تازه خبرونه
د روان کال په لو مړۍ ربعه کې د ۳۰۴ میلیون ډالرو پر ارزښت صادرات شوي
د خصوصي سکټور غړيو ويلي؛ که څه هم د هېواد د صادراتو پر وړاندې کومه ستونزه نشته او دا بهیر په منظم ډول سره پرمخ روان دی، خو د صنعت اوسوداګرۍ په برخو کې اوس هم ځیني ستونزې شته، چې اړوند وزارت یې باید حل کړي.
![](https://www.ariananews.af/wp-content/uploads/2024/06/Akhundzadeh.png)
د صنایعو او سوداګرۍ وزارت مسوولینو ويلي، چې د روان کال په لومړۍ ربعه کې د صادرات کچه درې سوه او څلورمیلیون ډالروته رسېدلې ده.
د دې وزارت د مسوولینو د څرګندونو له مخې؛ د دې صادارتو ډېره برخه پاکستان، ایران، متحده عربي امارتو ته تر سره شوې او دا لړۍ اوس هم روانه ده.
د صنایعو او سوداګرۍ وزرات ویاند عبدالسلام جواد اخوندزاده ويلي: په روان کال کې عمومي راکړه وره له دوه میلیارډ او ۵۰۰ میلیون څخه زیاته تر سره شوې، چې ۳۰۴ میلیون صادارت د سیمي او ګاونډ هېوادونو مارکیټونو ته استول شوي او دا لړۍ اوس هم روانه ده.
د خصوصي سکټور غړيو ويلي؛ که څه هم د هېواد د صادراتو پر وړاندې کومه ستونزه نشته او دا بهیر په منظم ډول سره پرمخ روان دی، خو د صنعت اوسوداګرۍ په برخو کې اوس هم ځیني ستونزې شته، چې اړوند وزارت یې باید حل کړي.
د کرنې او مالدارۍ خونې مرستیال میرویس حاجي زاده وایي: زمونږ د صادراتو بهیر په ښه ډول سره روان دی؛ خو اوس هم ځیني ستونزې شته. لکه د کرنيزو مخصولاتو فومیګیشن او ټرانسپورتي ستونزې ، چې حکومت يې باید اوارې کړي.
د اقتصادي چارو کار پوهانو ويلي، چې د صنعت او سوداګرۍ وزارت په ګډون باید د ټولو سکټوري وزارتونو مسوولین د هېواد کرنیزو محصولاتو لپاره د منظم مارکیټ زمینه برابره کړي او د نويو مارکیټونو لپاره هم باید اقدامات تر سره شي.
د اقتصادي چارو شنونکی شمس احمدزی وایي: زمونږ د صادراتو بهیر اوس هم بشپړ منظم شوی ندی. د پراختیا لپاره یې باید لومړی سکټوري وزارتونه له ګاونډ هېوادونو او بیا د سیمي له هېوادونو سره د نويو مارکیټونو او دهلیزونو په پرانستلو کې مهم رول تر سره او ورته ډېر کار وشي.
ویل کیږي، چې د هېواد صادارتي اقلامو د پراختیا او همداراز ورته د مارکیټونو د رامنځته کولو لپاره هڅې پیل شوي او دمګړۍ د هېواد صادارت د سیمي او ګاونډ هېوادنو ترمنځ ښه روان دي.
اړوند خبرونه:
په هرات کې درې تولیدی کارخونې ګټې اخیستنې ته چمتو شوې
تازه خبرونه
استرالیا د افغانستان لپاره ځانګړې استازې وټاکله
د خبرپاڼې لهمخې؛ نوموړې به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
![](https://www.ariananews.af/wp-content/uploads/2024/07/Amanda.jpg)
د اسټرالیا بهرنیو چارو وزارت د خبر پاڼې له مخې؛ دې هېواد د افغانستان لپاره امانډا مک ګریګور نومې نوې استازې ټاکلې.
د خبرپاڼې لهمخې؛ نوموړې به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
مک ګریګور د کاناډا په سفارت کې د ډیپلوماتې په توګه هم کار کړی او د اسټرالیا د حکومت د لومړي وزیر او کابینې لوړپوړې سلاکاره وه.
