د جمهوري غوښتونکیو د ولسمشرۍ پر نوماند ډونالډ ټرمپ په فلوریډا کې د  ګولف کلب ته نږدې د وژنې هڅه شوې؛ هغه خوندي دی او یو شکمن نیول شوی دی.

د قانون پلي کوونکیو چارواکو ویلي: کله، چې د پټو خدماتو څو کارمندانو ګولف لوبې ته نږدې په بوټو کې یو وسله‌وال ولید؛ نو ورسره سم یې هغه ځای ته نږدې ډزې وکړې، چې ټرمپ یې په څو سوه مټرۍ کې لوبه کوله.

رویټرز راپور ورکړ، چې شکمن یو AK-47 ډوله ټوپک او نور توکي د پېښې په ځای کې پرېښود او په موټر کې وتښتید؛ خو وروسته ونیول شو.

دا پېښه يوه مياشت وروسته له هغې رامنځته کیږي، چې په پنسلوانيا کې يوه کس د ټاکنيزې غونډې پر مهال ر نوموړي ډزې وکړې او هغه یې پر غوږ ټپي کړ.

دواړه پېښې د ولسمشرۍ د نوماندانو د خوندي ساتلو ننګونې په ګوته کوي، چې د نومبر ۵ ټاکنو ته، چې ورته توده سیالي روانه ده؛ یوازې اووه اوونۍ پاتې دي.

ټرمپ د یکشنبې پر ورځ ناوخته په ټولنیزو رسنیو کې د پټو خدماتو او پولیسو څخه د هغه مننه وکړه.

هغه وایي: زه غواړم ستاسې د اندېښنو او نیکو هیلو لپاره له هر یوه څخه مننه وکړم - دا یقینا یوه په زړه پوري ورځ وه!

سي ان ان، فاکس نیوز او نیویارک ټایمز د ناپېژندل شویو قانون پلي کوونکیو چارواکو په حواله شکمن د هاوایی ۵۸ کلن ریان ویسلي روت پر توګه او پېژندلی. اف بي آی له څه ویلو ډډه وکړه او رویټرز نشي کولی په خپلواکه توګه د هغه هویت تائید کړي.

دا اوس هم روښانه نده، چې آیا څنګه شکمن د ټرمپ له لوبې خبرو او که هغه کومه بله انګیزه لرله؛ خو د برید هڅه ښیي، چې د نوموړي د ساتنې کچه نورې پوښتنې هم راپورته کوي.

سیمه ییزو چارواکو د شنبې پر ورځ ویلي، د نایجیریا د شمال لویدیځ د زمفارا ایالت په یوه سیند کې د یوې کښتۍ د ډوبیدو له کبله لږ تر لږه ۶۴ کسان مړه شوي دي.

د سیمه‌ییزو چارواکو د څرګندونو له مخې: د شنبې پر سهار یوه لرګینه کښتۍ، چې ۷۰  بزګران په کې سپاره ول؛ د ګومي ښارګوټي کروندو ته نږدې ډوبه شوه.

سیمه‌ییزو چارواکو زیاته کړې؛ د ژغورنې په درې ساعته عملیاتو کې د اړوند سیمې د اوسیدونکيو پر مرسته شپږ ژوندي پاتې شوي کسان له اوبو څخه را ووایستل شول.

امینو نوهو فلاله، چې د ژغورنې هڅې یې رهبري کولې ویلي؛ دا دوه‌یم ځل دی، چې د ګومي سیمه‌ییز حکومت په اړوند سیمه کې دا ډول پېښې رامنځته کیږي.

دغه راز زیاته شوې، چې بېړنیو ډلو د نورو د ژوندي پاتې کیدو په هیله لټون چټک کړی دی.

