تازه خبرونه
په افغانستان کې ۹۶ زره زلزله ځپلي ماشومان مرستو ته سخته اړتیا لري – ملګري ملتونه
د افغانستان په لوېدیځ کې له زلزلو څخه سل ورځې وروسته د ملګرو ملتونو د ماشومانو وجهي صندوق (یونیسف) په روان ژمي کې له ۹۶ زره څخه ډېرو ځپلیو ماشومانو ته د مرستې غوښتنه کړې ده.
یونیسف د دوشنبې پر ورځ په یوه خبرپاڼه کې څرګنده کړې، چې په هرات کې د اکتوبر له زلزلو څخه د ښځو او ماشومانو په ګډون له ۱۰۰۰ ډېر کسان وژل شوي؛ سربېره پر دې ۲۱ زره کورونه ویجاړ شوي او ډېرو کورنیو په کې عایداتي سرچینه له لاسه ورکړې دي.
له درې میاشتو وروسته اوس هم د هرات د زلزلو اغېزې احساس کیږي او ډېری کورنۍ سره له دې، چې سخته یخني ده؛ تر خیمو لاندې ژوند کوي او یا هم سرپناه نهلري.
د یونیسف په خبرپاڼه کې راغلي، چې هرات ولایت دا مهال له سخت ژمی سره مخ دی، چې د انسانانو ژوند له ګواښ سره مخ کوي او د مرستو رسولو هڅې یې سستې کړې دي.
په افغانستان کې د یونیسف استازي فرانک اکویزا ویلي؛ د دې کلیو چاپېریال له درد او کړاوه ډک دی. ان له زلزلې څخه د ۱۰۰ ورځو پر تېرېدو کورنۍ او ماشومان اوس هم د خپلو عزیزانو پر له لاسه ورکولو او دردونو سره مقابله کوي؛ ښوونځي او روغتیايي مرکزونه، چې ماشومان پرې تکیه کوي یا بشپړ ویجاړ شوي او یا هم کافي نهدي؛ ځکه هوا سړه ده او بې کوره ماشومان او کورنۍ په خطرناکو شرایطو کې شپې تېروي او هیڅ وسیله نهلري، چې خپله لنډمهاله سرپناه پرې ګرمه کړي.
یونیسف ویلي، چې له زلزله ځپلیو سره یې مرستې کړي؛ خو څرنګه، چې د ژمي سړې هوا ستونزې نورې هم زیاتې کړي؛ نو نورو مرستو ته اړتیا ده.
نوموړي زیاته کړې؛ مونږ له خپلو مرستندویه همکارانو څخه مننه کوو، چې سرچینې یې چټکې راټولې کړې او یونیسف ته یې دا ځواک ورکړ، چې په څو ورځو کې د هرات د ماشومانو او د هغوی د کورنیو بېړنیو اړتیاوو ته ځواب ووایي؛ خو په زرګونه خلک اوس هم زمونږ مرستې ته اړتیا لري.
یونیسف د زلزلې له کبله د ۹۶۰۰۰ ماشومانو د ژوند په اړه اندېښمن دی. مونږ ملاتړ ته اړتیا لرو؛ ځکه مونږ باید ډاډ ترلاسه کړو، چې ماشومان نه یوازې په ژمي کې ژوندي پاتې کیږي، بلکې په راتلونکیو میاشتو او کلونو کې به د ودې هوساینې فرصت هم ولري.
د یادونې ده، چې د روان کال د تلې په میاشت کې د هرات له ۲۱ کليو ډېر زلزلو ویجاړ کړل؛ د ښځو او ماشومانو په ګډون یې له ۱۰۰۰ ډېر کسان ووژل او حیوانات یې له منځه یوړل.
تازه خبرونه
د حکومت او رسنیو ترمنځ باید واټن نهوي – ستانکزی
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."
ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونهګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.
د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.
د سیمینار برخهوالو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.
دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.
تازه خبرونه
له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو
دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.
د افغانستان برښنا شرکت څرګنده کړې، چې له ازبکستان سره د ۲۰۲۵ ز. کال لپاره د برښنا د پېرودلو تړون لاسلیک شوی دی.
دغه تړون تاشکند ته د دغه شرکت د عمومی رییس عبدالباری عمر پر مشرۍ د اسلامی امارت د پلاوي له سفر او د دغه هېواد له چارواکو سره له خبرو اترو وروسته لاسلیک شو.
د افغانستان برښنا شرکت ویاند حکمت الله میوندي ویلي: " د افغانستان برښنا شرکت عمومي رییس د یوه پلاوي پر مشرۍ ازبکستان ته تللی و او په ازبکستان کې یې د برښنا له مسوولانو سره په کتنه کې د ۲۰۲۵ ز.کال لپاره د برښنا د پېرودلو تړون لاسلیک کړ."
یو شمېر پانګوال له اسلامي امارت څخه غواړي؛ د ۵۰۰ کیلو ولټ برښنا په اړه دې له ازبکستان سره خبرې وکړي او دغه پروژه ژر تر ژره بشپړه کړي، چې په هېواد کې د برښنا د کمښت ستونزې یوه برخه اواره شي.
د افغانستان برښنا شرکت ویلي، چې افغان پلاوي له ازبکستاني چارواکو سره د ۵۰۰ کیلو ولټ برښنا د لېږد پروژې په اړه، چې د سرخان- پلخمري- دشت الوان څخه د کابل تر ارغندي او د ننګرهار شیخ مصري ته، چې د ۸۰۰ څخه تر ۱۰۰۰ میګاواټه برښنا د لېږد ظرفیت لري په اړه هم خبرې کړې دي.
تازه خبرونه
څار: د مهاجرو نولواله ورځ
-
لوبی3 days ago
آریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه2 days ago
اروپايي ټولنې په افغانستان کې د اقتصادي ودې لپاره نږدې ۲۰ میلیون یورو ځانګړي کړل
-
نړۍ2 days ago
د سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
نړۍ3 days ago
ټرمپ او نتانیاهو پر غزه او سوریه خبرې وکړې
-
سیمه ییز خبرونه2 days ago
په مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
لوبی2 days ago
آریانا زاډیو ټلویزیون د IPL سیالیو د خپرولو تړون لاسلیک کړ
-
تازه خبرونه2 days ago
د کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
-
تازه خبرونه3 days ago
اسلامآباد اوس له کابل سره خبرو ته چمتو شو