا او همدارنګه د پولیسو په لیکو کې مو د ښځو شمېر لږ دی.

د نوموړي د څرګندونو له مخې: د توازن دې نشتوالي د جرمي او قانوني مسلو په پلټنه او څېړنه کې نیمه ټولنه له پامه غورزولې او د حکومت لاسرسی یې محدود کړی؛ ځکه په ډېرو برخو کې یې بشپړ مخنیوی هم ناشونی کړی دی.

Continue Reading

Trending

آریانا نیوز. کلیه حقوق محفوظ است