Connect with us

نړۍ

په امریکا کې د واورو او توپان له کبله زرګونه الوتنې وځنډېدې

خپور شوی

د

د امریکا د ختیځ او جنوب ختیځ په اړوند ساحلي سیمو کې له سختې یخنۍ سره توپان او د واورو او اورښتونو له کبله څه باندې ۲۷۰۰ الوتنې ځنډېدلي دي.

د الوتنو څارنې ادارې څرګنده کړې؛ د شنبې پر ورځ (د مرغومي ۳ ) له ۲۷۰۰ څخه ډېرې الوتنې وځنډول شوې او له ۶۴۰۰  څخه زیاتې الوتنې ترسره نشوې.

د جمعې پر ورځ له پېنځه زره ډېر پروازونه ونشول.

د NBC نیوز د څرګندونو له مخې؛ د شنبې له سهار راپدیخوا د سیاتل - تاکوما نړیوال هوایی ډګر کې د خرابې هوا له کبله له ۱۳۰ ډېرې الوتنې ونشوې.

يو شمېر مسافرو یادې خبري سرچینې ته ويلي، چې هوایي ډګر ته له راتلو مخکې خبر نه و ورکړ شوی.

سړې هوا په ټول هېواد کې د برښنا سیستمونه هم تر فشار لاندې نیولي دي.

د برښنا څارنې څانګو په ډاګه کړې، چې په امریکا کې یو اعشاریه اته میلیون کورونه، د کار او کسب سوداګریز بنسټونه د شنبې له سهاره برښنا نلري.

د برښنا ډېري شرکتونه له پېرودونکیو څخه غواړي، چې د لویو وسایلو پر کارولو او د غیر ضروري څراغونو پر بندولو برښنا خوندي کړي.

دغه راز د رسنیو د راپورونو له مخې، په ټول هېواد کې رامنځته شوې سړې څپې ترافیکي پېښې رامنځته کړي، چې له کبله یې لږ تر لږه ۱۶ کسان وژل شوي او سلګونه کسان په واورو پوښل شویو سړکونو کې بند پاتې دي.

د امریکا نړیوال بدلون څېړنیز پروګرام څرګنده کړې؛ په تېرو ۷۰ کلونو کې د ژمي د توپانونو شمېر او شدت ډېر شوی دی.

د چاپېریال ساتنې د چارواکو د څرګندونو له مخې؛ دا حالت یو څه د اقلیم د بدلون له کبله رامنځته شوی دی؛ ځکه، چې د ځمکې له تودوخې سره سم هوا ته ډېرې اوبه تبخیریږي، چې د اورښت لامل کیږي.

نړۍ

په برازیل کې د یوې ترافیکي پېښې له کبله ۳۰ کسان مړه شول

د رویټرز خبري سرچینې د راپور له مخې؛ د باهیا ایالت د اور وژنې ادارې ویلي: پر بس له لارۍ سره له ټکر وروسته اور ولګېد او د نورو سپرو کسانو حالت هم، چې ځايي روغتون ته وړل شوي د اندېښنې وړ ښودل شوی دی.

Published

on

د باهیا ایالت د اور وژنې ادارې څرګنده کړې، چې له لارۍ سره په ټکر کې ۳۸ کسان هغه مهال مړه شول، چې له ساو پاولو ایالت څخه دې ایالت ته روان و.

د رویټرز خبري سرچینې د راپور له مخې؛ د باهیا ایالت د اور وژنې ادارې ویلي: پر بس له لارۍ سره له ټکر وروسته اور ولګېد او د نورو سپرو کسانو حالت هم، چې ځايي روغتون ته وړل شوي د اندېښنې وړ ښودل شوی دی.

د باهیا ایالت د اور وژنې ریاست زیاته کړې: په دې پېښه کې د یوه چټک موټر درې کسه سپرلۍ، چې له یوې لارۍ سره د خپل موټر د ټکر له کبله لاندې شوی؛ په معجزانه ډول ژوندي پاتې شوي او د لارۍ چلوونکی هم په تېښته بریالی شوی دی.

د بهیا ایالت د اور وژنې ریاست زیاته کړې: د عیني شاهدانو له څرګندونو څخه د راټولو شویو بېلابېلو راپورونو له مخې، عدلي څېړنه به د پېښې اصلي لامل معلوم کړي.

د دې پېښې په غبرګون کې د برازیل ولسمشر لوییز اناسیو لولا داسلوا په ایکس پاڼه کې لیکلي: «زه سخت خواشینی یم او د دغې پېښې له ۳۰ څخه د زیاتو قربانیانو کورنیو ته د تسلیت مراتب وړاندې کوم او د دغې غمجنې پېښې د ژغورل شویو کسانو لپاره دعا کوم."

د برازيل ولسمشر هم د دغه هېواد حکومت له ټپيانو سره د هر ډول اړينو مرستو د چمتووالي اعلان وکړ.

Continue Reading

نړۍ

ناټو ته د اوکراین د پوځي مرستو د همغږۍ دنده وروسپال شوه

رویټرز د سې شنبې پر ورځ ( د لیندۍ اووه‌ویشتمه / د ډسمبر اووه‌لسمه ) راپور ورکړ، چې دا اقدام ناټو ته د اوکراین په جګړه کې مستقیم واک ورکوي.

