تازه خبرونه
د ظاهر شاه مرسدس بنس د امریکا په موټر نندارتون کې تر ټولو لوړه جایزه وګټله
![](https://www.ariananews.af/wp-content/uploads/2023/08/car.jpg)
د امریکا پبل بیچ کانکورز دالیګانس نندارتون څرګنده کړې، چې د افغانستان د پخواني پاچا محمد ظاهر شاه مرسدس بنس د سږني کال د پخوانیو موټرو په نندارتون کې تر ټولو لوړه جایزه وګټله.
دې نندارتون د یکشنبې پر ورځ (د اسد پر ۲۹ ) په خپره کړې خبرپاڼه کې څرګنده کړې، چې په نړۍ کې د ۱۹۳۷ ز. کال مرسدس بنس ۵۴۰ – K سپیشل رود ستار موټر یوازې درې بېلګې پاتې دي.
د موټر ځانګړې مجلې کارسکوپس په خپل راپور کې ویلي، چې دا موټر د ۱۹۳۷ ز. کال په سپتمبر کې د افغانستان د پخواني پاچا لاس ته ورغی او بیا هغه دغه موټر پر ۱۹۵۰ ز. کال خپل بریتانیایي میشتي زوم ته ډالۍ کړ.
د دغه راپور پر بنسټ په ۱۹۵۳ ز. کال کې د ظاهر شاه مرسدس بنس یوه امریکايي کلکسیونر واخیست، چې له هغه وروسته پېنځه ځلې پېر او پلور ته وړاندې شوی دی.
د دې موټر اوسنی څښتن یو امریکایي کلکسیونر جیم پترسن دی، چې تېر کال یې په ۹.۹ میلیون دالرو اخیستی دی.
پبل بیچ کانکورز دالیګانس د پخوانیو موټرو نندارتون دی، چې په ځانګړي توګه له نړیوالې جګړې څخه د مخکې پېر موټر راټولوي او له ۱۹۵۰ ز. کال راپدیخوا هر کال په کالیفورنیا کې ترسره کیږي.
محمد ظاهر شاه د ۱۹۳۳ او ۱۹۷۳ کلونو ترمنځ د افغانستان ټولواک و.
تازه خبرونه
تحول: په افغانستان کې د ټولګډونه حکومت د جوړولو غوښتنې
تازه خبرونه
د روسیې او چین ولسمشرانو د شانګهای غونډې په څنډه کې وکتل
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
![](https://www.ariananews.af/wp-content/uploads/2024/07/rs.png)
ولادمیر پوتین او شي جین پینګ پرون د دواړو هېوادونو د اړیکو پر پیاوړتیا خبرې وکړې. لوېدیځو خبري سرچینو ویلي، دا په تېرو شاوخوا دوه میاشتو کې دوهیم ځل دی، چې پوتین او شي سره مخامخ لیده کاته کوي.
د سیمې د دوه قدرتونو دغو مشرانو د قزاقستان په پلازمېنه استانه کې د شانګهای د دوه ورځنۍ غونډه پرانیسته.
د شانګهای همکاریو ټولنه په ۲۰۰۱ کې د چین او روسیې لهخوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.
اړوند خبرونه:
د شانګهای هېوادونو استازیو په تاجکستان کې د افغانستان په اړه د همغږۍ ګډه هوکړه وکړه
د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان
تازه خبرونه
استرالیا د افغانستان لپاره ځانګړې استازې وټاکله
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
![](https://www.ariananews.af/wp-content/uploads/2024/07/Amanda.jpg)
د اسټرالیا بهرنیو چارو وزارت د خبر پاڼې له مخې؛ دې هېواد د افغانستان لپاره امانډا مک ګریګور نومې نوې استازې ټاکلې.
د اسټرالیا د بهرنیو چارو وزارت د خبرپاڼې لهمخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.
مک ګریګور د کاناډا په سفارت کې د ډیپلوماتې په توګه هم کار کړی او د اسټرالیا د حکومت د لومړي وزیر او کابینې لوړپوړې سلاکاره وه.
د اسټرالیا بهرنیو چارو وزیر پیني وانګ ویلي: مک ګریګور، چې په قطر کې میشته ده؛ له خپلو ګډ فکر لرونکیو هېوادونو سره به همکار کوي، چې له طالبانو (د افغانستان اسلامي امارت) څخه د بشري حقونو او د افغانانو د ملاتړ په اړه وضاحت وغواړي.
اسلامي امارت ویاند ذبیح الله مجاهد ویلي؛ ډیری هیوادونه د افغانستان پر واقعیتونو پوه شوي او هڅه کوي، چې له بېلابېلو لارو له اسلامي امارت سره اړیکه ونیسي.
نوموړي له هغو هېوادونو، چې په کابل کې یې سفارتونه ندي پرانیستي او له قطر څخه د سفارت چارې پرمخ وړي؛ غوښتنه کړې، چې په کابل کې خپل سفارتونه بېرته پرانیزي.
ویل کیږي، چې مک ګریګور پېنځه کاله د اسټرالیا په دفاع وزارت کې کار کړی او له څه وخت راپدیخوا په لبنان کې د اسټرالیا د سفارت مرستیاله وه.
-
لوبی4 days ago
درې افغان لوبغاړي د ۲۰ اوریز نړیوال جام سیالیو په غوره لوبډله کې راغلل
-
لوبی5 days ago
کوهلي په ۲۰ اوریز نړیوال جام کې د هندوستان له اتلولۍ وروسته استعفا وکړه
-
د هوا حالاتو بدلونونه3 days ago
په هلمند ولایت کې هوا بېساري توده ده
-
تازه خبرونه4 days ago
د ښځو له بشپړې ونډې پرته افغانان موخې ته رسېدلی نشي – کاناډا
-
تازه خبرونه4 days ago
له ابو نصر فراهي بندر څخه افغانستان ته د مالونو لېږد اته برابره زیات شوی – ایران
-
تازه خبرونه5 days ago
د چین او ترکمنستان چارواکو د سیمې د بهرنیو چارو وزیرانو پر راتلونکې غونډه خبرې وکړې
-
تازه خبرونه3 days ago
په دوحه کې د مدني ټولنو د غونډې ګډونوالو نومونه پټ وساتل شول
-
تازه خبرونه1 day ago
استرالیا د افغانستان لپاره ځانګړې استازې وټاکله