رویټرز خبري خبري سرچینې راپور ورکړی، چې د "سوریې د ژغورنې حکومت" جوړښت مشر محمد البشیر په رسمي بڼه د دغه هېواد د لنډمهالي حکومت د مشر په توګه ټاکل شوی دی.

البشیر په یوه ټلویزیوني وینا کې ویلي، چې هغه ته د انتقال په دوره کې د حکومت د چارو د سمبالولو دنده سپارل شوې ده.

له ټاکل کېدو وروسته هغه ویلي، چې په سوریه کې د واک انتقالي دوره به غالباً د ۲۰۲۵ کال د مارچ پر لومړۍ پای ته ورسیږي.

په دمشق کې د ۱۲ ورځني چټک برید مخکې هغه د سوریې د اپوزیسیون پر مشرۍ د ژغورنې حکومت اداره کاوه.

د تایوان دفاع وزارت د سې‌شنبې پر ورځ ویلي؛ چین په سیمه‌ییزو اوبو کې خپله ترټولو لویه سمندري بیړۍ ځای پرځای کوي، چې د پخوانیو جنګي لوبو په پرتله دا هڅه تایوان ته ستر ګواښ دی.

د تایوان دفاع وزارت وياند سان لي په تایپه کې د وینا پر مهال ویلي، د جاپان له جنوبي ټاپوګانو څخه د جنوبي چين تر سمندره پورې دا د تېرو پر پرتله د تايوان په شاوخوا کې د جنګي لوبو تر ټولو لويه لوبه ده.

رویټرز راپور ورکړی، چې د چین پوځ تر اوسه پدې اړه څه ندي ویلي او نه یې د پوځي روزنې کومه هڅه تائید کړې، چې دوی کومې پوځي روزنیزې هڅې کوي.

چین ډیموکراتیک  تایوان د خپلې خاورې برخه بولي او شونې ده، چې دا هڅه یې  آرام سمندر ته د ولسمشر لای چینګ د سفر په غبرګون کې کړې وي.

د تایوان پوځ د دوشنبې پر ورځ له هغې وروسته، چې چین سمندري او ساحلي ځواکونه نندارې ته وړاندې کړل؛ د ګواښ غږ پورته کړ.

د کریملین یوې سرچینې د یکشنبې پر ورځ د روسیې خبري سرچینو ته ویلي، چې روسیې د سوریې پخوانی ولسمشر بشار الاسد او کورنۍ  ته یې د بشري مرسې له مخې پناه ورکړې ده.

د روسیې د بهرنیو چارو وزارت مخکې ویلي وه، چې بشارالاسد له سوریې څخه وتلی او د واک د سوله ییز لېږد امر یې له هغې وروسته ورکړ، د تحریرالشام جنګیالي د یکشنبې پر ورځ دمشق ته ورننوتل او د هغه د کورنۍ شاوخوا شپږ لسیزې واکمني یې پای ته ورسوله.

د انټرفکس خصوصي خبري سرچینې او ​​دولتي رسنیو د کرملین د یوې بې نومه سرچینې د څرګندونو له مخې ویلي، چې د سوریې ولسمشر اسد او د هغه د کورنۍ غړي مسکو ته رسېدلي دي.

انټرفکس د کرملین د همدې سرچینې د څرګندونو له مخې ویلي، روسیه د سوریې د کړکېچ د سیاسي حل پلوي ده؛ ځکه، چې مسکو د اوږدې کورنۍ جګړې پر مهال د بشارالاسد ملاتړ کاوه.

سرچينې زياته کړې، چې د ملګرو ملتونو تر څارنې لاندې بايد خبرې اترې بيا پيل شي.

په نړیوالو ټولنو کې د روسیې سفیر میخایل اولیانوف د ټیلیګرام پر پاڼه لیکلي؛ بېړنی خبر! بشارالاسد او د هغه کورنۍ په مسکو کې پنا اخیستې. روسیه په سختو شرایطو کې له ملګرو سره خیانت نکوي.