د اسټرالیا بهرنیو چارو وزیر پیني وانګ ویلي: مک ګریګور، چې په قطر کې میشته ده؛ له خپلو ګډ فکر لرونکیو هېیوادونو سره به همکار کوي، چې له طالبانو (د افغانستان اسلامي امارت) څخه د بشري حقونو او د افغانانو د ملاتړ په اړه وضاحت وغواړي.
دغه راز مک ګریګور پېنځه کاله د اسټرالیا په دفاع وزارت کې کار کړی او له څه وخت راپدیخوا په لبنان کې د اسټرالیا د سفارت مرستیاله وه.
تازه خبرونه
له ټولو هېوادونو سره اړیکې لرو او تر منځ مو د باور فضا رامنځته شوې – ذبیح الله مجاهد
د ذبیح الله مجاهد وایي: د دوحې د درېیمې غونډې ګډونوال د افغانستان د پرمختګ په اړه د معلوماتو له اورېدو حیران شول او د اسلامي امارت لاسته راوړنې یې ومنلې. خصوصي سکتور او له نشه يي توکو سره مبارزه د اسلامي امارت لپاره دوه مهم مسایل دي، چې د دوحې په غونډه کې پرې بحث شوی. د اسلامي امارت پلاوي دغه راز د ټولو بندیزونو، پر خصوصي سکټور د محدودیتونو د لرې کولو او د افغانستان بانک د کنګل شوې شتمنۍ پر ازدولو ټینګار کړی دی.
![](https://www.ariananews.af/wp-content/uploads/2024/07/Mujahid.png)
د اسلامي امارت ویاند او د دوحې په درېیمه ناسته کې د افغان پلاوي رییس ذبیح الله مجاهد د چنګاښ پر دیارلسمه یوې خبري ناستې ته ويلي، چې افغانستان له انزوا راوتلی او له ټولو هېوادونو سره مو د باور فضا رامنځته شوې ده.
د اسلامي امارت پلاوي د افغانستان په اړه له ناستې هېواد ته راستون شو او د دوحې درېیمه غونډه بریالۍ بولي.
نوموړی وايي؛ د دوحې غونډه د دوی له هیلو سره سمه ترسره شوه او د افغانستان په اړه د هېوادونو لید لوری مثبت و.
مجاهد ټینګار کړی، چې د اسلامي امارت پلاوي په دې غونډه کې وکولی شول، چې د افغانستان د چارسمبالي حکومت او خلکو غوښتنې نړیوالو ته ورسوي او وښيي، چې افغانستان په انزوا کې ندی او د اعتماد فضا رامنځته شوې ده.
د نوموړي د څرګندونو له مخې؛ اوس افغانستان له ټولو هېوادونو سره اړیکې لري او دا اړیکې په سمه توګه مدیریت شوي دي.
هغه ویلي: د هېوادونو استازو په افغانستان کې پرمختګونه ومنل او پر خصوصي سکټور د بندیزونو پر لرې کولو او له نشهيي توکو سره د مبارزې په برخه کې یې د اسلامي امارت پر لاسته راوړنو راوڅرخېدل.
د ذبیح الله مجاهد وایي: د دوحې د درېیمې غونډې ګډونوال د افغانستان د پرمختګ په اړه د معلوماتو له اورېدو حیران شول او د اسلامي امارت لاسته راوړنې یې ومنلې. خصوصي سکتور او له نشه يي توکو سره مبارزه د اسلامي امارت لپاره دوه مهم مسایل دي، چې د دوحې په غونډه کې پرې بحث شوی. د اسلامي امارت پلاوي دغه راز د ټولو بندیزونو، پر خصوصي سکټور د محدودیتونو د لرې کولو او د افغانستان بانک د کنګل شوې شتمنۍ پر ازدولو ټینګار کړی دی.
مجاهد وايي؛ اسلامي امارت نه غواړي، چې افغانستان یو ځل بیا د سترو قدرتونو د سیالۍ ډګر وګرځي.
ویل کیږي، چې د اسلامي امارت پلاوي د غونډې په څنډه کې د هېوادونو له ځانګړیو استازو سره ۲۴ دوه اړخیزې او څو اړخیزې غونډې کړي او ټینګار شوی، چې اسلامي امارت له ټولو هېوادونو سره د ښو اړیکو او تعامل غوښتونکی دی.
