سوداگري
د ازبکستان او افغانستان خصوصي سکټورونو ترمنځ سوداګریز تړونونه لاسلیک شول
د صنعت اوسوداګرۍ وزارت هم وايي، چې په دې نندراتون کې به د دواړو هېوادونو ترمنځ د اقتصادي اړیکو د پرا ختیا لپاره نوي ګامونه پورته شي.
د ازبکستان او افغانستان په ګډ نړیوال نندارتون کې د دواړه هیوادونو د خصوصي سکټورونو ترمنځ سوداګریز تړونونه لاسلیک شوي دي.
هغو پانګوالو، چې په دې نندارتون کې افغان تولیدات او محصولات نندارې ته وړا ندې کړي وايي؛ د نندارتون پر دوهیمه ورځ يي له ازبکستاني لوري سره نوي تړونونه لاسلیک کړل.
د افغانستان او زبکستان دا ګډ نندراتون د افغانستان او ازبکستان ترمنځ د اقتصادي اړیکو په پرا ختیا کې مهم رول لري.
افغان پانګوال هیله څرګندوي، چې د دې نندارتون تر پایه به د دواړه هېوادونو ترمنځ د میلیونونو ډالرو پر ارزښت تړونونه لاسلیک شي.
د صنعت اوسوداګرۍ وزارت هم وايي، چې په دې نندراتون کې به د دواړو هېوادونو ترمنځ د اقتصادي اړیکو د پرا ختیا لپاره نوي ګامونه پورته شي.
د صنایعو او کانونو خونې مرستیال سخي احمد پیمان وایي: د افغانستان او ازبکستان ترمنځ د دې نندارتون اقتصادي اهمیت د افغان تولیداتو د پېژندني او د هغو لپاره د بازار موندني په برخو کې ډېره اړین دی او هیله شته، چې له ازبکستان سره نوي تړونونه هم لاسلیک شي.
دغه راز د صنایعو او کانونو خونې غړي عبدالنصیر رشتیا ویلي: د نندارتون په دوهیمه ورځ د افغانستان او ازبکستان ځینو شرکتونو ترمنځ تړونونه لاسلیک شول. هیله لرو، چې له افغان لوري سره نورې هوکړې هم وشي.
د صنعت او سوداګرۍ وزارت مسوولینو هم ويلي، چې له ازبکستاني لوري سره د سوداګریزو اقتصادي اړیکو د پراختیا لپاره دا نندارتون جوړ شوی او افغان چارواکو له ازبکستاني مسوولینو سره د اقتصادي پراختیا په اړه ناستې روانې ساتلې دي.
د صنایعو او سوداګرۍ وزارت ویاند عبدالسلام جواد اخوندزاده وایي: د صنایعو او سوداګرۍ وزارت پلاوي تر اوسه د ازبکستان د صنایعو او سوداګرۍ، ټرانسپورټ، کانونو، اوبو او انرژۍ او ماليي وزارتونو له مسوولینو سره د دواړو هېوادونو ترمنځ د اړیکو د پراختیا لپاره لیدلي او دالړۍ روانه ده.
د ازبکستان په پلازمېنه تاشکند ښار کې د صنعت او سوداګرۍ وزارت چارسمبالي نورالدین عزیزي د دغه نندارتون په پرانیستغونډه کې د کابل او تاشکند تر منځ د سوداګریزو او ټرانزیټي اړیکو پر ټینګښت ټينګار کړی؛ په افغانستان کې یې د ډاډمن امنیت او اسانتیاوو له مخې د ازبکستان له سوداګرو وغوښتل، چې په بېلابېلو برخو کې پانګونې وکړي.
اړوند خبرونه:
افغانستان او ازبکستان د ګډې سوداګرۍ خونې پر جوړولو هوکړه وکړه
د سوداګرۍ او صنایعو وزارت چارسمبالی د یوه پلاوي پر مشرۍ قزاقستان ته ولاړ
سوداگري
افغانستان ته د ایران د ټرانزیټ کچه ۸ برابره لوړه شوه – ایران
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
د ایران د جنوبي خراسان ولایت د ګمرکونو عمومي رییس ويلي، چې د روان کال په لومړیو شپږو میاشتو کې د دغه ولایت له پولو څخه افغانستان ته د ټرانزیټ کچه ۸ برابره لوړه شوې ده.
محمد کوهګرد د دوشنبې پر ورځ (د تلې نهمه) دولتي خبري سرچینې ایرنا ته ویلي: د روان کال په لومړیو شپږ میاشتو کې څه باندې ۱۵ زره کانټینرونه، چې له څلور نیم زره ټنو ډېر وزن لري؛ د ماهیرود له پولې افغانستان ته لېږدول شوي دي.
محمد کوهګرد زیاته کړې، چې: دا شمېر د تېر کال د همدومره وخت پر پرتله اته برابره ډېروالی ښیي.
هغه زياته کړه، چې په ټرانزيټي توکو کې مصرفي توکي، بوره، اوړه، د پخلي غوړي او سره شته، چې له ترکيې، متحده عربي اماراتو، روسيې او انډونيزيا څخه د ماهیرود ګمرک له لارې افغانستان ته لېږدول شوي دي.
