تازه خبرونه
نړۍ له اوسني حکومت سره له خبرو پرته بله لار نلري – امیرخان متقي
هغه وايي، چې په وروستیو میاشتو کې کابل د بېلابېلو هېوادونو او نړیوالو ټولنو د استازو کوربتوب کړی او له نړۍ سره د اړیکو په برخه کې ښه پرمختګ شوی دی.
د بهرنیو چارو وزارت سرپرست نن (دوشنبه، د چنګاښ څلورمه) د لوی اختر له رخصتۍ وروسته د دې وزارت د کارمندانو ناستې ته ویلي، چې د دوحې په درېیمه ناسته کې د ګډون لپاره د اسلامي امارت رسمي بلنه نړۍ ته د افغانستان د خلکو د حیثیت او اهمیت ښکارندويي کوي.
امیرخان متقي زیاته کړې، چې افغانستان له نړۍ سره د تعامل په برخه کې ډېر پرمختګ کړی او نړۍ په دې پوهيږي، چې له اوسني حکومت سره له تعامل پرته بله لار نشته.
متقي وايي، چې د امنیتي ادارو د محرم راپور له مخې؛ د اختر په ورځو کې هیڅ ډول امنیتي ضد پېښه نده شوې.
د نوموړي د څرګندونو له مخې؛ د اختر له کبله لسګونه زره مسافر هېواد ته راستانه شوي او دا کار پر نظام د دوى د باور څرګندونه کوي.
هغه وايي، چې په وروستیو میاشتو کې کابل د بېلابېلو هېوادونو او نړیوالو ټولنو د استازو کوربتوب کړی او له نړۍ سره د اړیکو په برخه کې ښه پرمختګ شوی دی.
امیر خان متقي دا هم ویلي، چې د رژیم د دښمنانو هیلې له خاورو سره خاورې شوې؛ ځکه نړیواله ټولنه په دې باور شوې، چې له اسلامي امارت سره له تعامل پرته بله لار نشته.
دغه راز وایي: لکه څنګه، چې اسلامي امارت له ګاونډیو او سیمهییزو هېوادونو سره ډیپلوماټیکې، سیاسي او سوداګریزې اړیکې لري؛ له اروپايي او غربي هېوادونو سره هم دغه ډول اړیکې غواړي.
د بهرنیو چارو وزارت چارسمبالي ټینګار کړی، چې په روان لمریز کال کې د ډېرو پروژو کار پیل شوی او په راتلونکي کې به د ځینو نورو هغو کار هم پیل شي.
اړوند خبرونه:
اسلامي امارت د دوحې په ناسته کې پر معنا داره ګډون ټینګار لري – متقي
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
تازه خبرونه
تحول: په افغانستان کې د ټولګډونه حکومت د جوړولو غوښتنې
تازه خبرونه
د روسیې او چین ولسمشرانو د شانګهای غونډې په څنډه کې وکتل
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
ولادمیر پوتین او شي جین پینګ پرون د دواړو هېوادونو د اړیکو پر پیاوړتیا خبرې وکړې. لوېدیځو خبري سرچینو ویلي، دا په تېرو شاوخوا دوه میاشتو کې دوهیم ځل دی، چې پوتین او شي سره مخامخ لیده کاته کوي.
د سیمې د دوه قدرتونو دغو مشرانو د قزاقستان په پلازمېنه استانه کې د شانګهای د دوه ورځنۍ غونډه پرانیسته.
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
اړوند خبرونه:
د شانګهای هېوادونو استازیو په تاجکستان کې د افغانستان په اړه د همغږۍ ګډه هوکړه وکړه
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
تازه خبرونه
استرالیا د افغانستان لپاره ځانګړې استازې وټاکله
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
د اسټرالیا بهرنیو چارو وزارت د خبر پاڼې له مخې؛ دې هېواد د افغانستان لپاره امانډا مک ګریګور نومې نوې استازې ټاکلې.
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
مک ګریګور د کاناډا په سفارت کې د ډیپلوماتې په توګه هم کار کړی او د اسټرالیا د حکومت د لومړي وزیر او کابینې لوړپوړې سلاکاره وه.
د اسټرالیا بهرنیو چارو وزیر پیني وانګ ویلي: مک ګریګور، چې په قطر کې میشته ده؛ له خپلو ګډ فکر لرونکیو هېوادونو سره به همکار کوي، چې له طالبانو (د افغانستان اسلامي امارت) څخه د بشري حقونو او د افغانانو د ملاتړ په اړه وضاحت وغواړي.
اسلامي امارت ویاند ذبیح الله مجاهد ویلي؛ ډیری هیوادونه د افغانستان پر واقعیتونو پوه شوي او هڅه کوي، چې له بېلابېلو لارو له اسلامي امارت سره اړیکه ونیسي.
نوموړي له هغو هېوادونو، چې په کابل کې یې سفارتونه ندي پرانیستي او له قطر څخه د سفارت چارې پرمخ وړي؛ غوښتنه کړې، چې په کابل کې خپل سفارتونه بېرته پرانیزي.
ویل کیږي، چې مک ګریګور پېنځه کاله د اسټرالیا په دفاع وزارت کې کار کړی او له څه وخت راپدیخوا په لبنان کې د اسټرالیا د سفارت مرستیاله وه.
-
لوبی4 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
لوبی5 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
د هوا حالاتو بدلونونه3 days ago
په هلمند ولایت کې هوا بېساري توده ده
-
تازه خبرونه4 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه3 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه5 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
سوداگري5 days ago
په ازبکستان کې د افغانستان د تولیداتو درې ورځنی نندارتون جوړېږي
-
تازه خبرونه3 days ago
په دوحه کې د مدني ټولنو د غونډې ګډونوالو نومونه پټ وساتل شول