تازه خبرونه
د سولې خبرې باید ژر تر ژره بیا پیل شي – خلیلزاد

د افغانستان لپاره د امریکا ځانګړي استازي زلمي خلیلزاد آلماني دیر شپیګل ورځپاڼې ته ویلي، چې په افغانستان کې د تاوتریخوالي کچه خورا لوړه ده او د سولې خبرې باید ژر تر ژره پیل شي.
هغه د تاوتریخوالي د لوړې کچې په اړه ویلي؛ دواړه خواوې باید د ګډ ټکي د موندلو لپاره رښتینې هڅې ترسره کړي. که د سولې هوکړه نه وي؛ نو بل غوراوی د طالبانو بریا نده . دا یوه اوږده جګړه ده.
خلیلزاد دا خبرداری هم ورکړی، چې په افغانستان کې پوځي حل ناشونی دی.
هغه ویلي: که د جمهوريت غوښتونکيو ډلې سره بېلې شي او هره ډله بېله لار غوره کړي؛ دا یو خطرناک امکان دی، نو طالبان به په ځانګړي توګه افراطیان د پوځي حل غوراوي ته وهڅوي.
خلیلزاد وايي؛ په افغانستان کې پر پوځي حل ټینګار به د ۱۹۹۰ لسیزې د تراژیدۍ تکراروي او نیابتي جګړو ته به زمینه برابره کړي.
هغه څرګنده کړې: طالبانو او نورو افغان ډلې مشرانو هغه مهال هیر کړی ندی. دوی خپلې وېروونکې تېروتنې په پام کې لري. دوی سره راټول شوي ندي او هر یو یې خپلې ګټې تعقیبوي، چې د جګړې او د افغانستان د ورانۍ لامل شوي. مونږ له افغانانو تمه لرو، چې دا تېروتنې تکرار نکړي.
خلیلزاد په ډاګه کړې؛ د استانبول د غونډې ځنډول د طالبانو لپاره یوه آزموینه ده، چې آیا دوی غواړي په سوله ییزه توګه جګړه پای ته ورسوي او که نه.
دی وایي: ترکانو، قطري مشرانو او ملګرو ملتونو هوکړه کړې، چې د طالبانو او افغان حکومت ترمنځ د سولې خبرو د چټکولو لپاره یوه غونډه جوړه کړي. طالبانو تر دې دمه د دې ناستې پر نېټه فکر ندی کړی. دوی وايي، چې تر دې دمه یې په دې ناسته کې د ګډون اجازه ترلاسه کړې نده. دوی د بندیانو خوشې کول او له تور نوملړه یې د مشرانو نومونه لرې کول غوښتي.
خليلزاد وايي، جګړه بیه پرې کول غواړي او دواړه خواوې هره ورځ ځاني زیانونه ویني.
د امریکا ځانګړي استازي ويلي، چې طالبان یو فرصت لري او هغه د دوی راتلونکی اغېزمن کړي.
نوموړي زیاته کړې؛ د دوی راتلونکی له نړیوال مشروعیت، مرستو، تور نوملړ او دبندیانو خوشې کولو کې دی؛ خو دا کار له خبرو او پر سیاسي حل هوکړې ته اړتیا لري.
خلیل زاد وايي: جګړه بدیل دی که څه هم تلپاتې لاسته راوړنې هم ولري. دوی غور کوي، چې په آسانۍ یې نشي ګټلی. د دوی اوسني بریدونه به دوی له قانوني ملګرتيا بې برخې او ډډې ته کړي. دغه راز به د مشرعو همکارانو په توګه ونه منل شي، بندیان به یې خوشې نشي او پهتور نوملړ کې به پاتې وي. د نړیوالې ټولنې دوامداره مخالفت به له پوځي لارې واک ته د رسېدو مخه ونیسي.
د امریکا ځانګړي استازي زیاته کړې؛ اوس د دې وخت رارسیدلی، چې طالبان پرېکړه وکړي، چې پر کومه لاره ولاړ شي.
