Connect with us

تازه خبرونه

فساد له طالبانو سره د سولې په خبرو کې د افغان حکومت دریځ کمزوری کړی- سیګار

خپور شوی

د

(Last Updated On: چنګاښ ۶, ۱۳۹۹)

د افغانستان په بیا رغونه د امریکا د څار ادارې مشر جان سپکو ویلي؛ اداري فساد د طالبانو لپاره هغه موضوع ده، چې د خبرو پر وخت پرې د ځان په ګټه ډېرې چنې ووهي او حکومت په کمزوري وضعیت کې واچوي.

په داسې حال کې، چې په راتلونکیو اوونیو کې د افغانانو د خپلمنځي خبرو د پیلیدو راپورونه ورکول کیږي؛ خو د افغانستان پر بیا رغونه د امریکا د څار ادارې ویلي، چې په حکومت کې سیستماتیک اداري فساد به له طالبانو سره په خبرو کې د حکومت دریځ ډېر کمزوری کړي.

د دغې ادارې مشر په نامستقیمه توګه افغان سیاستوالو ته ویلي، چې په راتلونکي کې د بهرنیو مرستو لپاره ډېر په تمه نه وي.

د افغانستان پر بیا رغونه د امریکا د څار ادارې مشر جان سپکو څرګنده کړې؛ افغان رهبران باید پوه شي، چې د بهرنیو مرستو پر ځای خپل پانګوال د هېواد لپاره ګټور تمامیدای شي؛ ځکه له نولس کلنې جګړې وروسته نړیوال په ځانګړي توګه امریکا افغانستان ته له مرستو ستړې شوې.

جان سپکو ویلي، چې په افغانستان کې ادارې فساد د یوه لوی خطر په توګه مطرح دی او دوام به یې پر دولت د خلکو باور په بشپړه توګه له منځه یوسي.

نوموړي څرګنده کړې: دا یو لوی خطر دی، چې افغان دولت ور سره مخ شوی. دا کار د دې لامل کیږي ، چې د هغو افغانانو ملاتړ له لاسه ورکړي، چې د یوې مړۍ ډوډۍ د پیدا کولو په لټه کې دي.

د افغانستان لپاره د ملګرو ملتونو ځانګړې استازې دیبرا لاینز ویلي، چې په افغانستان کې له داري فساد سره د حکومت مبارزه پڅه ده او له کبله یې افغانان او نړیوال ناهیلي شوي دي.

هغې زیاته کړې؛ په افغانستان کې له اداري فساد سره د مبارزې په برخه کې ځينې پرمختګونه شوي، خو پوره ندي. اوس هم د افغانستان په ادارې فساد کې ښکېلې سیاسي څېرې خوندي او له مصونیت برخمنې دي.

افغان حکومت له اداري فساد سره د جدې مبارزې خبرې کوي؛ خو د هرې ورځې له تېریدو سره د فساد راپورونه ډېریږي، چې له کبله یې نه یوازې افغانان ناهیلي شوي، بلکې نړیوالو مرستندویانو هم له افغانستان سره پر خپلو مرستو له سره غور پیل کړی دی.

تازه خبرونه

په سیمه او هېواد کې امنیتي پېښې وارداتي دي – امیر خان متقي

Published

on

(Last Updated On: غویی ۶, ۱۴۰۳)

نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان‌-قزاق نندارتون د پرانیستې په مراسمو کې  د افغانستان او سیمې امنیتي پېښې وارداتي یادې کړې دي.

نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.

بل هېواد د هغې لارې پر سر پروت دی، چې امن خرابوونکي افراد ترې راتېریږي.

او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.

ویل کیږي، چې بد امني پر ګډه همکارۍ او همغږۍ له منځه وړل کیږي.

Continue Reading

تازه خبرونه

له اسلامي امارت سره  نړیوالې اړیکې ورځ تر بلې پراخیږي – ذبیح الله مجاهد

Published

on

(Last Updated On: غویی ۶, ۱۴۰۳)

د اسلامي امارت ویاند ذبیح الله مجاهد افغانستان ته د ګڼ‌شمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.

ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.

د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.

د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.

Continue Reading

تازه خبرونه

افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې

Published

on

(Last Updated On: غویی ۶, ۱۴۰۳)

د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.

د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.

د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.

ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.

دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.

په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.

د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونه‌باسي او په دې اړه د دواړو لوریو ترمنځ ښه همغږي رامنځته شي.

ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.

Continue Reading

Trending

Copyright © 2022 Ariana News. All rights reserved!