تازه خبرونه
افغانستان سږ کال د تېر کال پر پرتله ۱۰ سلنه ډېر غنم تولید کړل
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د احصائې او معلوماتو ملي ادارې ویلي؛ دې ادارې له ریموټ سنسینګ ټکنالوژۍ څخه پر ګټنه او د سپوږمکیزو انځورونو د شننې پر بنسټ د ټول هېواد پر کچه په ۱۴۰۳ لمریز لېږدیز کال کې د غنمو تر کښت لاندې سیمې تثبیت کړې، چې له مخې یې شاوخوا ۴ اعشاریه ۸۳ میلیون مټریک ټنه غنم تولید او د تېرکال پر پرتله ۱۰ سلنه زیاتوالی ښيي.
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د دغو معلوماتو له مخې؛ په روان کال کې د تېر کال پر پرتله په ۲ اعشاریه ۸ سلنه تر کښت لاندې اوبیزو او ۲ اعشاریه ۸ سلنه تر کښت لاندې للمي ځمکو کې زیاتوالی راغلی، چې ستر لامل یې د کوکنارو پرځای د غنمو کښت او پر وخت د موسمي بارانونو زیاتوالی دی.
دې ادارې ویلي، چې تر ټولو زیات پر اوبیزو ځمکو د غنمو کښت په هلمند، کندهار، فراه او کندوز او ترټولو زیات للمي غنم په تخار، هرات، بادغیس او فاریاب ولایتونو کې کرل شوي دي.
د دې ادارې د څرګندونو له مخې؛ د نفوسو اټکل ته پر پاملرنه په ټول هېواد کې شاوخوا ۶ اعشاریه ۸۲ میلیون مټریک ټنو غنمو ته اړتیا ده، چې په ۱۴۰۳ ل. ل کال کې د غنمو تولید شاوخوا ۲ میلیون مټریک ټنه کموالی ښيي.
د یادولو ده، چې د احصائې او معلوماتو ملي اداره د جغرافیايي معلوماتو په سیسټم کې سپوږمکیز انځورونه د کښت له وخت تر محصول پورې تحلیل او تجزیه او ارقام یې وړاندې کوي.
تازه خبرونه
د کار او ټولنیزو چارو وزارت سږ کال له ۳۴ زره ډېر د کار جوازونه وېشلي
نوموړي ویلي؛ د لومړۍ ربعې پر پرتله د کار او ټولنیزو چارو وزارت د کار جوازونو په وېش کې ۶۵ سلنه زیاتوالی راغلی دی.
د کار او ټولنیزو چارو وزارت ویاند ویلي، چې د ۱۴۰۳ لمریز لېږدیز کال په دوهیمه ربع کې ۳۴ زره ۶۰۴ قطعې د کار جوازونه ووېشلي او له دې لارې عواید یې را ټول کړي دي.
نوموړي ویلي؛ د لومړۍ ربعې پر پرتله د کار او ټولنیزو چارو وزارت د کار جوازونو په وېش کې ۶۵ سلنه زیاتوالی راغلی دی.
د کارو ټولنیزو چارو وزارت د څرګندونو له مخې؛ ۲۴ زره ۷۶۷ نرینه او ۸۷۱ ښځینهوو ته په امارتي ادارو، ۶ زره ۲۱۶ نرینه او ۱۶ سوه ۲۸ ښځینهوو په خصوصي سکټور او همدارنګه ۱۱ سوه ۲۲ بهرني وګړي په بېلابېلو برخو کې پر رسمي دندو ګمارل شوي دي.
ویل کیږي، چې د کار او ټولنیزو چارو وزارت د روان کال په لومړۍ ربع کې هم ۲۲ زره ۴۲۷ قطعې د کار جوازونه وېشلي وه.
تازه خبرونه
د بریکس ناسته د اسلامي امارت له شتون پرته ترسره کیږي
ټاکل شوې، چې دا غونډه نن (سې شنبه د لړم لومړۍ) د روسیې، چين، هند، برازيل، مصر او ايران د ولسمشرانو او د نورو هېوادونو د استازیو په ګډون د روسیې په کازان ښار کې جوړه شي.
د افغانستان اسلامي امارت له غوښتنې سره - سره داسې ښکاري، چې د بریکس شپاړلسمه ناسته به د دوی د حکومت د استازو له شتون پرته ترسره شي.
ټاکل شوې، چې دا غونډه نن (سې شنبه د لړم لومړۍ) د روسیې، چين، هند، برازيل، مصر او ايران د ولسمشرانو او د نورو هېوادونو د استازیو په ګډون د روسیې په کازان ښار کې جوړه شي.
اسلامي امارت تر اوسه په دې اړه څه ندي ویلي؛ خو د افغانستان د حکومت د ویاند مرستیال حمدالله فطرت په دې غونډه کې د ګډون غوښتنه کړې وه.