هغه وایي: مونږ له خپلو متحدینو سره دواړو لارو ته چمتووالی نیسو. دا پیغام طالبانو ته ورکړ شوی دی.
خلیلزاد وايي، چې طالبان په افغانستان کې سیاسي حل ته چمتووالی نیسي.
خلیلزاد ويلي؛ که طالبان جګړه غوره کړي، نو امریکا به له افغان ځواکونو سره ودریږي.
هغه خبرداری ورکوي، چې پر خلکو د غوښتنو تپل به جګړه نوره هم اوږده کړي.
خلیلزاد ډاډ ورکوي، چې امریکا او نړیواله ټولنه به افغانستان یوازې نه پریږدي.
هغه ویلي: کله، چې له افغانستان څخه د امریکایي ځواکونو وتل بشپړ شي؛ نو ورسره به زمونږ د همکاریو نوی څپرکی هم پرانستل شي. دا هېواد به د افغان ځواکونو، بشري مرستو او پرمختیايي مرستو په ګډون د امریکا د مرستو مخکښ ترلاسه کوونکی وي.
خلیلزاد وايي: پاکستان په افغانستان کې مشروع ګټې لري او افغانان باید دې ګټو ته درناوی ولري.
هغه زیاته کړې؛ د دواړو هېوادونو مشروع ګټې دا دي، چې د افغانستان خاوره باید د پاکستان پر ضد ونه کارول شي او د پاکستان خاوره باید د افغانستان پروړاندې ونه کارول شي.
خلیلزاد زیاته کړې، چې هغه له بریټانیا سره پر افغانستان او پاکستان کار کوي، چې دواړه هېوادونه وکولی شي پر ګډ امنیت کار وکړي او یوې هوکړې ته ورسیږي.
هغه دغو همکاریو ته په نغوته کې ویلي؛ پاکستان پړ دی، ځکه ډېر طالبان هلته ژوند کوي.
د امریکا دغه ځانګړی استازي ویلي، د افغانستان راتلونکی له طالبانو او نورو افغان مشرانو سره نښلول شوی دی.
هغه وایي: افغان مشرانو ورته ویلي، چې له تېرو پوهیدلي دي؛ خو دا به وخت په ډاګه کړي، چې آیا دوی خپل هېواد او خلکو ته لومړیتوب ورکوي که د نورو پلانونو پلي کولو ته.
دا په داسې حال کې ده، چې خلیلزاد په یو لړ ټویټونو کې د کوچني اختر په ویاړ د طالبانو او حکومت د درې ورځني اوربنده د هرکلي ترڅنګ ویلي؛ سیاسي جوړجاړی او دایمي اوربند د افغانانو حق دی او له همدې کبله مونږ د سیاسي جوړجاړي لپاره د افغانانو ترمنځ د خبرو د ګړندي کیدو او د روانې جګړې د پای ته رسولو غوښتنه کوو.
تازه خبرونه
چینایي او ایراني چارواکو د افغانستان په اړه وکتل
د افغانستان لپاره د چین بهرنیو چارو وزارت ځانګړي استازي یو شیایونګ په تهران کې د دغه هېواد د بهرنیو چارو وزارت د سیاسي چارو له مرستیال سره وکتل او د افغانستان اړوند مسلو او ګډو اندېښنو په اړه یې خبرې وکړې.

د افغانستان لپاره د چین ځانګړي استازي یو شیاونګ د ایران د بهرنیو چارو وزارت له سیاسي مرستیال مجید تخت روانچي سره وکتل.
د افغانستان لپاره د چین بهرنیو چارو وزارت ځانګړي استازي یو شیایونګ په تهران کې د دغه هېواد د بهرنیو چارو وزارت د سیاسي چارو له مرستیال سره وکتل او د افغانستان اړوند مسلو او ګډو اندېښنو په اړه یې خبرې وکړې.
په دې کتنه کې دواړو خواوو ټینګار وکړ، چې ټول ګاونډ هېوادونه او سیمه باید د یو سولهییز، باثباته او پرمختللي افغانستان لپاره همکاري وکړي.
