تازه خبرونه
د دوحې د مدني ټولنې په غونډه کې مو د ټولو هېوادونو پر ګډون ټینګار نشو کولی – ملګري ملتونه
د ملګرو ملتونو د عمومي منشي ویاند د سېشنبې پر ورځ خبریالانو ته ویلي، چې دا غونډه د ځانګړو هېوادونو د استازو او د اسلامي امارت تر منځ وه او بین الافغاني ناسته نهوه.
![](https://www.ariananews.af/wp-content/uploads/2024/07/Doha-Meeting.jpg)
د ملګرو ملتونو د عمومي منشي ویاند سټیفن ډوجاریک ویلي، دا ټولنه د داسې دریځ لرونکې نده، چې د هېوادونو استازو ته په دې یا هغې غونډه د ګډون ټینګار وړاندې کړي.
سټیفن ډوجاریک وایي، چې د دوحې درېیمه ناسته د افغانانو خپلمنځي ناسته نه وه.
د دوحې له درېیمې ناستې څخه د ښځو او مدني ټولنو د استازو وتل د دې غونډې په دواړو ورځو کې یوه توده موضوع ګرځېدلې وه.
نیوکه کوونکي وايي، ملګرو ملتونو طالبانو ته د دوحې په غونډه کې د ګډون لپاره امتیاز ورکړی دی.
د ملګرو ملتونو د عمومي منشي ویاند د سېشنبې پر ورځ خبریالانو ته ویلي، چې دا غونډه د ځانګړو هېوادونو د استازو او د اسلامي امارت تر منځ وه او بین الافغاني ناسته نهوه.
ډو جاريک زیاته کړې؛ هر ځانګړي استازي کولی شول، چې د بشري حقونو، د ښځو حقونو او د نشهيي توکو پر مسلې خبرې وکړي.
نوموړي ویلي؛ مېرمن ډیکارلو او د یوناما مشرې روزا اوتونبایوا په دې ناسته او په کابل کې د خپلو پخوانیو ناستو پر مهال له اسلامي امارت سره د ښځو مسئله مطرح کړې وه.
ډوجاریک ټینګار کړی، چې د ښځو او بشري حقونو مسله هغه څه دي، چې ملګری ملتونه یې هره ورځ مطرح کوي او د دې ټولنې د ټولو بحثونو لومړیتوب دی.
اړوند خبرونه:
ډېري هېوادونه له افغانستان سره د مرستې او همکارۍ اراده لري – ذبیح الله مجاهد
په دوحه کې د مدني ټولنو د غونډې ګډونوالو نومونه پټ وساتل شول
تازه خبرونه
د کابل اوسېدونکي د پرچاوۍ له ډېرېدو اندېښمن دي
د افغانستان برښنا شرکت د چاوۍ د زیاتېدو ستونزه مني او وايي، چې د برښنا د کمښت له کبله له دې ستو نزې سره مخ دي؛ خو هڅې روانې دي، چې د دې ستونزې د اواري لپاره تدابیر ونیول شي.
![](https://www.ariananews.af/wp-content/uploads/2024/07/bulb.jpg)
د پلازمېنې اوسېدونکي د برښنا د لګښتونو له لوړوالي اندېښمن دي او وايي، چې په دې وروستيو کې د برښنا لګښت بېساری لوړ شوى دى.
کابل ښاریانو ویلي، چې په دې ښار کې نه یوازې هوا توده شوې، بلکې د برښنا پرچاوي هم زیاته شوې ده.
د افغانستان پلازمېنه کابل هغه ښار دی، چې د برښنا ستونزه یې هیڅکله حل شوې نده.
دوی په دې وروستیو کې د برښنا له پرچاوۍ سرټکوي او له برښنا شرکت څخه غواړي، چې د دې ستونزې د اواري لپاره ډاډمن ګامونه پورته کړي.
کابل میشتي وايي، چې په دې توده هوا کې برښنا ته ډېره اړتیا لري.
د کابل اوسیدونکی صدیق الله په دې اړه وایي: ورځ تر بلي هوا پر تودېدو ده حکومت باید دې ستونزې ته پاملرنه وکړي؛ ځکه حلکو ورته ډېره اړتیا لري.
یو بل کابل میشتی مجتبی وایي: میاشت وشوه، چې ورځ تر بلې د برښنا ستونزه مخ پر زیاتېدو ده. حکومت باید دې خبرې ته پاملرنه وکړي بېلونه د برښنا هم لوړ راځي او برښنا هم وجود نلري. آیا دې ستونزې ته حکومت فکر لري اوکه خیر!
د افغانستان برښنا شرکت د چاوۍ د زیاتېدو ستونزه مني او وايي، چې د برښنا د کمښت له کبله له دې ستو نزې سره مخ دي؛ خو هڅې روانې دي، چې د دې ستونزې د اواري لپاره تدابیر ونیول شي.
د برښنا شرکت تجارتي مرستیال صفي الله احمدزي ویلي: د هوا له تودېدو سره د برښنا لګښت لږ څه زیات شوی. مونږ د دې ستونزې د مدیریت هڅه کوو؛ خو پرچاوي حتمي خبره ده، ځکه له پر چاوۍ پرته يي مونږ ټول هېواد ته رسولی نشو. پرچاوي به د یوه منظم پلان له مخې برابرشي، څوګ له جدي ستونزي سره مخ نشي.
افغانستان تراوسه پورې د برښنا تولید په برخه کې له ګڼو ستونزو سره مخ دی؛ سره له دې، چې د تولید سرچینې لرو.
عام وګړي وايي، چې په دې برخه کې هیڅ پاملرنه نده شوې او هرکال میلیونونه ډالر د افغانستان ولسي پانګه ګاونډ هېوادونو ته ورکول کیږي.