تازه خبرونه
د بریټانیا د سفارت چارسمبالي د افغانستان د سوداګرۍ او پانګونې خونې له مسوولینو سره وکتل
د سوداګرۍ او پانګونې خونې د خبرپاڼې له مخې؛ نن (دوشنبه د تلې نهمه) د دغه بنسټ مسوولینو د بریټانیا له ډیپلوماټ سره په لیدنه کې د سیمې د هېوادونو ترمنځ د سوداګرۍ او پانګونې د ستونزو په اړه بحث او اندونه وړاندې کړل.
د افغانستان لپاره د بریټانیا د سفارت چارسمبالي رابرټ ډیکسن په کابل کې د سوداګرۍ او پانګونې خونې له مسوولینو سره د سوداګرۍ او پانګونې په اړه بحث او خبرې وکړې.
د سوداګرۍ او پانګونې خونې د خبرپاڼې له مخې؛ نن (دوشنبه د تلې نهمه) د دغه بنسټ مسوولینو د بریټانیا له ډیپلوماټ سره په لیدنه کې د سیمې د هېوادونو ترمنځ د سوداګرۍ او پانګونې د ستونزو په اړه بحث او اندونه وړاندې کړل.
د سوداګرۍ او پانګونې خونې لومړي مرستیال محمد یونس مومند له خصوصي سکټور سره د دولت د هراړخیز ملاتړ د یادونې پر مهال د نړۍ له ټولو هېوادونو سره د هېواد د خصوصي سکټور د همکارۍ ډاډ ورکړ او په دې برخه کې یې د نړۍ له هېوادونو سره د اړیکو پر ښه کولو او په دې اړه د عملي ګامونو پر پورته کولو ټینګار څرګند کړ.
نوموړي د بريټانيا له چارسمبالي څخه وغوښتل، چې له نړيوالې ټولنې څخه د افغانستان د کنګل شويو شتمنيو په خلاصون او د پيسو د لېږد پر وړاندې د خنډونو لرې کولو کې همکاري وکړي، چې خصوصي سکټور ته يې ګڼې ستونزې رامنځته کړې دي.
ویل کیږي، چې افغانستان جنوبي آسیا له منځنۍ آسیا سره نښلوي او د افغانستان له لارې هم ټرانزیټ عادي روان دی.
تازه خبرونه
په ۴ ولايتونو کې د ۶ کرنیزو نمایشي او ترویجي کمپلکسونو جوړول ومنل شول
د ریاست الوزراء اقتصادي مرستیال وايي، دغه کمپلکس د کرنې، اوبولګولو او مالدارۍ وزارت لخوا د ۵۴۹ میلیون افغانیو پر لګښت په ۴۵۰۰ جریبه ځمکه کې جوړېږي.
د اقتصادي کمیسیون تخنیکي کمیټې نوبتي غونډې د کرنې، اوبولګولو او مالدارۍ وزارت د شپږ کرنیزو نمایشي او ترویجي کمپلکسونو د جوړولو طرحه ومنل شوه.
د ریاست الوزراء له دفتره په خپره شوې خبرپاڼه کې راغلي، چې په هرات، هلمند، ننګرهار او بلخ ولایتونو کې به د ۶ کرنیزو نمایشي او ترویجي کمپلیکسونو د جوړولو طرحه پلې شي.
د دغې طرحې له مخې؛ به د هېواد په طبیعي ځنګلونو کې د لرګیو وهلو مخنیوی ترسره او د ځنګلونو د بیا احیا لپاره بنسټیز ګامونه واخیستل شي.
د ریاست الوزراء اقتصادي مرستیال وايي، دغه کمپلکس د کرنې، اوبولګولو او مالدارۍ وزارت لخوا د ۵۴۹ میلیون افغانیو پر لګښت په ۴۵۰۰ جریبه ځمکه کې جوړېږي.
ویل کیږي، چې په دې غونډه کې د کرنې، اوبولګولو او مالدارۍ وزارت له لوري په هېواد کې د طبیعي ځنګلونو د لرګیو او د ځنګل د فرعي محصولاتو څخه د ګټې اخیستنې پر جوړه شوې کړنلاره هم بحث وشو.
-
سوداگري4 days ago
افغانستان ته د ایران د ټرانزیټ کچه ۸ برابره لوړه شوه – ایران
-
نړۍ4 days ago
په غزه کې د اسرائیلو د نویو بریدونو له کبله ۳۷ کسان ووژل شول
-
سیمه ییز خبرونه4 days ago
د مخ پر زیاتېدونکې جګړې د پراخېدو د وېرې له کبله پر اسرائیلو برید ودرول شو – ایران
-
نړۍ5 days ago
اسرایلو پر لبنان محدود ځمکنی یرغل پیل کړ
-
لوبی4 days ago
برازیل، اوکراین، ارجنټاین او فرانسه د فوټسال نړیوال جام نیمه پایلوبې ته ورسېدل
-
سیمه ییز خبرونه5 days ago
ایران د اسرائیلو جنایي کړنې زغملی نشي – بهرنیو چارو وزارت
-
سیمه ییز خبرونه3 days ago
په لبنان کې د اسرائیلو د هوايي برید له کبله یو امریکايي وګړی ووژل شو
-
تازه خبرونه3 days ago
افغان سوداګرو له امریکایي استازې سره پر سوداګریزو اسانتیاوو خبرې وکړې