د افغانستان لپاره د چین بهرنیو چارو وزارت ځانګړي استازي په ایکس پاڼه کې لیکلي، چې دواړو خواوو هوکړه وکړه، چې په افغانستان کې د سولې، ثبات او پرمختګ لپاره له ټولو ګاونډ هېوادونو او سیمې سره همکاري وکړي.
یو شیائویونګ وایي: “په تهران کې د تېرې اوونۍ غونډه ډېره ښه وه؛ زمونږ خبرې ډېرې ښې وې او دواړه خواوې چمتو دي، چې د افغانستان د بیارغونې لپاره له یو بل سره ګډ کار روان وساتي.”
یو شیاویونګ له دې مخکې پاکستان او قطر ته سفرونه کړي دي.
د چین د بهرنیو چارو وزارت د څرګندونو له مخې؛ د افغانستان لپاره د چین ځانګړي استازي پر ترتیب د دغو درې هېوادونو له چارواکو سره ولیدل او د افغانستان اړوند مسلو په اړه یې نظرونه تبادله کړل.
یو شیاویونګ هم قطر ته د خپل سفر پر مهال په دوحه کې د اسلامي امارت له سفیر سهیل شاهین سره ولیدل.
د سیاسي چارو شنونکي پدې باور دي، چې چین د افغانستان له ګاونډ هېوادونو او اسلامي امارت سره د نږدې اړیکو پر جوړولو په افغانستان کې د ثبات، اقتصادي پراختیا او سیمهییزې همکارۍ د پیاوړتیا په لټه کې دی.
تازه خبرونه
د بیات بنیاد د خوراکي توکو د وېش لړۍ غزني ولایت ته ورسېده
د دې بنیاد چارواکي وايي؛ دا مرسته د یوې پراخې سروې له ترسره کولو وروسته هغو کسانو ته ووېشل شوه، چې مستحق ول.

بیات بنیاد د روژې د مناسبتي مرستو په لړ کې د غزني ولایت لسګونو اړمنو کورنیو ته خوراکي توکي ووېشل.
د دې بنیاد چارواکي وايي؛ دا مرسته د یوې پراخې سروې له ترسره کولو وروسته هغو کسانو ته ووېشل شوه، چې مستحق ول.
دغه راز هغه کورنۍ، چې دا مرستې یې ترلاسه کړي؛ له نورو خیریه بنسټونو څخه هم غوښتنه کوي، چې په دې سختو شرایطو کې له اړمنو کسانو سره مرسته وکړي.
د مرستو په دې کڅوړو کې اوړه، وريجې او غوړي شته.
بیات بنسټ په تېرو وختونو کې د غزني ولایت له اړمنو اوسیدونکو سره د پام وړ مرستې کړې دي.
د یادونې ده، چې بیات بنیاد د هېواد په ځینو نورو ولایتونو کې د څښاک د پاکو اوبو په برابرولو، د جوماتونو، روغتیایي مرکزونو او ښوونځیو په جوړولو کې د پام وړ مرستې کړې دي.
تازه خبرونه
د پاکستان استازي افغانستان ته په درې ورځني سفر کې پر دوه اړخیزو همکاریو ټینګار کړی
د پاکستان بهرنیو چارو وزارت د څرګندونو له مخې؛ د دې سفر په پایله کې د اداري اړیکو مهالوېش هم بشپړ شو او هوکړه وشوه، چې د ګډې همغږۍ کمیټې (JCC) غونډه به د اپریل له پېنځلسمې مخکې ترسره شي.

د افغانستان په چارو کې د پاکستان ځانګړي استازي محمد صادق کابل ته خپل درې ورځنی سفر پای ته رسولی او د اسلامي امارت له یو شمېر چارواکو سره یې د سوداګرۍ، دوه اړخیزو اړیکو، سیمهییز اتصال او د امنیت په ګډون پر بېلابېلو موضوعاتو خبرې کړې دي.