اړوند خبرونه:
ازبکستان د برښنا واردات ۵۰ سلنه کم کړي – برښنا شرکت
د برښنا د تولید او ساختماني پروژو تړونونه لاسلیک شول
تازه خبرونه
د دوحې په ناسته کې د اسلامي امارت ګډون د تعامل ډګر پراخه کړ – جاپان
هغه هیله من شوی، چې د افغانستان بانکي بندیزونه به ژر لرې شي.
![](https://www.ariananews.af/wp-content/uploads/2024/07/kabir-japan-ambassador.jpg)
په کابل کې د جاپان سفیر تاکایوشي کرومیا ویلي، چې د دوحې په درېیمه ناسته کې د اسلامي امارت ګډون له نړیوالې ټولنې سره د اسلامي امارت تعامل پراخه کړی دی.
د جاپان سفیر دغه خبره د یکشنبې پر ورځ (د سرطان پر اوولسمه) د ریاست الوزراء له سیاسي مرستیال مولوي عبدالکبیر سره په کتنه کې رایاده کړې ده.
تاکایوشي کرومیا د دوحې درېیمه ناسته د اسلامي امارت لپاره ګټوره بولي او وایي، چې د اسلامي امارت ټولې غوښتنې د ملګرو ملتونو لخوا منل شوې دي.
هغه هیله من شوی، چې د افغانستان بانکي بندیزونه به ژر لرې شي.
په دې لیدنه کې د اسلامي امارت د ریاست الوزراء سیاسي مرستیال هم هیله ښودلې، چې له ټولو هېوادونو سره د تعامل غوښتونکي یوو.
ویل کیږي، چې له نړیوالې ټولنې سره همغږي کېدل، پر افغانستان د بانکي بندیزونو لرې کول او په دې هېواد کې له نشهيي توکو سره مبارزه د دوحې په درېیمه ناسته کې د اسلامي امارت د ګډون اجنډا وه.
اړوند خبرونه:
ډېري هېوادونه له افغانستان سره د مرستې او همکارۍ اراده لري – ذبیح الله مجاهد
تازه خبرونه
څه باندې ۲ زره افغان کډوال هېواد ته راستانه شول
د راستنیدونکیو کډوالو چارو وزارت د معلوماتو له مخې؛ د مهاجرت نړیواله ټولنه، د ملګرو ملتونو د کډوالو عالي کمیشنرۍ او د خوړو نړیوال پروګرام په دفترونو کې د مرستو له ثبت وروسته هرې کورنۍ ته د کړنلارې له مخې مرستې ورکړ شوې دي.
![](https://www.ariananews.af/wp-content/uploads/2024/07/Afghan-returnees.jpg)
د افغانستان د کډوالو او راستنېدونکیو چارو وزارت ويلي، چې په تېرو دوه ورځو کې د هرات ولایت د اسلام کلا، د نیمروز ولایت د پل ابرېشم، د ننګرهار ولایت د تورخم او د کندهار د سپین بولدک له لارو ۲ زره ۶۴۹ افغان کډوال جبري او په خپله خوښه هېواد ته راستانه شوي دي.
د ننګرهار ولایت د سرحدونو چارو ریاست د څرګندونو له مخې؛ د ننګرهار ولایت د تورخم له لارې د ۱۸۹ کسانو په ګډون ۳۹ کورنۍ، د کندهار د سپین بولدک له لارې د ۲۶۱ کسانو په ګډون ۴۸ کورنۍ او ۳۳ بندیان ، د هرات ولایت د اسلام کلا بندر له لارې ۷۶۷ کسان او د نیمروز ولایت د پل ابریشم له لارې ۱۳ سوه ۹۹ کسان له پاکستان او ایران څخه هېواد ته راستانه شوي دي.
د راستنیدونکیو کډوالو چارو وزارت د معلوماتو له مخې؛ د مهاجرت نړیواله ټولنه، د ملګرو ملتونو د کډوالو عالي کمیشنرۍ او د خوړو نړیوال پروګرام په دفترونو کې د مرستو له ثبت وروسته هرې کورنۍ ته د کړنلارې له مخې مرستې ورکړ شوې دي.
اړوند خبرونه:
له پاکستان څخه هره ورځ له ۱۰۰۰ ډېر افغان کډوال جبري ایستل کیږي
له پاکستان څخه زرګونه افغان کډوال تش لاس ایستل کیږي – د خوړو نړیوال پروګرام
-
تازه خبرونه5 days ago
استرالیا د افغانستان لپاره ځانګړې استازې وټاکله
-
سوداگري4 days ago
د ازبکستان او افغانستان خصوصي سکټورونو ترمنځ سوداګریز تړونونه لاسلیک شول
-
تازه خبرونه4 days ago
د روسیې او چین ولسمشرانو د شانګهای غونډې په څنډه کې وکتل
-
سیمه ییز خبرونه5 days ago
د پاکستان او تاجکستان مشرانو په افغانستان کې د ټولګډونه حکومت پر جوړولو ټینګار وکړ
-
تازه خبرونه1 day ago
په افغانستان کې د کوکنارو د بدیل کښت لپاره پر پېنځه کلنې کړنلارې کار پیل شو
-
روغتيا16 hours ago
د افغانستان په ۲۳ ولایتونو کې د ګوزڼ واکسین کمپاین پیل شو
-
سوداگري4 days ago
پاکستان د افغانستان پر سبو او میوو تعرفه لوړه کړې
-
تازه خبرونه2 days ago
د چین، تاجکستان او افغانستان تر منځ دې ټرانسپورټي دهلیز جوړ شي- امام علي رحمان