Connect with us

سوداگري

افغان شرکتونه اوس هم له اقتصادي ستونزو سره مخ دي – نړیوال بانک

خپور شوی

د

د نړیوال بانک یوه نوې څېړنه ښيي؛ افغانستان له سترو ټولنیزو او اقتصادي ستونزو سره مخ دی، چې د دغه هېواد د خلکو پر هوساینې یې منفي اغېز کړی دی.

په دې سروې کې څرګنده شوي، چې شرکتونه له سیاسي بې ثباتۍ، په مالي او نړیواله برخه کې د افغانستان له انزوا، د ځانګړیو حللارو نشتون او د نړیوالو مرستو د کموالي له کبله ځورېږي.

نړیوال بانک وړاندویېنه کړې، چې د ۲۰۲۲ زېږدیز کال تر پایه به د افغانستان د ناخالصو تولیداتو درېیمه برخه کمه شي.

د افغانستان لپاره د نړیوال بانک مشرې میلندا ګود ویلي: د دې نوې سروې پایلې د افغانستان د خصوصي سکتور انعطاف ښیي، چې د هېواد د اقتصاد په بیا رغونه کې مهم رول لوبولی شي. دا سروې ښیي، چې شرکتونه اوس هم د سیاسي وضعیت د بې ثباتۍ او د ځانګړیو تګلارو له نشتون، له نړیوال مالي سکتور څخه د افغانستان د انزوا او د نړیوالو مرستو د کموالي له کبله تر اغېز لاندې دي.

د نړیوال بانک سروې دا هم ښیي، چې د ۲۰۲۱ کال له اګست وروسته سوداګریز فعالیتونه د بانکي ستونزو، د تقاضا کمېدو او د ترانسپورت لګښتونو د زیاتوالي له کبله خورا محدود شوي دي.

د دې کتنې پر بنسټ، ډېرو نړیوالو بانکونو له افغان بانکونو سره خپلې راکړې ورکړې محدودې کړې او د پیسو نړیوال سیستم ګډوډ شوی دی. ۶۵ سلنه شرکتونه په نړیوالو تادیاتو کې د پیسو لیږد ته لاره واروي او ۲۱ سلنه خپلې پیسې د رسمي چینلونو له لارې بهر ته لېږدوي.

سروې دا هم ښیي، چې د ۲۰۲۱ کال له اګست څخه دمخه ۸۲ سلنه شرکتونو په بانکونو کې نغدې پیسې جمع کړي دي؛ خو د تېر کال له اګستع وروسته دغه شمېر ۱۲ سلنې ته راټيټ شوی دی.

په خصوصي سکتور کې د دندو شمېر د ۲۰۲۱ کال له اګست د مخکې پر پرتله پنځوس سلنه کم دی او په دې برخه کې میرمنې تر ټولو ډېر زیانمنې شوې دي.

په دې سروې کې ډېري شرکتونو ویلي، چې امنیت د ۲۰۲۱ کال له نومبر وروسته ښه شوی؛ خو هغه شرکتونه، چې مشري یې ښځو کوله، اندېښمن دي.

سوداگري

ترکي عالمان او د خیریه موسسو چارواکي په افغانستان کې د پانګونې امکانات ارزوي

د انرژۍ او اوبو وزارت د څرګندونو له مخې؛ عبداللطیف منصور په افغانستان کې د ادیف خیریه بنسټ له بشردوستانه هڅو ستاینه وکړه او د انرژۍ د تولید لپاره یې د هېواد کافي سرچینې ورپر ګوته کړې.

Published

on

د افغانستان د انرژۍ او اوبو وزارت چارسمبالي عبداللطیف منصور د سې‌شنبې پر ورځ د ترکیې د عالمانو او د ادیف خیریه بنسټ له مسوولینو سره پر بېلابېلو سیاسي، دیني او ټولنیزو مسایلو خبرې وکړې.

د انرژۍ او اوبو وزارت د څرګندونو له مخې؛ عبداللطیف منصور په افغانستان کې د ادیف خیریه بنسټ له بشردوستانه هڅو ستاینه وکړه او د انرژۍ د تولید لپاره یې د هېواد کافي سرچینې ورپر ګوته کړې.

هغه ټینګار وکړ، چې افغانستان اوسمهال په ټولو برخو کې د پانګونې لپاره مناسب چاپېریال برابرکړی دی او ترکيې پلاوي ته یې د پانګونې او د هغوی د شتمنیو د خوندیتوب ډاډ ورکړ.