د پاکستان بهرنیو چارو وزارت د څرګندونو له مخې؛ د دې سفر په پایله کې د اداري اړیکو مهالوېش هم بشپړ شو او هوکړه وشوه، چې د ګډې همغږۍ کمیټې (JCC) غونډه به د اپریل له پېنځلسمې مخکې ترسره شي.
د بهرنیو چارو وزارت د ویاند د څرګندونو له مخې؛ په دې سفر کې صادق د افغانستان د بهرنیو چارو وزارت له چارسمبالي(سرپرست) امیر خان متقي سره ولیدل او د دواړو خواوو ترمنځ د متقابلو ګټو، سولې او امنیت، سوداګرۍ او اقتصادي همکاریو په اړه یې نظرونه وړاندې کړل.
صادق خان له افغانستان سره د دوامداره اړیکو لپاره د پاکستان ژمنه بیا تکرار کړه او د دوه اړخیزو اړیکو د پیاوړتیا لپاره یې د پاتې مسلو د حل کولو پر اهمیت ټینګار وکړ.
دواړو خواوو هوکړه وکړه، چې د دواړو هېوادونو ترمنځ د همکارۍ د ودې لپاره د لوړې کچې تعاملات او بحثونه زیات کړي.
د پاکستان بهرنیو چارو وزارت اعلان وکړ، چې د افغانستان او پاکستان د سوداګرۍ وزیران به له کوچني اختر څخه مخکې د خبرو اترو لپاره سره وګوري.
ټاکل شوې، چې د صنعت او سوداګرۍ وزارت چارسمبالی نورالدین عزیزي به له کوچني اختر وروسته د سوداګرۍ اړوند مسلو د حل لپاره پاکستان ته سفر وکړي.
پاکستاني رسنیو راپور ورکړی، چې صادق به په کابل کې له ملکي او پوځي چارواکو سره یوځای د JCC په غونډه کې ګډون وکړي.
صادق د افغانستان د صنعت او سوداګرۍ وزرارت له چارسمبالي نورالدین عزیزي سره هم لیدلي دي.چیرې دواړو خواوو د دوه اړخیزې سوداګرۍ، اقتصادي اړیکو او د سوداګریزو دهلیزونو او سیمهییز اتصال په برخه کې د همکارۍ په اړه خبرې کړې دي.
د پاکستان استازي د دواړو هېوادونو د ګټې لپاره د سیمهییزې سوداګرۍ او ټرانزیټ لارو له ظرفیت څخه په بشپړه توګه د ګټې اخیستنې پر اړتیا ټینګار وکړ.
ځايي پاکستاني رسنیو راپور ورکړی، چې پاکستان ته له راستنېدو سره سم صدیق د لومړي وزیر مرستیال اسحاق ډار ته له افغان چارواکو سره د خپلو غونډو په اړه معلومات ورکړل او د دوه اړخیزو اړیکو او سیمهییزې همکارۍ پر پایلو او پرمختګ یې ټینګار وکړ.
-
تازه خبرونه2 days ago
په افغانستان کې امنیت او حاکمیت ټینګ دی – عراقچي
-
سوداگري2 days ago
د افغانستان بانک ۱۵ ميليون امريکايي ډالر داوطلبۍ ته وړاندې کوي
-
تازه خبرونه3 days ago
د ترهګرۍ وده د پاکستان د تېروتنو پایله ده – مولانا فضل الرحمن
-
سیمه ییز خبرونه1 day ago
مصر د غزې د اوربند د بیا پیل لپاره نوی وړاندیز وکړ
-
International Sports3 days ago
آر سي بي د ۲۰۲۵ آی پي ایل سیالیو د پرانیستې لپاره اورلوبه وکړه
-
International Sports2 days ago
سنرایزرز لوبډله پر زړهراکښونکې توپوهنې د راجستان رویالز پر وړاندې بریالۍ شوه
-
تازه خبرونه3 days ago
په کابل کې لسګونو اړمنو کورنیو د بیات بنیاد د روژې مناسبتې مرستې ترلاسه کړې
-
نړۍ1 day ago
پر اوکراین د روسیې د راکټي برید له کبله ۸۸ ملکي وګړي ټپیان شول