د سنتي حاکم د څرګندونو له مخې؛ له ۹۰۰ څخه زیات بزګران هره ورځ خپلو کروندو ته د لاسرسي لپاره له دې سیند څخه تېریږي. په داسې حال کې، چې د لېږد رالېږد لپاره یوازې دوه کښتۍ شته، چې ډېري وختونه ګڼه ګوڼه هم رامنځته کیږي.

د زمفارا ایالت خلک له دې مخکې نه یوازې د جنایي ډلو لخوا ځپل شوی، چې پر معدني سرچینو د کنټرول هڅې کوي، بلکې سختو بارانونو او سیلابونو زیانمن کړل، چې د سیمه‌ییزو چارواکو د څرګندونو له مخې دغو سېلابونو دوه اوونۍ مخکې د سیمې له ۱۰ زره څخه ډېر اوسېدونکي هم بې ځایه کړل.

رویټرز راپور ورکړی، چې د امریکا او بریټانیا د بهرنیو چارو وزیرانو د چارشنبې پر ورځ له ولسمشر ولادیمیر زیلینسکي سره په لیدنه کې د غرب د ملاتړ پر څرنګوالي خبرې کړې دي.

د رویټرز د څرګندونو له مخې؛ د امریکا بهرنیو چارو وزیر انټوني بلینکن او د بریټانیا بهرنیو چارو وزیر ډیویډ لمی پرون د اوکراین پلازمېنې ته رسېدلي، چې د اوکراین د حکومت له لوړ پوړو چارواکو سره وګوري او د غرب پر پوځي مرستو بحث او خبرې وکړي.

بلینکن ویلي؛ غواړي د اوکراین له ولسمشر ولادیمیر زیلینسکي او نورو څخه واوري، چې له روسیې سره په جګړه د کییف موخې څه دي او واشنګټن او ورسره څه مرستې کولی شي.

شونې ده، چې زیلینسکي خپلو متحدینو ته خپلې غوښتنې تکرار کړي او اوکراین ته د روسیې پر خاوره د امریکا اتکمز او د انګلستان سټورم لرې ویشتونکي توغنديو د کارولو اجازه ورکړي.

په واشنګټن او ځینو اروپايي پلازمېنو کې اندېښنه شته، چې د دې جواز صادرول به د لویدیځ او روسیې ترمنځ د مستقیمې جګړې شونتیا ډېره کړي.

بلینکن په دې اړه له څه ویلو ډډه کړې، چې آیا واشنګټن به د لرې واټن ویشتونکیو وسلو د کارولو اجازه ورکړي او که نه؛ خو وایي، چې هره پرېکړه څو عوامل لري.

هغه زیاته کړې، چې دا یوازې سیسټم ندی، چې مهم دی. تاسې باید پوښتنه وکړئ: آیا اوکراینیان کولی شي دا په اغېزمنه توګه وکاروي او د ساتلو وړتیا یې لري؟

د ایرنا د راپور له مخې، زیلینسکي پر ځلونو له لویدیځ څخه غوښتي؛ خپلو ځواکونو ته اجازه ورکړي، چې د دوی له اوږده واټن وسلو څخه پر روسیې د برید لپاره کار واخلي.

د امریکا ولسمشر جو بایډن د سې شنبې پر ورځ د دې پوښتنې په ځواب کې، چې آیا هغه به د کیف لخوا د اوږد واټن وسلو لکه ATCMs کارولو محدودیتونه لرې کړي؛ وویل، چې د هغه اداره اوس پدې مسله غور کوي.

د کرملین ویاند دیمیتري پسکوف په یوه خبري کنفرانس کې خبریالانو ته ویلي؛ داسې ښکاري، چې واشنګټن اوکراین ته د دې وسلو د کارولو د اجازې پرېکړه کړې ده.

هغه دا هم ویلي، چې که داسې وشي؛ مسکو به مناسب ځواب ورکړي او زیاتوي، چې د اوس لپاره د روسیې ځانګړي پوځي عملیات د دې ټولو بریدونو د ځواب لپاره کافي دي.