نوموړي د روان زېودیز کال د می پر څلیریشتمه ويلي، چې دوی د بريکس له غړیو هېوادونو سره ښې اقتصادي اړيکې او سوداګريزې راکړې ورکړې لري؛ نو غواړي په دې غونډه کې ګډون وکړي.
د افغانستان په چارو کې د روسیې ځانګړي استازي ضمیر کابلوف د اوکټوبر په لومړیو کې د مسکو له غونډې وروسته خبریالانو ته ویلي، چې د بریکس غونډې ته د ( افغانستان اسلامي امارت ) بلنه یوازې له دوی سره تړاو نلري، بلکې د دې ټولنې د ټولو غړیو خوښه په کې اړینه ده.
که څه هم د افغانستان اسلامي امارت تر اوسه د نړۍ کوم هېواد پر رسمیت ندی پېژندلی؛ خو د چین او روسیې په ګډون د بریکس سازمان له بنسټ ایښودونکیو هېوادونو سره ښې اړیکې لري.
بریکس یو اقتصادي ټولنه ده، چې په ۲۰۰۹ ز، کال کې د روسیې پر نوښت جوړه شوه؛ برازیل، روسیه، هند او چین یې لومړني غړي وه.
دا ټولنه، چې نوم یې د غړیو هېوادونو د نومونو له لومړیو تورو جوړ شوی دی؛ د جنوبي افریقا له یوځای کېدو سره BRIC ، BRICS شو.
ايران، متحده عربي امارات، مصر او يوتوپيا د دې ټولنې نوي غړي دي.
په پام کې ده، چې د بريکس هېوادونو په سرمشريزه غونډه کې د اقتصادي همکاريو پر پياوړتيا سربېره د سيمې پر عمومي وضعيت هم خبرې وشي.
د بریکس پېنځلسمه سرمشریزه د تېر کال د اوکټوبر له دوهویشتمې څخه تر څلیریشتمې په جنوبي افریقا کې جوړه شوه او ټاکل شوې د راتلونکي کال سرمشریزه په برازیل کې ترسره شي.
تازه خبرونه
په غزني کې د زردالو د اوبو بند تخنیکي سروې پیل شوه
د روان کال په لومړیو کې د انرژۍ او اوبو وزارت چارسمبالي عبداللطیف منصور د غزني ولایت د قره باغ ولسوالۍ له مشرانو او ولایتي چارواکو سره د دې پروژې د جوړولو په اړه خبرې اترې کړې وې.
د افغانستان د اوبو او انرژۍ وزارت تائید کړه، چې په غزني ولایت کې د یوه نوي بند لپاره تخنیکي سروې او ارزونه ترسره شوې ده.
د روان کال په لومړیو کې د انرژۍ او اوبو وزارت چارسمبالي عبداللطیف منصور د غزني ولایت د قره باغ ولسوالۍ له مشرانو او ولایتي چارواکو سره د دې پروژې د جوړولو په اړه خبرې اترې کړې وې.
عبداللطیف منصور له هغې وروسته، چې په غزني کې د بند د اړتیا نقشه ډاګیزه شوه؛ نو د پروژې د پلي کېدا ژمنه وشوه.
دې وزارت د سې شنبې پر ورځ ویلي، چې د وزارت د انجنيرۍ خدمتونو او د اوبو د تاسیساتو د عمومي ریاست د سروې او ډیزاین څانګې تخنیکي ډلې د غزني ولایت د قره باغ ولسوالۍ سروې او ارزونه ترسره کړې ده.
د دې وزارت د څرګندونو له مخې؛ د دې بند له بشپړېدو سره به ۶۰ میلیون مټر مکعبه اوبه زېرمه او زرګونه جریبه کرنیزه ځمکه خړوبه شي.
-
تازه خبرونه5 days ago
د خوړو نړیوال پروګرام له څه باندې ۲۵۰ زره افغانانو سره مرسته کړې
-
تازه خبرونه2 days ago
په افغانستان کې د صرافۍ او پولي خدمتونو قانون تصویب شو
-
تازه خبرونه2 days ago
د چین پر مرسته د بامیان ولایت لپاره د ۲۰ میګاواټه برښنا چمتو کولو چارې پیل شوې
-
تازه خبرونه2 days ago
د جرمني لومړی وزیر د مجرمو افغانانو پر شړلو ټینګار څرګند کړ
-
سیمه ییز خبرونه2 days ago
د حماس د مشر وژنه به د مقاومت محور ونهدروي ـ د ایران مذهبې رهبر
-
لوبی18 hours ago
عثمان توشیف د افغانستان فوټبال ملي لوبډلې د مشر روزونکي په توګه وټاکل شو
-
سیمه ییز خبرونه1 day ago
په امریکا کې د ترکیې د ولسمشر سیاسي مخالف فتحالله ګولن مړ شو
-
سوداگري1 day ago
په قزاقستان کې د افغانستان د تولیداتو او محصولاتو نندارتون پرانیستل شو