ویل کیږي، چې د ادیف بنسټ چارواکو د ترکي پانګوالو د هڅولو  ژمنه وکړه او هغوی غواړي، چې په افغانستان کې د پانګونې فرصتونه وارزوي او پانګونه وکړي؛ ځکه، چې اوس د دواړو هېوادونو ترمنځ د اقتصادي او پرمختیایي همکاریو د ودې لپاره مناسب چاپېریال برابر شوی دی.

Continue Reading

سوداگري

د پاکستان مرکزي بانک افغانستان ته د صادراتو له زیاتېدو خبر ورکړ

Published

on

د پاکستان مرکزي بانک خبر ورکړی، چې د روان کال د جولای او اکتوبر ترمنځ په څلورو میاشتو کې افغانستان ته د دغه هېواد صادرات ۲۹۱ میلیون ډالرو ته رسېدلي دي.

د دغه بنسټ د څرګندونو له مخې، د تېر کال په همدې موده کې افغانستان ته د پاکستان د صادراتو ارزښت څه باندې ۱۸۲ میلیون ډالره و.

د پاکستان مرکزي بانک وايي، د افغانستان په ګډون د سیمې اووه هېوادونو(چین، بنګله دیش، سریلانکا، هند، نیپال او مالدیپ ) ته د دغه هېواد صادرات څلور سلنه ډېر شوي دي.

دا په داسې حال کې ده، چې د پاکستان او افغانستان د سوداګرۍ او صنایعو ګډې خونې په دې وروستیو کې د افغانستان او پاکستان ترمنځ د سوداګرۍ د کچې د ټیټېدو په اړه اندېښنه ښودلې ده.

د پاکستان او افغانستان د سوداګرۍ او صنایعو د ګډې خونې مرستیال ضیاءالحق سرحدي ويلي، پخوا د دواړو هېوادونو ترمنځ د سوداګرۍ کچه ۲ اعشاریه میلیارډ ډالرو ته نږدې وه؛ خو اوس ۷۰۰ ​​میلیون ډالرو ته راټیټه شوې ده.

Continue Reading

سوداگري

د پاکستان او افغانستان د سوداګرۍ خونې د سوداګرۍ پر کمېدا اندېښنه څرګنده کړه

د پاکستان رسنیو راپور ورکړی، چې د چارشنبې پر ورځ په یوه مطبوعاتي څرګندونه کې سرحدي د خېبر پښتونخوا ایالتي حکومت لخوا افغانستان او د منځنۍ اسیا هېوادونو ته د صادراتي بار وړلو لپاره د بېخبنا پر پراختیا د دوه سلنې مالیې پلي کول د سوداګرۍ د کچې د کمېدو یو لامل وباله.

Published

on

د پاکستان او افغانستان د سوداګرۍ او صنایعو د ګډې خونې مرستیال ضیاالحق سرحدي د پاکستان او افغانستان ترمنځ د سوداګرۍ د کچې د ټېټېدو په اړه اندېښنه څرګنده کړې ده.

د پاکستان رسنیو راپور ورکړی، چې د چارشنبې پر ورځ په یوه مطبوعاتي څرګندونه کې سرحدي د خېبر پښتونخوا ایالتي حکومت لخوا افغانستان او د منځنۍ اسیا هېوادونو ته د صادراتي بار وړلو لپاره د بېخبنا پر پراختیا د دوه سلنې مالیې پلي کول د سوداګرۍ د کچې د کمېدو یو لامل وباله.

هغه د دې يادونه هم وکړه، چې پخوا د پاکستان او افغانستان تر منځ د دوه اړخيزې سوداګرۍ کچه شاوخوا ۲ اعشاریه ۵ ميليارډ ډالره وه؛ خو اوس ٧٠٠ ميليون ډالرو ته راټيټه شوې ده.

ضیاالحق سرحدي همداراز د تورخم د لارې پرله‌‌پسې تړل کېدا، د بار وړونکیو موټرو د تګ راتګ لپاره د لنډمهالي سند د صادرولو د پلان نه عملي کېدل او د کراچۍ په بندر کې محدودیتونه پاکستان او افغانستان د سوداګرۍ د کچې د راټیټېدو نور لاملونه وبلل.

Continue Reading
Advertisement

Trending

Copyright © 2024 Ariana News. All rights reserved!