د ابوظبي ۱۰ اوریزو سیالیو لیګ اتم ځواکمن پړاو د پنجشنبې پر ورځ د لیندۍ پر لومړۍ / د نومبر پر یوویشتمه د ابوظبي او عجمان بولټز لوبډلو تر منځ پیل کیږي.

آریانا راډیو او ټلویزیون شبکې (ATN) په ټول افغانستان کې د کرکټ مینه والو ته دا زړه راکښونکې سیالۍ پر ژوندۍ بڼه خپروي.

سږنۍ سیالۍ پراخه بڼه لري؛ چې ۱۰ لوبدلې په یوه پړاو کې سیالي کوي او ۵ غوره لوبډلې به په فاینل کې سره مخ کیږي.

په دې ټورنمنټ یا سیالیو کې ۱۰ لوبډلې برخه لري او د ابوظبي ښار په زاید کرکټ لوبغالي کې به په ۱۲ ورځو کې ټولې ۴۰ لوبې ترسره شي.

دفاعي اتل نیویارک سټرایکرز به د نومبر پر دوه‌ویشتمه د موریسویل سامپ ارمی پر وړاندې خپله دفاع پیل کړي.

په سږنۍ سیالۍ کې د ۱۸ بېلابېلو هېوادونو لوبغاړي برخه لري، چې د ابوظبي ۱۰ اوریز لیګ ارزښت به پر نړیواله بڼه نندارې ته وړاندې کړي.

د افغانستان د راشد خان په ګډون افغان کرکټ ستوري به د لوبډلو له ستورو سره یوځای شي او د کرکټ یو نه هېرېدونکی پړاو به نندارې ته وړاندې شي.

د ابوظبي ۱۰ اوریز لیګ لومړنی ۱۰ اوریز کرکټ ټورنمنټ دی، چې د کرکټ نړیوالې شورا لخوا منل شوی دی.

تمه ده، چې په دې نوي پړاو کې به ۱۷۹ غوره ستوري شتون ولري او دا به د تاریخ ترټولو پر ستر پړاو بدل کړي.

په نړۍ کې د غوره لوبغاړو پر وړاندې کولو دې لیګ د خلکو په زړونو کې چټک ځای وموند او نن په ټوله نړۍ کې له ۴۰۰ میلیون ډېر مینه‌وال لري.

له آریانا ټلویزیون او آریانا نیوز سره اوسئ، چې له دې ټولو زړه‌اکښونکیو سیالیو په اړه له خبرونو او پروګرامونو خبر شئ.

د برازیل فوټسال ملي لوبډلې د ۲۰۲۴ کال د فوټسال نړیوال جام په وروستي پړاو کې ارجنټاین ته پر ماتې ورکولو سره خپله اتلولي وګټله.

فوټسال نړیوال جام د وږي پر څلیریشتمه پیل شو او د بېلابېلو هېوادونو لوبډلو په ۶ ګروپونو کې سیالۍ وکړې؛ برازیل او ارجنټاین د دغو سیالیو وروستي پړاو ته لار پیدا کړه.

دا لوبه پرون (یکشنبه د تلې پېنځلسمه) د کابل پر وخت د ماښام پر ۷:۳۰ د ازبکستان د تاشکند ښار په هومو آرینا لوبغالي کې ترسره شوه، چې په کې برازیل ۲ - ۱ پر توپیر لوبه وګټله او د اتلولۍ جام یې خپل کړ.

د برازیل لوبغاړي فراو او رافا سانتوس ګولونه ووهل او د دې لوبې په بهیر کې د ارجنټاین د ملي لوبډلې یوازینی ګول ماټیو روسا تر سره کړ.

د برازیل لوبډلې ورساتونکی ویلیان د دې سیالۍ غوره ساتونکی وپېژندل شو.

برازیل تر دې دمه د اړوند نړیوال جام شپږ اتلولۍ ګټلي دي.

اوکرایین په دې سیالیو کې فرانسې ته ۷ - ۱پر توپیر ماتې ورکړه او په دې سیالیو کې یې دریم ځای خپل کړ.

افغانستان هم د لومړي ځل لپاره په دې جام کې ګډون کړی و او په ګروپي پړاو کې یې انګولا ته یې ۶- ۴ پر توپیر ماتې ورکړه. دوی د غوره ځلېدنې تر څنګ د ارجنټاین پر وړاندې ۲ - ۱ ماتې وخوړه او د اوکراین پر وړاندې ۴- ۱ یې وکولی شول، چې د دې جام غوره شپاړس لوبډلو ته لار پیدا کړي. دغه راز پاراګوای په اضافي وخت کې ۳- ۱ ماتې ورکړه او له پاتې سیالیو ووت؛ خو د دې سیالیو د تر ټولو د ځوانې لوبډلې لقب یې خپل کړ.

د ۲۰۲۴ کال د فوټسال نړیوال جام غوره لوبغاړی د برازیل دیګو وپېژندل شو. هغه په ​​دې سیالیو کې ښه وځلېده او له همدې کبله یې د غوره لوبغاړي جایزه وګټله.

د یادونې ده، چې د فوټسال نړيوال جام ټولې سيالۍ په ټول هېواد کې په مستقيم او قانوني بڼه له آريانا ټلويزيون څخه خپرې شوې.

د کرکت په نړیوال جام کې د پاکستان له ماتې وروسته د دې لوبډلې پخواني لوبډلمشربابر اعظم د چارشنبې پر ورځ ( د لړم ۲۴) ویلي، چې د کرکت د درې واړو بڼو له لوبډلمشرۍ استعفا وکړه.

بابر اعظم ویلي، چې د کرکت له ملي لوبډلې سره به لوبې ته دوام ورکړي.

په لاهور کې د پاکستان کرکت بورد له مشر ذکا اشرف سره له لیدو وروسته بابر اعظم په ایکس پاڼه کې ولیکل،چې: نن زه د پاکستان د ټولو بنو او فارمیتونو له لوبډلمشرۍ استعفا ورکوم.

هغه زیاته کړې: دا پرېکړه ستونزمنه ده؛ خو زه احساس کوم، چې دا د دې پرېکړې لپاره مناسب وخت دی. زه به په درې واړو فارمیتونو کې د یوه لوبغاړي په توګه د پاکستان استازیتوب روان وساتم.

دا په داسې حال کې ده، چې د روان کال د کرکت په نړیوال جام کې پاکستان له افغانستان د یوې درندې ماتې په ګډون له نهه لوبو څخه پېنځه وبایللې، چې د بابر اعظم لوبډلمشري یې تر پوښتنې لاندې راوسته.