یادې سرچینې خبري آژانسونو ته ویلي؛ د سوریې د اپوزیسیون مشرانو هوکړه کړې، چې په سوریه کې د روسیې د پوځي اډو او ډیپلوماټیکو بنسټونو د خوندیتوب ضمانت وکړي.

ځینو روسي جنګي اوبلاګرانو ویلي، چې د اډو شاوخوا وضعیت خورا کړکیچن دی او سرچینې دا ندي ویلي، چې د امنیت تضمین به تر څومره وخته وي.

مسکو، چې د بشارالاسد کلک ملاتړی دی؛ په ۲۰۱۵ کال کې یې د شوروي له ړنګېدو وروسته د منځني ختیځ په تر ټولو لوی برید کې یې د مرستې لپاره مداخله وکړ او هڅه کوي، چې خپل دریځ پّ سیمه کې خوندي کړي.

د سوریې په لاذقیه ولایت کې د روسیې د حمیمیم هوايي اډه او په ساحل کې د تارتوس د سمندري تاسیساتو خوندي کول به مسکو ډاډمن کړي.

د تارتوس تاسیسات په مدیترانه کې د روسیې د بیارغونې یوازنی مرکز دی او مسکو له سوریې څخه د افریقا په دننه او بهر کې د خپلو پوځي قراردادیانو د الوتنې لپاره د یوه تمځي په توګه کار اخلي.

د لویدیځ پوځي شنونکي وايي، د تارتوس له لاسه ورکول به په منځني ختیځ، مدیترانې او افریقا کې د روسیې د قدرت د پروژې وړتیا ته یو جدي ګوزار وي.

پوځي شتون په شک کې دی

د روسیې جنګي بېړۍ له تارتوس څخه وتلې وې او د امنیتي دلایلو له مخې یې ساحل ته څېرمه ځای نیولی و، د حمیمیم هوايي اډه په اغېزمنه توګه وروسته له هغې پرې شوې وه، چې وسلوالو د یوه نږدې ښارګوټي تر ولکې لاندې راوست، کرد ځواکونو د فرات په اوږدو کې د روسیې د تاسیساتو د بندولو پیل وکړ او په دې سیمه کې یې د روسیې د پوستو مخه ونیوله.

ریبار اوبلاګ ویلي، په حمص کې د تیلو تاسیسات بند شوي دي.

رویټرز نشي کولی په خپلواکه توګه د ریبار ادعا تائید کړي.

له دې مخکې د یکشنبې پر ورځ د روسیې بهرنیو چارو وزارت په یوه بیان کې ویلي وه، چې دغه دوه پوځي تاسیسات د چمتووالي په حال کې وه؛ خو هر ډول خطر یې کم اهمیته کړی و.

دې وزارت په داسې حال کې، چې د بشارالاسد له واک او سوریې څخه د وتلو اعلان وکړ، وویل: "اوس مهال د دوی امنیت ته کوم جدي ګواښ نشته."

د بشارالاسد، حکومت او وسلوالو ترمنځ د خبرو اترو په پایله کې هغه پرېکړه وکړه، چې له ولسمشرۍ څخه استعفا وکړي او هېواد پریږدي او د واک د سوله‌ییز لیږد لارښوونه یې وکړه. هغه زیاته کړې، روسیې په دغو خبرو اترو کې برخه نده اخیستې.

د امریکا بهرنیو چارو وزارت ویلي، مسکو د سوریې پر پېښو اندېښمن دی.

د دې وزارت په خبرپانه کې راغلي؛ مونږ پر ټولو ښکېلو اړخونو غږ کوو، چې د تاوتریخوالي له کارولو ډډه وکړي او د حکومت ټولې ستونزې له سیاسي لارو حل کړي.

په دې برخه کې د روسیې فډراسیون د سوریې د اپوزیسیون له ټولو ډلو سره په اړیکه کې دی.