Published

on

د شمالي اتلانتیک تړون(ناټو) اوکراین ته د پوځي مرستو د همغږي کولو مسوویت پر غاړه اخیستی، چې مخکې د واشنګټن پر غاړه و.

رویټرز د سې شنبې پر ورځ ( د لیندۍ اووه‌ویشتمه / د ډسمبر اووه‌لسمه ) راپور ورکړ، چې دا اقدام ناټو ته د اوکراین په جګړه کې مستقیم واک ورکوي.

د راپور له مخې؛ دا اقدام د اوکراین لپاره د پوځي ملاتړ د دوام لپاره شوی، چې د دوږنالډ ټرمپ د ولسمشرۍ د دوه‌یمې دورې له پیل وروسته د راتلونکي کال په جنورۍ کې نوموړي ته زیان ونه رسیږي.

د جرمني په ویسباډن کې د امریکا اډه د ناټو د پوځي مرستو د همغږۍ د مرکزي دفتر په توګه غوره شوې ده.

له دې مخکې د «رام‌اشټاین» ډلې، چې د امریکا پر مشرۍ د ۵۰ هېوادونو له ائتلاف څخه جوړه وه، اوکراین ته د پوځي مرستو د همغږي کولو دنده په غاړه درلوده.

د راپور له مخې؛ سپینه ماڼۍ هڅه کوي، چې د ټرمپ د ولسمشرۍ د دوه‌یم‌پېر له رسمي پیل مخکې کیف ته نورې پوځي مرستې ولېږدوي.

په راپور کې راغلي، چې ښايي دغه اقدام د اوکراین په جګړه کې ډېر اغېز ونکړي.

دونالډ ټرمپ  د ولسمرۍ په لومړي پېر کې ژمنه کړې وه، چې له ناټوتړون څخه به ووخي.

د امریکا منتخب ولسمشر ډونلډ ټرمپ د خپل ټاکنیز کمپاین پر مهال له کیف سره د واشنګټن پر پوځي مرستو نیوکه کړې وه او دا ژمنه یې کړې وه، چې له بریا وروسته به په اوکراین کې جګړه پای ته رسوي.

د ناټو پوځي تړون ۳۱ غړي لري، چې امریکا، بریټانیا، آلمان، ترکیه او ایټالیا یې مهم غړی دي.

ټرمپ د ناټو له غړو وغوښتل، چې د خپلو ناخالصو کورنیو تولیداتو درې سلنه دې تړون ته ځانګړې کړي.

دا په داسې حال کې ده، چې روسيې له اوکراين سره د لويديځ د پوځي مرستو زياتوالى غندلى او دا يې د يوې پراخې جګړې له خطر سره مخ کېدل یاد کړي وه.

Continue Reading

نړۍ

د سوریې په یوه ډله‌ییز قبر کې لږ تر لږه ۱۰۰ زره جسدونه براته دي – راپور

معاذ مصطفی له دمشق څخه رویټرز سره په یوه ټیلیفوني مرکه کې ویلي؛ دا ډله‌ییز قبر د القطیفه په سیمه کې، چې له دمشق څخه څلوېښت کیلومټره لرې یو له هغو پېنځه ډله‌ییزو قبرونو څخه دی، چې په تېرو څو کلونو کې یې کشف کړي دي.

Published

on

په سوریه کې د امریکا د یوې موسسې مشر اعلان کړی، چې له دمشق بهر په یوه ډله‌ییز قبر کې د لږ تر لږه ۱۰۰ زره کسانو جسدونه پراته دي، چې د سوریې د لرې شوي ولسمشر بشارالاسد د حکومت لخوا وژل شوي دي.

معاذ مصطفی له دمشق څخه رویټرز سره په یوه ټیلیفوني مرکه کې ویلي؛ دا ډله‌ییز قبر د القطیفه په سیمه کې، چې له دمشق څخه څلوېښت کیلومټره لرې یو له هغو پېنځه ډله‌ییزو قبرونو څخه دی، چې په تېرو څو کلونو کې یې کشف کړي دي.

د سوریې د بیړنیو حالاتو د ډلې مشر معاذ مصطفی ویلي، چې نور ډله‌ییز قبرونه هم شته او قربانیان یې نه یوازې سوري وګړي، بلکې امریکايي، بریټانیاوي او د نورو هېوادونو هم دي.

د راپورونو له مخې؛ له ۲۰۱۱ کال راپدېخوا، چې د اسد د حکومت پر ضد لاریونونه د کورنۍ جګړې لامل شول، په کې سلګونه زره سوري وګړي وژل شوي دي.

بشار الاسد او پلار یې حافظ الاسد، چې له ده مخکې ولسمشر و او په ۲۰۰۰ کال کې مړ شو؛ د سوریې د خلکو، د بشري حقونو ډلو او نورو حکومتونو لخوا د ډله‌ییزو اعدامونو په ګډون پر ډله‌ییزو وژنو تورون دي.

اسد په پرله‌پسې توګه د خپل حکومت لخوا د بشري حقونو سرغړونې رد کړي او خپل مخالفان یې افراطیان یاد کړي دي.

ویل کیږي، چې روسیې اسد او کورنۍ ته یې پناه ورکړې ده.

Continue Reading
Advertisement

Trending

Copyright © 2024 Ariana News. All rights reserved!