اړوند خبرونه:
د دوحې د مدني ټولنې په غونډه کې مو د ټولو هېوادونو پر ګډون ټینګار نشو کولی – ملګري ملتونه
ډېري هېوادونه له افغانستان سره د مرستې او همکارۍ اراده لري – ذبیح الله مجاهد
تازه خبرونه
د افغانستان بانک پلاوي د اسلامي مالي خدمتونو په کلنۍ غونډه کې ګډون وکړ
ویل کیږي، چې د اسلامي مالي خدمتونو بورډ یو نړیوال اسلامي بنسټ دی، چې په کې د افغانستان بانک، د نورو اسلامي هېوادونو مرکزي بانکونه، اسلامي بانکونه او نړیوالې مالي ادارې غړیتوب لري.
![](https://www.ariananews.af/wp-content/uploads/2024/07/bank.png)
د افغانستان بانک نن چارشنبه د چنګاښ دیارلسمه ویلي، چې د دې بانک د ټولو چارسمبالي ریيس هدایت الله بدري پر مشرۍ پلاوي د اسلامي مالي خدمتونو د بورډ په دوهویشتمه کلنۍ عمومي غونډه کې، چې د جولای پر لومړۍ او دوهیمه نېټه په جیبوټي هېواد کې جوړه شوې وه؛ ګډون وکړ.
په دې غونډه کې، چې د نورو اسلامي هېوادونو د ۲۶ مرکزي بانکونو ریيسانو او استازو ګډون کړی و؛ د بورډ د تېر کال د کړنو او مالي مسایلو اړوند راپورونه د غړیو هېوادونو لهخوا له بحث وروسته تصویب شول.
دغه راز په دې غونډه کې د راتلونکي کال لپاره د شریعت د اصولو پر بنسټ د اسلامي بانکوالۍ اړوند معایرو، د مالي شرکتونو او بانکونو د ښه مدیریت، د ډيجیټلایزیشن اثر پر اسلامي بانکوالۍ او پر نړیواله کچه د اسلامي بانکوالۍ او تمویل د ترویج په اړه پر پلانونو او عملي کړنو بحث او خبرې وشوې.
دوی د یوه باثباته اقتصادي توسعې لپاره پر مالي شمولیت، په اسلامي مالي نظام کې د وقف او زکات پر ارزښت، په دې برخه کې د اړوند بنسټونو پر رامنځته کولو، د مالي نظام پر برښنایي کیدو د شغل او کار په رامنځته کولو کې د هغو پر اهمیت، مالي تکنالوژۍ یا فینټېک پر وړاندې د شته ګواښونو او پدې اړوند د شریعت له اصولو سره سم د مقرراتو رامنځته کېدو او یو شمېر نورو اړوند موضوعاتو بحثونه تر سره شول.
له یادې غونډې وروسته د افغانستان بانک د ټولو چارسمبالي رییس د اسلامي مالي خدمتونو د بورډ له ریيس سره په ځانګړې لېدنه کې د افغانستان بانک د کنګل شویو زېرمو، بانکي سکټور د اسلامي کېدو، ښونیزو پروګرامونو او یو شمېر نورو اړوند موضوعاتو هم خبرې وکړې.
ویل کیږي، چې د اسلامي مالي خدمتونو بورډ یو نړیوال اسلامي بنسټ دی، چې په کې د افغانستان بانک، د نورو اسلامي هېوادونو مرکزي بانکونه، اسلامي بانکونه او نړیوالې مالي ادارې غړیتوب لري.
-
لوبی5 days ago
د افغانستان فوټسال لوبډله په دوستانه سیالیو کې له مراکش سره لوبیږي
-
لوبی3 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
لوبی4 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
د هوا حالاتو بدلونونه2 days ago
په هلمند ولایت کې هوا بېساري توده ده
-
تازه خبرونه3 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه3 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه4 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
سوداگري4 days ago
په ازبکستان کې د افغانستان د تولیداتو درې ورځنی نندارتون جوړېږي