د افغانستان د عامې روغتیا وزارت حرګنده کړې، چې د اسلامي امارت د رهبر له لوري د هېواد په ۳۱۸ ولسوالیو کې د عامه روغتونونو د جوړولو لپاره له ۶ میلیارډ افغانیو څخه زیاته بودجه منظوره شوې ده.

د دې وزارت د نننۍ (پنجشنبه دلیندۍ دوه‌ویشتمه) خبرپاڼې له مخې؛ په نږدې راتلونکي کې به په لوګر، غزني او فراه ولایتونو کې د پېنځه روغتونونو د جوړولو چارې پیل شي.

د عامې روغتیا وزارت د خبرپاڼې له مخې؛ دا نوښت نه یوازې د عامې روغتیا بېخبنا ته د ودې ورکولو لپاره کلکه ژمنتیا ښیي، بلې د خپلو وګدو هوساینې ته دودې لپاره د حکومت ژمنتیا هم پر ګوته کوي.

د امریکا د بهرنیو چارو وزیر انټوني بلینکن د چارشنبې پر ورځ د ولسي جرګې استازو ته د وینا پر مهال په ۲۰۲۱ ز. کال کې له افغانستان څخه د امریکا له وتلو دفاع وکړه او وایي، چې دې کار د امریکا تر ټولو اوږده جګړه پای ته ورسله، چې د نورو جګړو لپاره یې د سرچینوله برابرولو وژغورلو.

د رویټرز د راپور له مخې؛ بلینکن د ولسي جرګې د بهرنیو چارو د کمیټې یوې استماعیه غونډې ته ویلي: "د روسیې په ګډون زمونږ مخالفان خوشحالېدل که مونږ په افغانستان کې د نورو شل کلونو لپاره پاتې وای.

بلنکن د امریکا د استازو مجلس د بهرنیو چارو له کمیټې سره له اوږدې ناندرو وروسته دې غونډې ته حاضر شو او له افغانستان څخه د وتلو په اړه یې خپلې څرګندونې وړاندې کړې.

د جمهوري غوښتونکیو استازي مایکل مک‌کال د ۲۰۲۱ کال د اګست په میاشت کې د کابل له هوايي ډګره د وتلو پر مهال د ۱۳ امریکایانو د وژل کیدو او د هغو زرګونو افغانانو د نه ایستلو له کبله، چې له امریکایي ځواکونو سره یې کار کاوه، د جو بایډن پر اداره نیوکه وکړه.

مک‌کال زیاته کړې؛ تاسې د سقوط په اړه د خپل پرسونل خبرداری له پامه وغورځاوه.

بلینکن څرګنده کړې؛ هر هغه امریکايي ته، چې له افغانستان څخه یې وتل غوښتل د وتلو فرصت ورکړ شوی او زرګونه افغانان د نړۍ په بېلابېلو برخو کې میشت شوي دي. سره له دې، چې واشنګټن په افغانستان کې د پاتې کسانو مرستې ته ژمن دی.

د امریکا د ولسي جرګې د بهرنیو چارو په کمیټه کې جمهوري غوښتونکیو د سپتمبر په میاشت کې وړاندیز وکړ، چې د بلینکن کانګرس ته د سپکاوي په خاطر تر پوښتنو لاندې ونیول شي.

له شل کلنې جګړې وروسته له افغانستان څخه د امریکا بې غوره وتل د امریکا د ټاکنیزو کمپاینونو پر مهال پوره سیاسي شوي وه.

د افغانستان اسلامي امارت د مهاجرینو او راستنېدونکیو چارو وزارت د چارسمبالی خلیل الرحمن حقاني پر " شهادت " خپله خواخوږي څرګنده کړې او څرګندوي، چې نوموړی د خدای په لار کې نه ستړی کیدونکی مجاهد و.

د افغانستان اسلامي امارت د ویاند ذبیح الله مجامد د هېواد د کډوالو چارو وزارت د چارسمبالي خلیل الرحمن حقاني "شهادت" تائید کړی او څرګندويۍ: "نوموړی نن له غرمې وروسته د خوارجو په یو ناځوانمردانه برید کې شهید شوی دی."

د اسلامي امارت د ویاند د خواخوږۍ په پیغام کې راغلي: د "شهید حقاني" "شهادت" د اسلامي امارت، مجاهدینو، کورنۍ او ټولو افغانانو لپاره یو ستره ضایعه ده.

د یادې خبرپاڼې له مخې؛ خلیل الرحمن حقاني د الله تعالی د لارې یو ستړی مجاهد و، چې ټول عمر یې د الله تعالی له دین څخه د دفاع په لاره کې جهاد کړی و.

د دې پیغام له مخې:(( د خوترجو دا عمل نشي کولی د مسلمانانو ارادې کمزورې کړي، بلکې داسې بزدلانه عمل د اسلام او دین د دښمنانو مخ توروي او د هغوی د شومو ارادو څرګندونه کوي.))

ویل کیږي، چې دا برید نن له غرمې وروست په کډوالو چارو وزارت کې دننه رامنځته شوی؛ خو تر اوسه د نورې مرګ او ژوبلې په اړه څه ندي ویل شوي